Skessuhorn - 08.05.2015, Blaðsíða 22
22 MIÐVIKUDAGUR 6. MAÍ 2015
Nýverið var hafist handa við að end-
urnýja hluta heitavatnsleiðslu Orku-
veitunnar frá Deildartungu í Borg-
arfirði þar sem hún liggur um Mela-
sveit og út á Akranes. Um er að
ræða 2,9 kílómetra kafla milli bæj-
anna Skorholts og Lækjar. Tíðar
bilanir hafa orðið á þessum kafla á
álagstímum undanfarna vetur sem
meðal annars hefur valdið heita-
vatnsskorti og truflunum á Akra-
nesi. „Verktakafyrirtækið Borgar-
verk er með þetta verk en ég er und-
irverktaki í rafsuðuvinnunni við að
setja rörin saman. Við erum nýbyrj-
aðir og verklok eru áætluð í októ-
ber. Við reiknum því með að verða
hér í sumar en annars fer þetta mik-
ið eftir veðri hvernig okkur á eftir að
ganga,“ sagði Ólafur R. Guðjónsson
vélvirki og eigandi Vélsmiðju Ólafs
R. Guðjónssonar á Akranesi, þegar
Skessuhorn átti leið hjá í gær. End-
urnýjun lagnarinnar á að kosta um
85 milljónir króna. Þessar endur-
bætur eru viðauki við þær framfar-
ir sem felast í því að í vetur var reist-
ur nýr og stærri miðlunartankur fyr-
ir heitt vatn á Akranesi. Undanfarin
ár hefur Orkuveitan flest ár endur-
nýjað búta af lögninni sem að stofni
til var lögð í asbest. mþh
Orkuveitan endurnýjar heita-
vatnslögn við Skorholt
Ólafur R. Guðjónsson, betur þekktur sem Óli Gonna, ásamt félaga sínum Sigurði
Ágústi Guðbjörnssyni þar sem þeir voru önnum kafnir við að endurnýja rétt
tæplega þriggja kílómetra kafla af hitaveitulögninni út á Akranesi.
Bollakökur með chili-
paprikusultu frá Sólbyrgi
Þrátt fyrir að dagatalið hafi boðað
komu sumarsins fyrir stuttu og sól-
in hafi skinið á vesturhluta landsins
undanfarna daga hefur verið frem-
ur kalt í veðri. Til að fá yl í kropp-
inn er þó hægt að gera ýmislegt
fleira en að liggja í sólbaði. Hér
birtist uppskrift af chili-súkkulaði
bollakökum sem rífa pínulítið í en
allir ættu að geta notið.
Bollakökurnar
175 gr hveiti
140 gr púðursykur
1 tsk lyftiduft
1/2 tsk matarsódi
2 msk kakó
100 gr brætt dökkt súkkulaði
1 chilialdin
2 egg
150 ml olía
50 ml mjólk
2 msk chilipaprikusulta frá Sól-
byrgi
Aðferðin
Forhitið bakaraofninn á 180°C.
Byrjið á að blanda þurrefnum
saman en bíðið með púðursyk-
urinn. Þeytið eggjum og púð-
ursykri saman í nokkrar mínút-
ur eða þar til blandan lýsist og
verður silkimjúk. Næst er olí-
unni hrært mjög rólega saman
við og þar á eftir bráðnu súkkul-
aði. Brytjið chilialdinið og gæt-
ið þess að þvo hendur vandlega
á eftir, safi aldinsins er ertandi
fyrir slímhúð og hættulegt ef
hann berst í augu. Þá næst er öllu
blandað rólega saman. Hellið svo
í bollakökuform og bakið í um
það bil fimmtán mínútur. Fylgist
þó vel með því að bökunartíminn
er misjafn eftir bökunarofnum.
Þegar hægt er að stinga pinna
í og hann kemur hreinn út eru
bollakökurnar tilbúnar. Takið út
og kælið alveg. Þá kemur „aðal-
trikkið;“ fyllið sprautupoka með
tveimur matskeiðum af chilipap-
rikusultu sem fæst meðal annars
í Sólbyrgi á Kleppjárnsreykjum.
Gott er að nota Wilton stút núm-
er 230 til að stinga inn í kökurn-
ar og sprauta um hálfri teskeið af
sultu inní hverja bollaköku.
Kremið
60 gr smjör
100 gr sýrður rjómi (18%)
150 gr súkkulaðihjúpur
Flórsykur og vanilludropar eftir
smekk.
Aðferð við kremið
Byrjað er að bræða súkkulaði og
smjör yfir vatnsbaði. Bætið sýrða
rjómanum við og hrærið hraust-
lega. Blandan er töluvert kekkjótt í
byrjun en örvæntið ei, þetta eins og
sumarið, tekur tíma að koma sam-
an. Þegar blandan er orðin kekkja-
laus er flórsykri og vanilludropum
bætt við, þar gildir smekkur hvers
og eins. Því meiri flórsykur, því
þykkara verður kremið.
Ljósm: Emilía Ottesen
Freisting vikunnar
Vel þótti takast til með fram-
kvæmt 1. maí í landshlutanum í ár
þó vissulega væri haldið upp á dag-
inn að þessu sinni í skugga verkfalla
á vinnumarkaði næstu vikur eða
mánuði. Á Akranesi var metþátttaka
bæði í kröfugöngu og baráttufundi
stéttarfélaganna sem haldinn var að
henni lokinni. Ræðumaður dagsins
var Vilhjálmur Birgisson formað-
ur Verkalýðsfélags Akraness. Hann
var ómyrkur í máli í garð atvinnu-
rekenda og sagði að nú yrðu kjara-
bætur sóttar með góðu eða illu.
