Skessuhorn - 26.07.2006, Page 6

6
MIÐVIKUDAGUR 26. JULI 2006
^■ifiasunuo
Fyrsti útflutningur eininga
frá Loftorku
í síðustu viku var gengið frá sölu
og afhendingu á fyrstu forsteyptu
húseiningunum frá Loftorku
Borgarnesi ehf. á erlendan markað
og fór fyrsta sendingin ffá verk-
smiðju fyrirtækisins að Engjaási í
Borgarnesi sl. miðvikudag. Að
sögn Andrésar Konráðssonar,
framkvæmdastjóra fer sending
þessi til Færeyja og er meiri sala
þangað í undirbúningi. I þessari
fyrstu sendingu voru 400 mm
þykkar forspenntar holplötur en
þessi gerð platna er mest notuð í
milliloft stærri bygginga. Steypa er
vegna þyngdar sinnar ekki sérlega
góð útflutningsvara vegna flutn-
ingskostnaðar og kvaðst Andrés
því vera hóflega bjartsýnn á fram-
tíð útflutnings af þeim sökum,
engu að síður væri þessi tilraun
skemmtileg viðbót hjá fyrirtækinu.
Framleiðsla hafin
á Akureyri
Fyrirtækið afhenti á dögunum
fyrstu einingarnar frá nýrri verk-
smiðju Loftorku á Akureyri.
Kaupandinn var byggingafyrirtæk-
ið Húsverk ehf. og fara einingarn-
ar í nýbyggingu við Stekkjatún 11-
21 á Akureyri. Eins og fram hefur
komið í fféttum Skessuhorns festi
Loftorka Borgarnesi í vetur kaup á
húsnæði á Akureyri sem áður hýsti
starfsemi Slippstöðvarinnar.
Framleiðslan þar er sem stendur
eingöngu bundin við óeinangraða
veggi. A næstu vikum hefst þar
einnig framleiðsla á loftaplötum,
kúluplötum og einangruðum sam-
lokuveggjum. Andrés sagði í sam-
tali við Skessuhorn að áætluð
framleiðslugeta verksmiðjunnar á
Akureyri yrði um 250 íbúðir á ári
og þar muni starfa um 30-40
manns þegar ráðið hafi verið í all-
ar stöður. Uppsetning nýju verk-
smiðjunnar hefur gengið vel og
samkvæmt áætlun.
Verkefhastaða góð
Næg verkefni eru ffamundan hjá
Loftorku Borgarnesi ehf. næstu
misserin og segir Andrés ekkert lát
á pöntunum, „þrátt fyrir að pen-
ingastofnanir reyni markvisst að
tala niður fasteignamarkað hér á
landi,“ bætir hann við.
Hjá fyrirtækinu í Borgarnesi eru
nú um 220 starfsmenn, 12-15 eru
hjá deild þess á Kjalarnesi og verða
innan skamms 40 á Akureyri, sam-
anlagt um 275 manns.
MM
Stefiiir í lélegt laxveiðisumar
Landssamband veiðifélaga birtir á
hverjum fimmtudegi nýjar tölur um
veiði í laxveiðiánum. Samkvæmt
þeim var Norðurá sl. fimmtudag á
toppnum með 1149 laxa og Þverá
með 1014. I þriðja sæti er Blanda
með 565 laxa, Elliðaárnar með 441 í
fjórða sæti og Langá í fimmta með
435 laxa. Veiðin í öllum þessum ám
er langt undir veiði síðasta árs ef
borið er saman við tölur ffá 20. júlí
2005. Þannig hefur bæði í Norðurá
og Þverá veiðst hátt í helmingi færri
laxar í sumar en á sama tíma í fyrra,
Norðurá hafði þá skilað 1998 löxum
og Þverá/Kjarrá 1973 löxum. Veiði í
fleiri laxveiðiám á Vesturlandi er
þannig talsvert minni en hún var í
fyrra. I Laxá í Leirársveit höfðu nú
veiðst 152 laxar á móti 390 í fyrra, í
Grímsá 302 á móti 470, Langá með
435 á móti 580 í fyrra, í Laxá í Döl-
um höfðu komið 110 laxar á móti
300 í fyrra og í Straumfjarðará 114 á
móti 200. Sú vestlenska veiðiá sem
kemst næst því að skila jafn góðri
veiði og í fyrra er Flókadalsá með
190 laxa á móti 219 í fyrra.
Áhyggjur veiðimanna eru nokkrar
þessa dagana þar sem lax virðist víða
skila sér illa í ámar og ekki í sama
mæli og veiðimenn vonuðu. Einnig
er göngur bleikju lidar. ,Já, þetta er
skrítið þessa dagana, laxinn kemur
ekki eins og margir áttu von á,
göngurnar eru krafflausar og ffemur
litlar. Það er eitthvað mikið af gerast
í hafinu og eitthvað hefur gerst í vet-
ur sem veldur því að þetta virðist
daufara en menn áttu von á,“ sagði
Hilmar Hansson fyrrverandi for-
maður Landssambands stangaveiði-
félaga og veiðimaður í samtali við
Skessuhom.
MM/GB
A góðri stund í
Grundarfirði um
næstu helgi
„Gulir“ marsera hér um bœinn á hátíðinni ífyrra.
