Morgunblaðið - 13.08.2019, Page 28

28 MENNING
MORGUNBLAÐIÐ ÞRIÐJUDAGUR 13. ÁGÚST 2019
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Rósa Margrét Tryggvadóttir
rosa@mbl.is
„Okkur fannst við þurfa að koma frá
okkur því sem við höfum verið að
vinna að innan þess tónlistarlega
ramma sem við vorum búnir að móta
okkur,“ segir Steinar Berg Ísleifs-
son, söngvari og gítarleikari í hljóm-
sveitinni Grasösnum, sem gefur út
fyrstu vínylplötu sína, Til í tuskið, í
dag, 13. ágúst. Auk Steinars eru
hljómsveitarmeðlimir þeir Sigurður
Bachmann, Sigurþór Kristjánsson
og Halldór Hólm Kristjánsson sem
allir eru búsettir í Borgarnesi og
nærsveitum.
Steinar, sem er fyrrverandi plötu-
útgefandi og hefur gefið út plötur
fjölda tónlistarmanna, segir Gra-
sasna hafa viljað fagna vínylforminu
með plötuútgáfunni, en vínylformið
er þeim öllum mjög kært.
Platan heildrænni en diskurinn
Sex lög á plötunni er einnig finna
á geisladiski undir sama nafni sem
Grasasnar gáfu út árið 2012, en að
sögn Steinars fannst hljómsveitinni
ekki eins og hún hefði fundið fjöl
sína fyrr en eftir að diskurinn kom
út.
„Þess vegna ákváðum við, löngu
seinna, að nota sex lög sem voru á
upphaflega disknum og bæta fjórum
við til viðbótar og mynda þannig
ákveðna heild. Platan er mjög heild-
ræn að okkar mati, ólíkt því sem
diskurinn var. Hann var svolítið
meira úti um víðan völl fannst okkur.
Við vildum setja þetta í vínylform og
ramma inn,“ segir Steinar.
Hann segir að geisladiskurinn sem
tónlistarform hafi ekki haft roð við
vínylplötunni.
Platan komin á Spotify
„Vínylformið er raunverulega
eina formið sem er svona fast í
hendi. Diskurinn á engan séns.
Hann er einhver millileikur sem
varð til,“ segir Steinar, sem kveðst
þó ákaflega jákvæður gagnvart raf-
rænum tónlistarveitum á við Spotify
þar sem Grasasnar hafa þegar gefið
út plötu sína.
„Að vera með plötusafn heimsins
í símanum í gegnum Spotify er
náttúrulega með ólíkindum. Við er-
um ánægðir með að vera komnir
þar inn en það að setja góða vín-
ylplötu á fóninn er líka ofsalega
skemmtilegt að gera,“ segir Stein-
ar.
Þó að Steinar Berg eigi langan
feril að baki sem plötuútgefandi og
hafi gefið út fjölmarga söngvara
segir hann þetta vera í fyrsta skipt-
ið sem hann syngur sjálfur inn á
plötu.
„Einhvern veginn varð það þann-
ig að það var ég sem fór að syngja á
minn hátt eins og ég geri. Það
finnst mér æðislega skemmtilegt og
heilandi eins og tónlistin er. Svo
held ég bara að ég geti sungið á
hljómleikum líka án þess að vera
falskur,“ segir Steinar og hlær.
Að auki er Steinar mikill texta-
smiður, en flestir textarnir á plöt-
unni eru eftir hann. Lögin eru öll í
svokölluðum melódískum þjóðlaga-
rokkstíl og eru ýmist tökulög eða
þjóðlög sem hljómsveitin hefur gert
að sínum. Eitt laganna er þó eftir
Steinar sjálfan.
Vildu að lögin segðu sögur
„Aðalatriðið er lagasmíðin sjálf.
Það að semja lag sem hljómar vel,
er „melódískt“ og er með góðum
texta sem hefur eitthvað að segja,“
útskýrir Steinar, en hann segir að
Grasasnar leggi áherslu á að lögin
segi sögu eða vísi til lífsreynslu.
Hann segir að hljómsveitar-
meðlimum hafi þótt of lítil fjöl-
breytni í lagatextum í dag, sem
þeim hafi fundist fjalla nær ein-
ungis um samskipti fólks í nútíman-
um. „Okkur langaði að hafa alls
konar lífreynslutexta,“ segir Steinar
og hann segir fjölbreytni textanna
vera mikla á plötunni. Þar sé til að
mynda að finna texta um heimahag-
ana, hrunið, stöðu eldri borgara og
kveðskap eftir Stein Steinarr.
Fleiri verkefni í bígerð
Helmingur Grasasna, Steinar
Berg og Halldór Hólm, stefnir að
því að halda kassagítartónleika í
gistihúsinu Fossatúni í Borgarfirði
alla fimmtudaga, föstudaga og
laugardaga út ágúst eftir útgáfudag
Til í tuskið en útgáfutónleikar verða
haldnir á sama stað í dag. Eftir það
stefnir hljómsveitin á að spila á
fleiri stöðum á Vesturlandi og hugs-
anlega víðar.
