Morgunblaðið - 26.07.2019, Qupperneq 6

6 MORGUNBLAÐIÐ FÖSTUDAGUR 26. JÚLÍ 2019
G
U
N
N
A
R
JÚ
L
A
R
T
U
ndanfarin ár hafa reglulega
borist fréttir af erfiðleikum
í samgönum milli lands og
Eyja. Núna virðist loks í
sjónmáli að með nýjum Herjólfi
komist siglingar út í Vestmanna-
eyjar í gott horf og gangi allt að ósk-
um ættu eyjaskeggjar og gestir að
geta gengið að því vísu á flestum
árstímum að dag hvern verði tíðar
ferðir í boði á milli Vestmanna-
eyjahafnar og Landeyjahafnar.
Guðbjartur Ellert Jónsson, eða
Bjartur eins og flestir kalla hann, er
framkvæmdastjóri Vestmannaeyja-
ferjunnar Herjólfs ohf. og bendir
hann á hvernig tengingin við Eyjar
hefur batnað í hægum skrefum und-
anfarna öld.
Muna elstu lesendur sennilega
eftir því þegar skip á leið til Eyja
lögðu af stað frá Reykjavík og
sigldu umhverfis Reykjanesið. „Sú
var tíð að Eyjamenn þurftu að reiða
sig á strandflutningakerfið fyrir
samgöngur á milli lands og Eyja og
ekki fyrr en í seinni tíð að komast á
sérstakar ferjusiglingar til Vest-
mannaeyja og annarra byggða á ís-
lenskum eyjum,“ útskýrir Bjartur.
Sandur til vandræða
Árið 1973 hefjast reglulegar siglingar
á milli Vestmannaeyja og Þorláks-
hafnar og við það styttist ferðatíminn
á sjó úr nærri hálfum degi niður í
þrjár klukkustundir Loks var Land-
eyjahöfn tekin í notkun árið 2010,
með það fyrir augum að stytta sigl-
ingatímann niður í um það bil hálf-
tíma og um leið fjölga ferðum Herj-
ólfs. „Fólk batt miklar vonir við þessa
nýju siglingaleið, enda bæði styttri og
þægilegri, og reyndist það algjör
bylting þegar höfnin var opnuð og
hægt var að flytja margfalt fleiri far-
þega og ökutæki á einum degi.“
Nema hvað fljótlega kom í ljós að
aðstæður voru ekki nógu heppilegar
við nýju höfnina og hafstraumar bera
mikið magn af sandi þangað inn.
Bjartur segir hönnuði hafa gert sér
grein fyrir þessari hættu en varn-
irnar umhverfis höfnina ekki dugað
til. „Á veturna, þegar er bræla, berst
sandur inn í höfnina og hleðst upp við
hafnarkjaftinn, auk þess að bætist í
sandrif sem er um 300 metra frá
mynni hafnarinnar.“
Hefur því þurft, með reglulegu
millibili, að dæla sandinum burtu með
ærnum tilkostnaði og sigla til Þor-
lákshafnar á meðan höfnin er of
grunn og sjó- og veðurlag of erfitt til
að Herjólfur geti siglt þar inn.
Nú standa yfir prófanir á nýjum
„Fólk batt miklar vonir við þessa nýju siglingaleið og reyndist það algjör bylting þegar höfnin var opnuð,“ segir Bjartur.
Styttri siglingatími og tíðari ferðir
Með nýjum Herjólfi
hefst nýr kafli í sam-
göngusögu Vestmanna-
eyja og von á að með
stöðugum siglingum til
Landeyjahafnar fjölgi
komum ferðamanna.
Ljósmyndir/Ólafur Pétur Friðriksson
Nýi Herjólfur er tímamótaskip á
marga vegu. Varð úr, meðan á
smíðinni stóð, að lengja skipið
og rafvæða að fullu. Skipið ristir
aðeins 2,85 metra og eru
jafnvægisuggar á hliðum ferj-
unnar notaðir til að minnka velt-
ing á siglingu. Þrjár ljósavélar
skaffa orku ef þarf, en rafhlöður
skipsins eiga að duga til að
koma Herjólfi á milli lands og
Eyja án þess að nýta dropa af ol-
íu. Segir Bjartur að á þeim þrjá-
tíu mínútum sem tekur að af-
ferma og ferma Herjólf taki
rafhlöðurnar inn á sig næga orku
til að duga fyrir næstu ferð og
verður sérhannaður hleðslubún-
aður bæði í Vestmannaeyjum og
Landeyjahöfn, þannig úr garði
gerður að ekki kemur að sök
þótt hreyfing sé á skipinu meðan
rafmagni er hleypt á geymana.
„Sjóhæfni nýja Herjólfs er í
samræmi við væntingar og full-
kominn stjórn- og tölvubúnaður
auðveldar alla daglega notkun,“
segir Bjartur og bætir við að
stærsti munurinn sem farþegar
muni taka eftir sé hvað skipið er
hljóðlátt og að mörgu leyti þægi-
legra. „Enginn dynur frá stórri
vél ómar um allt skipið og að-
búnaður fyrir farþega frábær inn-
an- sem utandyra.“
Hljóðlaus
sigling