Stéttarfélag Vesturlands stóð fyr-
ir baráttu- og hátíðarfundum bæði
í Borgarnesi og Búðardal. Signý Jó-
hannesdóttir formaður félagsins var
ræðumaður í Borgarnesi en í Búðar-
dal var það Geirlaug Jóhannsdóttir.
Að venju stóð Verkalýðsfélag Snæ-
fellinga fyrir hátíðardagskrá í Stykk-
ishólmi, Grundarfirði og Ólafsvík.
Meðal skemmtiatriða voru Helgi
Björnsson söngvari sem ásamt gítar-
leikara tók nokkur lög, Daníel Örn
Sigurðsson töframaður ásamt að-
stoðarkonu sinni sýndi töfrabrögð
og vakti mikla kátínu barna og full-
orðinna, Alda Dís Arnardóttir sig-
urvegari Ísland got talent, ásamt
Braga Þór Ólafssynir gítarleikara,
söng svo nokkur lög þar sem miklir
hæfileikar þeirra beggja fengu not-
ið sín. Ræðumenn dagsins voru þau
Sigurður A. Guðmundsson formað-
ur Verkalýðsfélags Snæfellinga og
Guðbjörg Jónsdóttir varaformað-
ur. Að skemmtiatriðum loknum
voru svo kaffiveitingar í boði félags-
ins. Í Ólafsvík hefur sú hefð skapast
að Félag eldri borgara stendur fyrir
sýningu á þessum degi og var engin
breyting á því í ár. Á sýningunni var
að finna ýmsa muni sem félagsmenn
hafa unnið að í vetur. Þeir vinna úr
margs konar efnum svo sem tré, leir,
gleri og fleiru. Dagskránni lauk svo
á því að börnum var boðið í bíó. Það
var líka gert á Akranesi.
mþh
Baráttudagurinn 1. maí fór vel fram á Vesturlandi
Kröfuganga stéttarfélaganna á Akranesi beygir upp
Merkigerði frá Vesturgötu. Ljósm. mþh.
Eiríkur Þór Theodórsson, stjórnarmaður í ASÍ-UNG og
trúnaðarmaður hjá Stéttarfélagi Vesturlands, var kynnir á
1. maí fundinum í Borgarnesi. Hér er hann ásamt Signýju
Jóhannesdóttur formanni Stéttarfélags Vesturlands og Þor-
kötlu Ingu Karlsdóttur. Ljósm. Theódór Þórðarson.
Daníel töframaður og aðstoðarkona ásamt ungum þátt-
takanda í Grundarfirði. Ljósm. tfk.
Sigurður A. Guðmundsson formaður Verkalýðsfélags
Snæfellinga flytur ræðu sína í Klifi í Ólafsvík Ljósm. þa.
Á áttunda tug fólks af öllu Vestur-
landi kom saman til stefnumótun-
arfundar í Hjálmakletti á mánudag-
inn. Það voru Samtök sveitarfélaga á
Vesturlandi sem stóðu fyrir fundin-
um þar sem kallaðir voru til samráðs
fulltrúar úr öllum sveitarfélögum til
að móta framtíðarsýn og markmið
fyrir landshlutann. SSV og Ráðgjaf-
arfyrirtækið Alta munu svo vinna úr
niðurstöðum og skila til atvinnu- og
nýsköpunarráðuneytisins nýrri sókn-
aráætlun fyrir Vesturland fyrir 22.
júní næstkomandi. Sambærileg vinna
fer nú fram í öllum landshlutum þar
sem mótuð er sóknaráætlun þeirra
sem gilda á til 2019.
Markmið sóknaráætlunar er að
ráðstafa þeim fjármunum sem varið
er af ríkinu á sviði atvinnu-, byggða-
og menningarmála. Þetta er gert í
samræmi við stefnu sem landshlut-
inn mótar sjálfur á þessum sviðum.
Vinnan við sóknaráætlun er þríþætt. Í
fyrsta lagi að móta framtíðarsýn fyrir
Vesturland sem nýting fjármuna tek-
ur mið af, í öðru lagi að stofna upp-
byggingarsjóð sem styður menning-
ar-, atvinnu- og nýsköpunarverkefni
og loks eru skilgreind átaksverkefni
fyrir Vesturland sem endurspegla
eiga framtíðarsýnina.
„Framtíðarsýn Vestlendinga er
grunnurinn í sóknaráætlun, sem öll
önnur verkefni byggja á. Við köll-
uðum til samráðs fulltrúa sveitar-
stjórna, stofnana, atvinnulífs auk full-
trúa hagsmuna- og félagasamtaka.
Við fengum ágæta mætingu í Borg-
arnesi á mánudaginn og þessi vinna
mun hjálpa okkur við þá vinnu sem í
hönd fer næstu vikurnar,“ sagði Páll S
Brynjarsson framkvæmdastjóri SSV.
Björg Ágústsdóttir frá Alta tók þátt
í að stýra hópastarfi sem fram fór á
fundinum í Borgarnesi. Í kynningu
fyrir upphaf vinnunnar sagði hún að
þátttakendur myndu í sameiningu
leggja drög að betra Vesturlandi.
Safnað yrði hugmyndum og efnivið
til að móta stefnu um atvinnumál,
menningu og menntamál, með það
fyrir augum að auka lífsgæði.
Meðfylgjandi myndir voru teknar
við upphaf vinnufundarins á mánu-
daginn og tala sínu máli.
mm
Kallað til samráðs til að móta framtíðarsýn fyrir Vesturland