„Það er ekki víst að við förum
mikið af Vesturlandinu að spila en
við munum flytja þessa plötu og
kynna eitthvað af því sem við höfum
verið að vinna að,“ segir Steinar,
sem staðfestir að önnur plata, til
heiðurs söngvaranum og lagahöf-
undinum John Prine, sé í bígerð hjá
hljómsveitinni og verði gefin út
næsta vor.
„Við munum nota þessa tvo tíma-
punkta til þess að spila meira og
flytja þetta efni, sem er orðið tals-
vert að umfangi, með þessum
tveimur plötum,“ segir Steinar.
Ljósmynd/Ruzena Bendova
Grasasnar Félagarnir í Grasösnum með gripinn góða, breiðskífuna Til í tuskið sem kemur út á vínyl.
Lög sem segja sögur
 Grasasnar gefa út vínylplötuna Til í tuskið  Vilja fagna
vínylforminu i  Tökulög, þjóðlög og eitt frumsamið
Mannshvarf er með þvíátakanlegra sem umgetur og skyndilegthvarf einstaklings, þar
sem leit ber engan árangur, hlýtur að
rista dýpra hjá aðstandendum en allt
annað. Stina Jackson spinnur sögu-
þráð úr svona efniviði í Silfurveginum
og skapar and-
rúmsloft sem
enginn vill lenda
í.
Sagan gerist í
Norður-Svíþjóð
og snýst í aðra
röndina um nær
þriggja ára leit
að Linu, sem
hvarf nær 17 ára,
og Meju, sem flutti með móður sinni
til eldri manns á sömu slóðum. Þær
koma úr ólíkum áttum en virðast eiga
margt sameiginlegt.
Frásögnin gerist í fámennri sveit
og er óhugnanleg. Sumar persónur
eiga sér skrautlega fortíð og aðrar
eru skrautlegri en orð fá lýst. Birger
Brandt og fjölskylda minna til dæmis
helst á trúarleiðtoga og hjörð hans,
fólk sem vill ekkert með samfélagið
hafa og einangrar sig frá því í þeirri
trú eða blekkingu að þannig farnist
því best. Engu að síður sogast Meja
að fjölskyldunni í gegnum soninn
Carl-Johan, hverfur á þann hátt sjálf-
viljug hægt og hægt úr samfélaginu,
sem hún hefur reyndar átt erfitt með
að fóta sig í, inn í ímyndað frelsið.
Andstæðurnar eru miklar og þjóð-
félagsádeilan leynir sér ekki. Lelle
gefst aldrei upp í leitinni að dóttur
sinni en Silje, sem vill Meju dóttur
sinni vel, er uppgjöfin uppmáluð eins
og fangi í búri. En ekki er allt sem
sýnist og leit í margvíslegri mynd
heldur áfram.
Silfurvegurinn er enginn gullvegur
heldur saga um afleiðingar brengl-
unar og ranghugmynda, flótta frá
raunveruleikanum. Hún er vel skrif-
uð og nístir inn að beini.
Höfundurinn Stina Jackson.
Barist til síð-
asta blóðdropa
Spennusaga
Silfurvegurinn bbbbn
Eftir Stinu Jackson.
Friðrika Benónýsdóttir íslenskaði.
Ugla 2019. Kilja, 304 bls.
STEINÞÓR
GUÐBJARTSSON
BÆKUR
Brasilíski gítarleikarinn og söngv-
arinn Ife Tolentino og kollegi hans
Teitur Magnússon koma fram
ásamt hljómsveit í Iðnó í kvöld kl.
21. Ife mun flytja eigið efni ásamt
eigin útsetningum af lögum meist-
ara bossa nova-tónlistarinnar,
manna á borð við Antonio Carlos
Jobim og João Gilberto.
Teitur gaf út aðra sólóplötu sína í
fyrra, Orna, og hlaut hún góðar við-
tökur líkt og sú fyrsta, 27. Teitur
mun flytja eigin lög í bland við ís-
lensk tökulög og hljómsveitina
skipa Hróðmar Sigurðsson, Ingi-
björg Elsa Turchi, Magnús Trygva-
son Eliassen og Tumi Árnason.
Miðaverð á tónleikana er 2.000
krónur og eru miðar seldir við inn-
ganginn.
Ife og Teitur og hljómsveit í Iðnó
Saman Teitur Magnússon og Ife Tolentino verða í syngjandi sveiflu Iðnó í kvöld.
Hljómsveitin Of Monsters and Men
heldur áfram að gera það gott í
Bandaríkjunum. Nýjasta plata
sveitarinnar, Fever Dream, náði
toppsæti Billboard-listans banda-
ríska fyrir mest seldu rokkplöt-
urnar um helgina og níunda sæti
heildarlistans, Billboard 200. Síð-
asta plata sveitarinnar, Beneath
the Skin, náði öðru sæti rokklist-
ans árið 2015.
Of Monsters and Men hefur not-
ið mikilla vinsælda vestanhafs allt
frá því fyrsta plata hennar, My
Head Is an Animal, var gefin út
þar og náði 6. sæti Billboard 200-
listans.
Of Monsters and Men í níunda sæti Billboard 200 listans
Morgunblaðið/Kristinn Magnússon
Vinsæl Of Monsters and Men gerir það gott í Bandaríkjunum.