Bæjarhátíð Grund-
firðinga, A góðri
stund, verður haldin
helgina 28.-30. júlí. Á
hátíðinni má finna
ýmsar uppákomur
sem hefð er komin
fyrir og einnig verður
bryddað upp á nýj-
ungum. Grundar-
fjarðarbæ verður
skipt niður í fjögur
hverfi og verða skreyt-
ingarlitimir hverfanna gulur, rauð-
ur, grænn og blár. Dagskrá hátíðar-
innar er vegleg og fjölbreytt, há-
landaleikar verða haldnir, brenna
verður á Grundarkampi á laugar-
dagskvöld, bryggjuball, dorgveiði-
keppni fyrir yngri kynslóðina verður
á sunnudag, golfmót, útvarp
Grandarfjörður verður starffækt
um helgina, sölubásar verða á hafn-
arsvæðinu, ljósmynda- og mynd-
listasýningar verða víðsvegar um
bæinn og haldið verður upp á 40 ára
vígsluaffnæli Grundarfjarðarkirkju
svo eitthvað sé nefnt. Nánari upp-
lýsingar um bæjarhátíðina Á góðri
stund má finna á vef Grandarfjarð-
ar; www.grandarfjordur.is SO
Er blaðamann bar að garði í Fjöruhúsinu var jjöldi fólks íjjörunni á Hellnum og hópur
fólks sat og naut veitinga á pallinum við Fjöruhúsið.
Eigendur Fjöruhússins
með nýjungar í rekstri
Eigendur Fjöruhússins á Helln-
um hafa fest kaup á farþegabát af
gerðinni Artic blue og hefur bátur-
inn hlotið nafhið Tanja. Báturinn
er harðbotna og er hann fluttur inn
frá Noregi. Tanja er 2,7 metra
breiður, 8,7 metra langur og er vél-
in af gerðinni Cummings og era
geymd þar ein 350 hestöfl. Gang-
hraði bátsins er um 50 sjómílur á
klst. og er í honum rými fyrir 7 far-
þega. Að sögn Kristjáns Gunn-
laugssonar sem er eigandi Fjöru-
hússins og bátsins ásamt eiginkonu
sinni Sigríði Einarsdóttur, verður
báturinn notaður til útsýnisferða í
kringum Arnarstapa og Hellna sem
boðið verður upp á innan skamms.
Eins og allir ættu að vita er fuglalíf
á þessum slóðum fjölbreytt og
blómlegt og svo stendur jökullinn
alltaf fyrir sínu í mikilfengleik sín-
um.
SO
PISTILL GISLA
Molakaffi
Strax í frumbernsku lærði
ég að meta þann eðla drykk
sem bruggaður er úr kaffi-
baunum brenndum og möl-
uðum. Eg fylgdist andaktug-
ur með ömmu minni hella
uppá með gamla laginu. Hún
hellti vel af „Gulum Braga“ í
háaldraða kaffisíu sem hún
kom íyrir á emeleraðri kaffi-
könnu. Síðan var nýsoðnu
vatni hellt yfir samkvæmt
ævafornri hefð. Hún hellti
sjóðandi vatninu í hringi,
fyrst réttsælis og síðan rang-
sælis og gerði síðan hlé á hár-
réttu augnabliki. Síðan tók
sama rútínan við aftur þangað
til gamla kannan var orðin
fleytifull. Síðustu bununni
var hinsvegar hellt beint nið-
ur í miðja kaffisíuna með
tuttugu til þrjátíu sentimetra
fallhæð til að setja punktinn
yfir iið. A meðan þessar fram-
kvæmdir stóðu yfir fyllti ljúf
kaffiangan eldhúsið og lífið
var yndislegt.
Síðan þetta var hef ég
margan kaffisopann sopið en
engan sem jafnast á við kaffið
hennar ömmu. Eg get svosem
ekki ætlast til þess en engu að
síður hlýt ég að harma það al-
gjöra metnaðarleysi sem ríkir
við uppahellingar í dag.
Eg ólst upp við það að kaffi
var ekki talin munaðarvara
heldur nauðsyn. Kaffibaun-
irnar voru hluti af rekstrar-
kostnaði sveitabýla út útgerð-
arstöðva. Enginn gat æltast til
þess að bændur og búalið
gengju að verkum sínum áður
en búið var að sötra úr minnst
einum bolla af lútsterku kaffi.
Ég er líka smeykur um að illa
hafi heyjast þar sem kaffi-
baunin var spöruð yfir slátt-
inn.
Því miður er svo kornið í
dag að það er síst hægt að
ganga að því vísu að fá brúk-
legt kaffi. Það má konan mín
eiga, blessunin, að hún hellir
upp á ágætis kaffi ef vel er far-
ið að henni. Þessvegna er ég
yfirleytt ljúfur sem lamb
heimafyTÍr. Gæði kaffis hafa
nefnilega umtalsverð áhrif á
geðslag frá degi til dags. Það
hefi ég margreynt. Gleggsta
dæmið er það á á stofnunum,
hvaða nafni sem þær nefhast
er kaffið á mörkunum að vera
hæft til manneldis. Það skýrir
það að ólund er viðurkenndur
afgreiðslumáti hjá hinu opin-
bera.
Að sjálfsögðu er það yfir-
gengileg frekja að fjargviðrast
yfir vondu kaffi sem maður
þarf ekki að greiða fyrir.
Hinsvegar er hægt að fá vont
kaffi fyrir stórfé á hinum
ýmsumstu veitingastöðum
um allt land ef þess er óskað
og jafnvel þótt þess sé ekki
óskað.
Þess má geta að þegar þetta
er ritað er ég nýbúinn að
þræla ofan í mig tveimur
bollum af kaffi sem var það
þunnt að ég varð að láta eins
og það væri te. Það segir allt
sem segja þarf.
Gísli Einarsson,
með mjólk og sykri