Skessuhorn - 08.05.2015, Blaðsíða 14

14 MIÐVIKUDAGUR 6. MAÍ 2015
Styrkjum til atvinnumála kvenna var
úthlutað miðvikudaginn 30. apríl
síðastliðinn. Hæsti styrkurinn renn-
ur til verkefnis sem er þáttur í upp-
byggingu nýrrar rannsóknastofu á
Hvanneyri. Nú styttist í að verk-
efnið leiði til opnunar nýs fyrirtæk-
is, Efnagreiningar ehf. Fyrirtækið
mun taka að sér hvers konar efna-
greiningar er rannsóknastofa Land-
búnaðarháskólans sinnti áður en
auk þess bjóða upp á margvíslegar
snefilfrumefnagreiningar. Þessi nýja
rannsóknastofa verður mun betur
tækjum búin en sú sem hún leysir af
hólmi.
Styrkir til atvinnumála kvenna eru
ætlaðir þeim sem vinna að álitleg-
um viðskiptahugmyndum og verk-
efnum. Skilyrði fyrir styrkveitingu
eru að verkefnin séu í eigu kvenna
og feli í sér nýnæmi eða nýsköpun.
Ekki er nauðsynlegt að vera með
starfandi fyrirtæki til að sækja um
styrk og því er heimilt að sækja um
vegna verkefna á byrjunarstigi, en
einnig geta þær konur sótt um styrki
sem eru að þróa nýjungar í starf-
andi fyrirtækjum. Unnt er að sækja
um styrki til gerðar viðskiptaáætlun-
ar, vegna markaðssetningar, vöru-
þróunar, hönnunar og vegna launa-
kostnaðar en ekki eru veittir styrk-
ir til framkvæmda eða vegna stofn-
kostnaðar. „Með styrkjum sem þess-
um er tvímælalaust stuðlað að auk-
inni fjölbreytni í atvinnulífinu. Fjöl-
mörg ný fyrirtæki hafa litið dagsins
ljós sem skapa störf, samfélaginu til
hagsbóta. Einnig eru styrkveitingar
sem þessar mikil hvatning fyrir þær,
sem er ekki síður mikilvæg þegar á
hólminn er komið,“ segir í tilkynn-
ingu frá félagsmálaráðuneytinu.
Leysir úr brýnni þörf
innanlands
Eygló Harðardóttir, félags- og
húsnæðismálaráðherra afhenti
styrkina við athöfn í Bláa lóninu.
Fram kom hjá ráðherra að í ár hafi
borist 239 umsóknir víðsvegar af
landinu. 33 verkefni hlutu styrki,
alls 35 milljónir króna. Hæsta
styrkinn hlaut Elísabet Axels-
dóttir á Hvanneyri, þrjár milljón-
ir króna vegna verkefnisins „Þró-
un og smíði á gagnagrunni vegna
efnamælinga.“ Eins og fram kom í
viðtali við Elísabetu í Skessuhorni
fyrir nokkru snýst verkefnið um
að setja upp rannsóknarstofu til
efnamælinga, einkum á heyi, jarð-
vegi og loðdýrafóðri og selja nið-
urstöðurnar til aðila í landbún-
aði og annarra sem þörf hafa fyr-
ir slíka þjónustu. Nú er ekkert fyr-
irtæki í landinu sem sinnir þessari
þjónustu eftir að Landbúnaðarhá-
skólinn lokaði rannsóknastofunni
á Hvanneyri.
Svefnlausu nóttunum
fækkar
Aðspurð segist Elísabet vera alsæl
með þessa viðurkenningu og pen-
ingastyrk sem eðli málsins sam-
kvæmt komi að góðum notum nú
skömmu áður en starfsemin hefst.
Elísabet á fyrirtækið Efnagrein-
ingu ehf, sem stofnað var eftir að
ljóst þótti að starfsemi rannsókna-
stofu LbhÍ yrði hætt. Nú verð-
ur nýja rannsóknastofan opn-
uð í gömlu Nautastöðinni ofan
við Hvanneyri. „Við erum í þann
mund að hefja starfsemi. Eigum
von á aðaltækinu; massagreini, til
landsins eftir u.þ.b. tvær vikur og
getum þá fljótlega byrjað að veita
þessa þjónustu. Það kemur maður
með tækinu frá Bandaríkjunum og
setur það upp. Tæki sem þetta get-
ur mælt flest frumefni lotukerfis-
ins; stein- og snefilefni í heyi, jarð-
vegi, vatni og margvíslegum öðrum
efniviði.“ Elísabet segir að styrkur
sem þessi hjálpi henni mikið fjár-
hagslega. „Þeim fækkar svefn-
lausu nóttunum,“ segir frumkvöð-
ullinn í samtali við Skessuhorn.
Það var Byggðastofnun sem lán-
aði fyrir 85% af tækjakaupum en
Landsbankinn veitti framkvæmda-
lán. Auk þess hafa Vaxtasamningur
Vesturlands, Hugheimar og Fram-
leiðnisjóður landbúnaðarins veitt
rausnarlega styrki til verkefnisins.
mm
Nýverið tók nýr rekstrarstjóri til
starfa í Húsasmiðjunni á Akra-
nesi. „Ég er búinn að vera hérna í
þrjár vikur, það er ekki lengri tími
en það,“ sagði Óli B. Jónsson, nýi
rekstrarstjórinn þegar blaðamað-
ur Skessuhorns heimsótti hann á
skrifstofuna í liðinni viku. Óli er
fæddur og uppalinn í Reykjavík og
alnafni afa síns. Blaðamaður komst
að því eftir að hafa ranglega ávarp-
að hann Ólaf. Áður en Óli fluttist á
Akranes bjó hann á Sauðárkróki og
síðan á Bifröst. „Ég er lærður tré-
smiður og starfaði sem slíkur í 13
ár. Norður á Sauðárkróki í sjö ár
og í Reykjavík í sex ár þar á undan.
