Þjóðarbúskapurinn - 01.04.1998, Side 215

Rekstrarafgangur: Hér er átt við það sem reksturinn skilar fyrir greiðslu tekju- og
eignarskatta en eftir frádrátt afskrifta, til ávöxtunar þess fjármagns sem bundið er í
starfseminni, hvort heldur það er eigið fé eða lánsfé. Ennfremur telst til rekstrarafgangs
reiknuð eigin laun eiganda í einstaklingsfyrirtæki.
Samneysla: Utgjöld opinberra aðila til kaupa á vöru og þjónustu til eigin nota á
rekstrartímabilinu. Hér er m.a. um að ræða opinbera stjómsýslu, löggæslu, menntamál
og fleira.
Tekjuskiptingaruppgjör: Ein þriggja uppgjörsaðferða þjóðhagsreikninga. Uppgjörið
byggir á því að meta virðisaukann eftir að honum hefur verið útdeilt til þeirra sem átt
hafa þátt ímyndun hans.
Útflutningur og innflutningur vöru og þjónustu: 1 hagskýrslum um utanríkisverslun
er venjan sú að vöruútflutningur er verðlagður á fob-verði og innflutningur á cif-verði.
Hér ræður verð vömnnar þegar hún fer yfir landamærin. Tekjur innlendra skipafélaga
af vöruflutningum að og frá landinu ættu þá að koma á þjónustuútflutning. Vaxta-
greiðslur til eða frá útlöndum koma ekki inn í þjónustuinnflutning eða útflutning,
heldur teljast þær til þáttatekna og ásamt launagreiðslum til eða frá útlöndum skýra þær
muninn á landsframleiðslu og þjóðarframleiðslu.
Verðvísitala: Gefur til kynna verðþróun frá einum tíma til annars.
Verg landsframleiðsla: Sú verðmætasköpun, sem á sér stað innan landamæra ríkisins.
Verga landsframleiðslu má líta á með tvennum hætti. Annars vegar sem summuna af
framleiðsluverðmæti allrar atvinnustarfsemi í landinu að frádregnum rekstrarvörum til
atvinnustarfseminnar frá annarri starfsemi eða innflutningi. Hins vegar má líta á hana
sem summu þeirra verðmæta, sem ráðstafað er til endanlegra nota á framleiðslutíma-
bilinu - það er til einkaneyslu, samneyslu, ljármunamyndunar, birgðabreytinga og út-
flutnings að frádregnum innflutningi.
Verg þjóðarframleiðsla: Munur þjóðarframleiðslu og landsframleiðslu liggur í launa-
og eignatekjum nettó frá útlöndum. Þessar tekjur eru meðtaldar í þjóðarframleiðslu en
ekki í landsframleiðslu. í íslenskum þjóðhagsreikningatölum skipta vaxtagreiðslur til
útlanda hér mestu máli, og vegna þeirra er þjóðarframleiðslan lægri en landsfram-
leiðslan.
Viðskiptajöfnuður: Samtala vöruskiptajafnaðar, þjónustujafnaðar og þáttatekna frá út-
löndum nettó.
Viðskiptakjör: Hlutfallið á milli útflutnings- og innflutningsverðlags.
Vísitala vöru og þjónustu: Jafngildir framfærsluvísitölunni að frátöldum húsnæðislið
þeirrar vísitölu.
213