Morgunblaðið - 28.05.2019, Síða 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 28. MAÍ 2019
Marinó Örn Tryggvason hefur verið
ráðinn forstjóri Kviku, en hann hef-
ur gegnt stöðu aðstoðarforstjóra
frá 2017. Þetta kemur fram í til-
kynningu frá bankanum.
Marinó starfaði áður hjá Arion
banka og forvera hans frá árinu
2002. Marinó er með BSc í við-
skiptafræði frá Háskóla Íslands og
hefur lokið prófi í verðbréfavið-
skiptum.
Í tilkynningunni segir einnig að
Ármann Þorvaldsson hafi farið
fram á að breyta
hlutverki sínu
hjá Kviku og
hætta sem for-
stjóri Kviku, en
mun samtímis
taka við starfi
aðstoðarforstjóra
bankans. Starf
hans mun í fram-
haldinu ein-
skorðast við upp-
byggingu
viðskiptatengsla, þróun viðskipta-
tækifæra og að styðja við áfram-
haldandi uppbyggingu á starfsemi
bankans í Bretlandi.
Marinó segir í tilkynningunni að
sérstaklega gefandi hafi verið að
kynnast og vinna með starfsmönn-
um bankans. „Starfsumhverfi fjár-
málafyrirtækja er að breytast og
Kvika er í einstakri stöðu til þess
að nýta tækifæri framtíðarinnar,“
segir Marinó.
tobj@mbl.is
Marinó Örn ráðinn forstjóri Kviku
Kvika Marinó er
nýr forstjóri.
Frystitogarinn Kleifaberg RE 70,
sem er í eigu Útgerðarfélags
Reykjavíkur, kom til landsins í síð-
ustu viku og landaði rúmlega 600
tonnum þar sem uppistaða aflans var
ufsi. Runólfur Viðar Guðmundsson,
framkvæmdastjóri ÚR, var að von-
um í skýjunum er Morgunblaðið
heyrði í honum en Kleifaberg hefur
frá áramótum veitt fyrir 1.525 millj-
ónir króna.
Áhöfnin á Kleifabergi hefur raun-
ar aðeins einu sinni áður borið jafn
mikil verðmæti að landi á einni ver-
tíð, frá áramótum og fram yfir miðj-
an maí. Það var árið 2015 er útgerðin
leigði mikinn þorskkvóta af Rússum.
Þá nam heildarverðmætið 2,2 millj-
örðum króna. Miðað við árið í fyrra
var verðmæti aflans tæplega 28%
meira og 48% meira en það var árið
2017.
Ákveðinn kjarni sem er búinn
að vera á skipinu mjög lengi
Kleifaberg, sem var byggt 1974 og
er 890 tonn að þyngd, er eini frysti-
togarinn sem eftir er í flota ÚR en á
sama tíma í fyrra var félagið með
fjóra frystitogara.
„Þetta er með því allra besta sem
við höfum séð. Það er eitt ár, 2015,
sem sker sig mikið úr. Þá leigðum
við mikinn þorsk í Barentshafi,“ seg-
ir Runólfur. „Við erum mjög ánægð-
ir með reksturinn og hvernig hefur
gengið,“ segir hann og þakkar helst
öflugri áhöfninni hina góðu veiði.
„Þetta er samheldin áhöfn og gott
skip. Þetta er ákveðinn kjarni sem er
búinn að vera á skipinu mjög lengi,“
segir Runólfur.
„Það eru allir í skýjunum yfir
árangrinum á þessu ári,“ segir Run-
ólfur enn fremur.
Samtals 11 landanir
Kleifaberg hefur verið tæplega
150 daga á sjó á árinu og hefur á að
skipa tveimur 26 manna áhöfnum
sem skiptast á. Í febrúar var Kleifa-
berg við þorskveiði í norsku land-
helginni en á miðunum við Ísland
hefur skipið haldið sig að miklu leyti
norðvestan lands.
„Þetta eru 30 daga túrar almennt
hjá okkur og þetta var önnur lönd-
unin í þessari veiðiferð. Þriðja lönd-
unin verður núna á sjómannadaginn,
2. júní. Samtals eru landanirnar
orðnar 11 á þessu ári,“ segir Run-
ólfur. peturh@mbl.is
Kaka Áhöfnin á Kleifabergi hafði tilefni til þess að gleðjast eftir að hafa
fært 1,5 milljarða króna að landi, sem er það mesta frá árinu 2015.
Samheldin áhöfn
og gott skip
 Kleifaberg veiddi fyrir yfir 1.500 m.kr.
BAKSVIÐ
Þóroddur Bjarnason
tobj@mbl.is
Tuttugu og fjögurra mánaða ferli
tekur nú við hjá íslenska tæknifyr-
irtækinu Carbon Recycling Int-
ernational, CRI, áður en ný verk-
smiðja fyrir kínverska
efnaframleiðandann Henan Shunc-
heng Group getur verið gangsett.
Yfirlýsing um að gengið verði til
samninga var undirrituð hér á
landi af báðum aðilum í síðustu
viku. Kostnaður við heildarverk-
efnið er um 10 milljarðar króna.