Ég þekki þennan bransa því út og
inn, vissi hvernig var að vera á hin-
um endanum í þessum geira áður
en ég tók við þessu starfi og veit
núna hvernig landið liggur beggja
megin borðsins,“ sagði Óli. „Síð-
an fór ég að læra viðskiptafræði
við Háskólann á Bifröst og er að
klára það nám núna þegar ég kem
hingað. Það mun bitna aðeins á
náminu,“ bætir Óli við og bros-
ir. „En námið fer svo sem ekkert
frá manni, maður getur alltaf lok-
ið því.“
Tip top fólk
Óli tekur við starfinu af Skúla
Hreini Guðbjartssyni. „Já, Skúli
forveri minn lét draum sinn ræt-
ast, seldi húsið og flutti ásamt eig-
inkonu sinni vestur í Dali og gerð-
ist kúabóndi. Haustferð starfs-
fólksins verður væntanlega að fara
og heimsækja hann,“ segir Óli.
Aðspurður um hvort breytingar
verði á rekstri Húsasmiðjunnar á
komandi misserum segir Óli svo
ekki vera. „Reksturinn verður með
sama sniði og verið hefur. Hann
hefur verið góður en við munum
reyna að gera betur, það er alltaf
svigrúm til þess,“ segir hann. „Ég
er líka mjög ánægður með starfs-
fólkið. Okkur vantar reyndar einn
í fullt starf en þeir sem eru hér fyr-
ir eru alveg „tip top“ starfsmenn,“
bætir hann við.
Óli býr nú ásamt konu sinni
og þremur börnum á Akranesi og
kveðst kunna vel við bæinn. „Við
keyptum okkur hús á Brekkubraut
í fyrra. Hér eru allir almennilegir,
ólmir í að koma og taka í spaðann
á manni, kynnast mér og marg-
ir hafa spurt mig út í ættartréð,
hverra manna ég sé,“ segir Óli og
brosir.
Ætlar að lækka
forgjöfina
Óli er mikill golfari, segir það vera
sitt helsta áhugamál og kveðst full-
ur eftirvæntingar að geta byrjað að
iðka þá íþrótt af kappi. „Ég stefni á
að spila mikið í sumar og Akranes
er góður staður til þess. Ég er með
18 í forgjöf núna og ætla að lækka
hana niður í 15 í sumar, að minnsta
kosti. Það ætti að vera mjög raun-
hæft markmið. Ég reikna með að
fara í golf svona þrisvar sinnum
í viku, eftir vinnu og á kvöldin,“
segir Óli. „Þetta er mín hreyfing
og hugleiðsla. Ég kem fullkomlega
afslappaður heim á kvöldin ef ég
skelli mér í golf eftir vinnu.“ Þeg-
ar blaðamaður spurði hvort hann
vildi bæta einhverju við að lokum,
vitnaði hann í texta Megasar. „Ef
þú smælar framan í heiminn, þá
smælar heimurinn framan í þig,“
sagði Óli að lokum, léttur í bragði.
kgk
Steinunn Garðarsdóttir á Gríms-
stöðum í Reykholtsdal hefur verið
starfsmaður Hnoðrabóls um þriggja
áratuga skeið, en þó með fjögurra
ára hléi þegar hún vann á Hýrumel.
Steina er elskuð og dáð af börnum á
leikskólanum sem gjarnan kalla hana
ömmu Steinu. Margir sem komn-
ir eru á fullorðinsár kalla hana enn
ömmu sína og faðma hana og knúsa
þegar leiðir liggja saman. Í liðinni
viku var síðasti starfsdagur Steinu á
Hnoðrabóli og færði foreldrafélag
leikskólans henni blómvönd við það
tilefni og þakkaði henni fyrir hið
góða starf sem hún hefur unnið fyrir
börnin í sveitinni. Á myndinni með
henni er Bára Sigurjónsdóttir for-
maður foreldrafélags Hnoðrabóls.
Aðspurð segist Steina nú fá
betri tíma til að sinna búinu og
karlinum, en hún og Guðmund-
ur Kristinsson eiginmaður henn-
ar, reka sauðfjárbú á Grímsstöð-
um. „Þetta er góður tími til að
hætta og nú fer einmitt sauðburð-
ur í hönd. Það kom reyndar fyr-
ir stundum, þegar ég var bæði að
vinna á leikskólanum og við búið á
vorin, að maður var stundum svo-
lítið lúinn. Einu sinni þegar ég var
að lesa fyrir börnin eftir hádegis-
matinn hrökk ég upp við að þau
sögðu: „Amma, af hverju heyrist
ekkert í þér?“ Þá var ég náttúrlega
steinsofnuð á undan þeim,“ segir
amma Steina.
mm/ Ljósm. Sjöfn Guðlaugsdóttir.
Síðasti starfsdagur ömmu
Steinu á Hnoðrabóli
Óli B. Jónsson, nýr rekstrarstjóri Húsasmiðjunnar á Akranesi.
Nýr rekstrarstjóri Húsasmiðjunnar á Akranesi
Elísabet Axelsdóttir á Hvanneyri hlaut hæsta styrk til atvinnumála kvenna
Eygló Harðardóttir félagsmálaráðherra afhenti Elísabetu styrkinn. Arngrímur Thorlacius og Elísabet Axelsdóttir standa að verkefninu að opna nýja rannsóknastofu á Hvanneyri.