Skessuhorn - 24.01.2007, Blaðsíða 10

10
MIÐVIKUDAGUR 24. JANÚAR 2007
■■.MMIM. - 3
Viðhald jarðganga
mun lægra en vega
Frá opnun Hvalfjarðarganga til
loka árs 2005 var veitt 175,1 millj-
ón króna í endurbætur og viðhald
ganganna. Þetta kemur fram í svari
Sturlu Böðvarssonar samgöngu-
ráðherra á Alþingi við fyrirspurn
Guðjóns Arnars Kristjánssonar al-
þingismanns um kostnað við við-
hald og endurbætur á vegum.
Spurði Guðjón Arnar um kostnað
við endurbætur og viðhald á Vest-
fjarðagöngum, Hvalfjarðargöng-
um, Oshlíðarvegi, veginum um
Ólafsvíkurenni og í Ólafsfjarðar-
göngum.
Á árunum 1997 til 2005 kostaði
viðhald og endurbætur í Vest-
fjarðagöngum 82,1 milljón króna
og á árunum 1998-2005 var upp-
hæðin 175,1 milljón króna í Hval-
fjarðargöngum eins og áður sagði.
Frá árinu 1986 til 2005 hefur verið
varið 814,3 milljónum króna í end-
urbætur á veginum um Óshlíð og á
árunum 1993-2005 kostaði þjón-
usta og viðhald á sama vegi 68,4
milljónir króna. Kostnaður við
viðhald og þjónustu vegarins um
Ólafsvíkurenni hefur ekki verið
sérstaklega aðgreindur ffá kostnaði
við aðra hluta vegarins. Á árunum
1996-2006 var kostnaður við við-
hald og endurbæmr í Ólafsfjarðar-
göngum um 82 milljónir króna.
Allar tölur eru á verðlagi ársins
2006. HJ
Bleyta og kuldi talin
til málsbóta
Héraðsdómur Vesturlands hefur
dæmt tvo menn til greiðslu 20 þús-
und króna sektar fyrir að hafa í
sameiningu tekið vélsleða í heim-
ildarleysi við Snæfellsjökul og ekið
honum nokkurn spöl ffá þeim stað
og til baka aftur. Mennimir vora á
vélsleða á Snæfellsjökli og varð
harm bensínlaus. Þurftu þeir því að
fara fótgangandi nokkurn spöl til
að ná í bensínbrúsa í biffeið sem
þeir höfðu til umráða. Nenntu þeir
ekki að ganga til baka að sleða sín-
um og tóku því sleða er varð á vegi
þeirra ófrjálsri hendi.
Dómurinn telur mönnunum það
til nokkurra málsbóta að þeir voru
blautir og kaldir og sú frásögn
þeirra var ekki véfengd af ákæru-
valdinu. Taldi dómurinn brot
þeirra því smávægilegt og því
heimilt að dæma þá aðeins til
greiðslu sektar.
Það var Benedikt Bogason hér-
aðsdómari sem kvað upp dóminn.
HJ
Steypt í stdlþil
I gœr unnu menn viS aS steypa slyrkingu á stálþili viS höfnina í GrundarfirSi áSur en
grjót verSur sett aS því. Eins og fram hefur komiS ífréttum ganga framkviemdir viS
stœkkunina vel. Ljósm. Sverrir
„Eitt sinn var hjúkrunarfræSingur meSal gesta sem hóf miklar munn viS munn lífgunartilraunir áþeim „myrta“ sem ekki stóSst aSfar-
imar og lifnaSi allur viS. “
Morð framin á Hótel Búðum!
Úlfar ÞórSarson, hótelstjóri á Hótel BúSum.
Samkvæmt upplýsingum frá
Úlfari Þórðarsyni, hótelstjóra á
Búðum á Snæfellsnesi, verður
morð framið þar á staðnum um
næstu helgi. Ekki er enn vitað
hvert fórnarlambið verður, en
hinn snjalli og þekkti Hercule
Poirot mun koma á staðinn, þefa
uppi vísbendingar og eflaust leysa
morðgátuna af sinni alkunnu snilld
ásamt gestum Hótel Búða.
Þetta lítur semsagt ekki eins illa
út og í fyrstu mátti telja, því hér er
um að ræða morðgátuleik sem
fram fer á Hótel Búðum um næstu
helgi. Úlfar segir handritið af
leiknum í þetta sinn skrifað af hin-
um kunna glæpasagnahöfundi
Ævar Erni Jósepssyni og aldrei að
vita nema nærvera hans þar verði
áþreifanlegri en í handriti.
Það eru nokkur ár síðan byrjað
var með slíkar morðgátur á Hótel
Búðum og alltaf hefur tekist vel til,
þrátt fyrir að ekki hafi alltaf tekist
að leysa morðgáturnar. Úlfar segir
tvímælalaust skemmtilegra eftir
því sem fleiri taki þátt en um 44
gestir geta gist á hótelinu og verið
með í leiknum. Eftir því sem gest-
ir eru fleiri verður gátan flóknari,
en gestir þurfa að sjálfsögðu að
gera grein fyrir því hvar þeir voru
staddir, þegar morðið var framið.
