Morgunblaðið - 31.07.2019, Blaðsíða 32

Tónlistarhátíðin Berjadagar hefst á
morgun og stendur til sunnudags,
en þetta er í fyrsta sinn sem hún er
haldin um verslunarmannahelgi.
Meðal þess sem boðið verður upp á
eru miðnæturtónleikar Hunds í
óskilum og brasilísk tónlist auk
þess sem fyrsti þáttur La Traviata
eftir Giuseppe Verdi verður svið-
settur undir stjórn Davids Bolles.
Berjadagar hefjast í
Ólafsfirði á morgun
MIÐVIKUDAGUR 31. JÚLÍ 212. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Valur leyfði Breiðabliki ekki að sitja
í toppsæti Pepsi Max-deildar
kvenna í knattspyrnu í meira en
sólarhring og endurheimti það eftir
öruggan stórsigur á Stjörnunni í
gærkvöld, svo hnífjafnt kapphlaup
efstu liðanna mun halda áfram eins
og verið hefur í allt sumar. Þá er
staða HK/Víkings að versna á botn-
inum eftir tap á Selfossi. »25
Kapphlaupið heldur
áfram á toppnum
ÍÞRÓTTIR FÓLK Í FRÉTTUM
KR-ingurinn Kristinn Jónsson var
besti leikmaðurinn í fjórtándu um-
ferð úrvalsdeildar karla í fótbolta,
að mati Morgunblaðsins, og Guð-
mundur Andri Tryggva-
son úr Víkingi var besti
ungi leik-
maðurinn.
Farið er yfir
umferðina á íþrótta-
síðum í dag og þar er
birt úrvalslið fjórtándu
umferðar ásamt stöð-
unni í einkunnagjöf
Morgunblaðsins,
M-gjöfinni, þar sem
tveir leikmenn eru nú
efstir og jafnir. » 26
Kristinn var bestur í
fjórtándu umferðinni
Rósa Margrét Tryggvadóttir
rosa@mbl.is
Þórunn Sveinbjörnsdóttir, formað-
ur Bandalags háskólamanna og
fyrrverandi umhverfisráðherra, er
einn þeirra sextán einstaklinga sem
ætla að safna áheitum fyrir Samtök
um endómetríósu í Reykjavík-
urmaraþoninu 24. ágúst næstkom-
andi. Sjálf greindist Þórunn með
kvensjúkdóminn endómetríósu fyrir
nokkrum árum en vinkona hennar,
Elsa Guðmundsdóttir, lést fyrr á
árinu eftir að hafa glímt við sjúk-
dóminn í marga áratugi. Í minn-
ingu hennar ætlar Þórunn að
hlaupa, eða að hennar sögn „arka“,
tíu kílómetra í hlaupinu.
Þórunn segir að verja þurfi mun
meiri fjármunum í rannsóknir á
endómetríósu, sem hrjáir um 10%
kvenna í heiminum.
Glímdi við sjúkdóminn
í nokkur ár
„Hann leggst misjafnlega á kon-
ur en þær sem þjást af verstu út-
gáfu sjúkdómsins eru hryllilega
þjáðar og búa við mjög skert lífs-
gæði,“ segir Þórunn. Oft taki lang-
an tíma að greina sjúkdóminn.
„Það er eins og heilbrigðisstarfs-
menn séu ekki alltaf með hann inni
í myndinni þegar konur leita sér
aðstoðar,“ segir hún.
Þórunn segist sjálf hafa verið
heppin, en hún glímdi við sjúkdóm-
inn í nokkur ár þar til hún var loks
greind og send í aðgerð, sem
heppnaðist svo vel að hún finnur
lítið fyrir sjúkdómnum í dag. Segir
hún margar aðrar konur ekki jafn
heppnar.
„Auðvitað vitum við að flestar
konur fá túrverki og þeir geta ver-
ið mjög slæmir en þeir ganga nú
yfirleitt yfir. Þetta er ekki sársauki
sem gengur yfir. Konur verða
óvinnufærar og missa úr vinnu og
skóla í marga daga og jafnvel vik-
ur,“ segir Þórunn, sem kveðst full-
viss um að sú staðreynd að sjúk-
dómurinn leggist einungis á konur
sé ein helsta ástæðan fyrir skorti á
rannsóknum á endómetríósu.
„Það er bara þannig að svokall-
aðir kvensjúkdómar fá ekki sömu
athygli og aðrir sjúkdómar,“ segir
hún og bætir við að konum með
sjúkdóminn sé oft ekki tekið af
nægilegri alvöru. Dæmi séu um að
þeim sé ráðlagt að fara heim, taka
verkjalyf og reyna að verða óléttar
til að lina sársaukann.
Þórunn segist vera ágætlega bú-
in undir hlaupið, en hún segist
ganga eitthvað á hverjum degi þó
að sjaldnast gangi hún tíu kíló-
metra. Að auki fari hún reglulega í
fjallgöngur, sund og jóga.
„Nú fer ég að bæta svolítið í.
Þetta verður bara gaman.“
Morgunblaðið/RAX
Gengur Þórunn Sveinbjörnsdóttir æfir sig reglulega fyrir Reykjavíkur-
maraþonið 24. ágúst þar sem hún hyggst „arka“ 10 kílómetra.
Hleypur fyrir konur
með endómetríósu
 Kvensjúkdómar
fái ekki sömu
athygli og
aðrir sjúkdómar
Endómetríósa er krónískur
sjúkdómur sem herjar á um
10% kvenna samkvæmt upp-
lýsingum af vef Samtaka um
endómetríósu. Sjúkdómurinn
getur valdið miklum sársauka,
þvagblöðru- og þarmavanda-
málum auk ófrjósemi.
Endómetríósufrumur setj-
ast á yfirborðsþekju líffæra og
geta valdið bólgum, blöðrum
og innvortis blæðingum. Eins
og er er orsök endómetríósu
ekki þekkt en áætlað er að um
200 milljónir kvenna í heim-
inum þjáist af sjúkdómnum.
Hvað er
endómetríósa?
Bíldshöfða 16, 110 Reykjavík • 414 84 00 • www.martex.is M A R T E X
Góð þjónusta
byrjar með
flottu útliti
Fatnaður fyrir fagfólk