„Við stefnum að því að ljúka samn-
ingagerð nú í sumar og förum þá í
gang með alla hönnunarvinnuna,
kaup á búnaði og uppsetningu.
Þetta er um 24 mánaða ferli. Við
gerum ráð fyrir að gera samninga
fljótlega um önnur sambærileg
verkefni í Kína, auk þess erum við
að vinna að undirbúningi verkefna
í Evrópu,“ segir Benedikt Stefáns-
son, framkvæmdastjóri við-
skiptaþróunar CRI, í samtali við
Morgunblaðið.
Verksmiðjan, sem staðsett verð-
ur í Anyang-borg í Henan-héraði í
Kína, verður búin einkaleyfavar-
inni tækni CRI sem gerir kleift að
framleiða metanól úr vetni og
koltvísýringi, en metanólið mun
Henan Shuncheng Group nýta og
selja til viðskiptavina í Kína. Um
verður að ræða endurvinnslu á 150
þúsund tonnum af koltvísýringi á
ári, ásamt öðrum gastegundum.
Eins og segir í tilkynningu CRI þá
samsvarar það útblæstri 40 þúsund
bifreiða á ári. Heildarframleiðslan
mun nema 180 þúsund tonnum á
ári.
Eykur tekjurnar
Benedikt segir aðspurður að of
snemmt sé að tjá sig um hvað
samningurinn þýði fyrir CRI í pen-
ingum. „Þetta mun þýða auknar
tekjur á þessu ári. Við erum bæði
að selja tæknina, alla verkfræði-
þjónustu og verktöku auk þjónustu
við búnaðinn. Að jafnaði gerum við
ráð fyrir að hefja að jafnaði tvö ný
verkefni á hverju ári sem er pass-
legt miðað við þann mannafla sem
við höfum yfir að ráða,“ segir
Benedikt, en 35 manns starfa hjá
fyrirtækinu, allir á Íslandi.
Kína er að sögn Benedikts
stærsti markaður í heimi fyrir
metanól. „Metanólmarkaðurinn
hefur stækkað mjög hratt í heim-
inum, og Kína er með 50% hlut-
deild.“
CRI hf. hefur vaxið hratt síðustu
ár en það var stofnað árið 2006 og
rekur verksmiðju í Svartsengi sem
framleiðir metanól úr koltvísýringi
og vetni, og þróar jafnframt og sel-
ur heildstæða tæknilausn til að
framleiða vistvænt eldsneyti og
efnavöru fyrir almennan markað.
Fyrirtækið var valið Vaxtarsproti
ársins á dögunum, sem er viður-
kenning fyrir öfluga uppbyggingu
sprotafyrirtækis.
Gera fleiri samninga í Kína
 Uppbygging verksmiðju Carbon Recycling International tekur um tvö ár
 Kína er stærsti markaður í heimi fyrir metanól  Fengu Vaxtarsprotann
Vöxtur Tekjur jukust um 193% milli 2017 og 2018 og fóru úr 76 m.kr. í 225.
28. maí 2019
Gengi Kaup Sala Mið
Dollari 123.32 123.9 123.61
Sterlingspund 156.48 157.24 156.86
Kanadadalur 91.62 92.16 91.89
Dönsk króna 18.465 18.573 18.519
Norsk króna 14.129 14.213 14.171
Sænsk króna 12.872 12.948 12.91
Svissn. franki 122.92 123.6 123.26
Japanskt jen 1.1236 1.1302 1.1269
SDR 170.1 171.12 170.61
Evra 137.91 138.69 138.3
Meðalgengi/Viðskiptavog þröng 168.9583
Hrávöruverð
Gull 1281.5 ($/únsa)
Ál 1761.0 ($/tonn) LME
Hráolía 67.99 ($/fatið) Brent
● Nokkuð rautt var um að litast í
Kauphöll Íslands í gær eftir lokun mark-
aða. Öll félög, utan Arion banka, Sím-
ans, Sjóvár, TM og VÍS, lækkuðu í verði.
Mest lækkuðu bréf fasteignafélagsins
Heimavalla, eða um 4% í 185 þúsund
króna viðskiptum. Hlutabréf í flugfélag-
inu Icelandair lækkuðu næstmest, eða
um 3,3% í 89 milljóna króna við-
skiptum. Þá lækkaði Kvika banki um
1,82% í 434 milljóna króna viðskiptum.
Fasteignafélagið Reitir lækkaði um
1,63% í 189 milljóna króna viðskiptum.
Mest var verslað með bréf Símans sem
hækkuðu um 0,22% í 559 milljóna
króna viðskiptum.
Rautt um að litast í
Kauphöll Íslands
Rauðager
ði 25 · 108 Reykjavík · Sími 440 1800 · kaelitaekni.is
Okkar þekking nýtist þér
Kæli- &
frystiklefar
og allt tilheyrandiHurðirHillur
Strimlahurðir
Kæli- & frysti-
kerfi
Blásarar &
eimsvalar
Læsingar, lamir,
öryggiskerfi ofl.
Áratuga reynsla og þekking