Einhverjir af hópnum fá hlutverk
en enginn veit hinsvegar hverjir
það eru en oft má jafnvel rekast á
kunnugleg andlit úr sveitinni sem
greinilega hafa átt leið um eða vilj-
að taka þátt í leiknum.
Aðspurður um hvort skondin at-
vik hafi átt sér stað innan leiksins
segir Ulfar það vissulega hafa
gerst. Til dæmis hafi eitt sinn ver-
ið hjúkrunarfræðingur meðal gesta
sem hóf miklar munn við munn
lífgunartilraunir á þeim „myrta.“
Skyndilegt líf komst í líkið sem
sprakk úr hlátri í miðju kafi.
Morðgátuhelgi að Búðum kost-
ar með gistingu, fordrykk, veislu-
kvöldverði og morðgátunni sjálfri
23.900 kr. á manninn og á Ulfar
von á góðri aðsókn en segist jafn-
framt sjálfur vera mjög spenntur
því þetta séu ákaflega skemmtileg-
ar helgar.
KH
Vill sáttmála um jafnvægi lands- og borgarbyggðar
Ingihjörg Sólrún í ræöustóli í Borgamesi. ViS háborSiS er HólmfríSur Sveinsdóttir fundarstjóri og efstu þrír frambjóSendur Samfylking-
arinnar í NV kjördæmi.
Samfylkingin hélt opinn stjórn-
málafund á Hótel Borgarnesi á
þriðjudag í liðinni viku. Framsögu-
ræður fluttu Ingibjörg Sólrún
Gísladóttir, formaður flokksins og
Guðbjartur Hannesson, efsti maður
á lista flokksins í NV kjördæmi.
Nokkur eftirvænting ríkti fyrir
fundinn þar sem segja má að hefð
hafi skapast fyrir því að Ingibjörg
Sólrún varpi fram „sprengjum" í
landsmálaumræðuna þegar hún
hefur haldið framsöguræður í
Borgamesi. Taktinn að því sló hún
með ffægustu Borgamesræðunni í
ársbyrjun 2003 þegar hún fjallaði
um meintar ofsóknir forystu Sjálf-
stæðisflokksins á hendur ákveðnu
fyrirtæki. Að þessu sinni varpaði
Ingibjörg Sólrún ekki fram sprengj-
um. Hún lagði í ræðu sinni út ffá
jöfnum tækifærum landsbyggðar og
borgarsamfélagsins og ekki síður
jaffiri stöðu kynja til náms og at-
vinnusóknar óháð búsetu. Sagði
hún að styrkja þyrfti stoðir nýrrar
grunngerðar sem fælist í bættum
samgöngum, góðum menntastofh-
unum og háhraðatengingum um
land allt. Ef þessir þættir væru ekki
í lagi kæmist ekki á raunverulegt
jafnvægi milli höfuðborgarsvæðis-
ins og landsbyggðarinnar, launa-
fólks og fjármagnseigenda, um-
hverfis og stóriðju, hagvaxtar og
stöðugleika og Islands og Evrópu.
Neikvæður hagvöxtur
er óásættanlegt
Ingibjörg Sólrún vitnaði í nýja
könnun sem sýndi hagvöxt eftir
kjördæmum sl. 20 ár. Þar kæmi
ffam að meðan að á höfuðborgar-
svæðinu hefði mælst um 39% hag-
vöxtur á umræddu tímabili, hefði
hann verið 19% á Vesturlandi, en
neikvæður á Norðurlandi vestra og
á Vestfjörðum um 6%. Slíka niður-
stöðu ættu stjómvöld að grípa á
lofti og fara í tafarlausar aðgerðir til
að snúa þróuninni við. Taldi Ingi-
björg að eitthvað hefði mistekist í
byggðastefnu stjórnvalda og leggja
þyrfti miklu meiri áherslu á að leið-
rétta ójafnvægi milli borgarsamfé-
lagsins og landsbyggðarinnar. Til
þess að það væri hægt þyrfti að líta
á landið sem eina heild þar sem fólk
ætti að hafa raunverulegt val um
búsetu sem fæli í sér jöfn tækifæri til
menntunar, atvinnusóknar og
menningar. „Við þurfum að leggja
áherslu á að hluti nýrra starfa geti
verið unnin óháð staðsetningu og
tdl þess þarf nýja hugstm. Störf geta
mörg hver verið unnin óháð stað-
setningu viðkomandi starfsmanns
og við eigum að setja okkur þau
markmið að 20% starfa sem losna
eða verða til geti verið unnin óháð
búsetu og að minnsta kosti 400 slík
störf verði til á ári hverju. Til þess
þarf að styrkja samgöngur, mennta-
stofnanir á landsbyggðinni og stór-
efla háhraðatengingar um landið
sem eru forsenda til að þetta sé
hægt,“ sagði Ingibjörg. Hún sagði
að frá fyrstu tíð hefði það sýnt sig
að menntunarstig og samgöngur
væru lykilþættir viðgangs og upp-
byggingar á hverju svæði.
MM