Fréttablaðið - 18.05.2019, Qupperneq 90

Viltu birta minningargrein á frettabladid.is?
Minningargreinar skal senda á timamot@frettabladid.is.
Birting er endurgjaldslaus og opin öllum á frettabladid.is/timamot
Elskuleg móðir okkar, amma,
tengdamóðir og systir,
Þóra Friðriksdóttir
leikkona,
andaðist þann 12. maí. Útför hennar
verður gerð frá Dómkirkjunni í
Reykjavík fimmtudaginn 23. maí kl. 13.
Sérstakar þakkir viljum við færa starfsfólki á deild V-3
á dvalarheimilinu Grund, Reykjavík, fyrir þá alúð og
umhyggju sem Þóru var sýnd.
Lára Jónsdóttir
Kristín Jónsdóttir Sigmundur Jóhannesson
Iðunn Jónsdóttir, Tryggvi Jónsson
og Þórunn Friðriksdóttir
Okkar elskulegi faðir,
tengdafaðir og afi,
Jón Einarsson
Öldutúni 18, Hafnarfirði,
lést á Landspítalanum laugardaginn
10. maí. Útför hans fer fram frá
Hafnarfjarðarkirkju miðvikudaginn
22. maí klukkan 13.00.
Íris Jónsdóttir Haraldur Örn Sturluson
Einar Jónsson
Alma Jónsdóttir Matthías Árni Ingimarsson
og barnabörn.
Ástkær eiginkona mín, móðir okkar,
tengdamóðir, amma og langamma,
Málfríður Sigurðardóttir
Stapavöllum 12, Reykjanesbæ,
lést á Heilbrigðisstofnun Suðurnesja
laugardaginn 11. maí. Útförin fer fram
frá Keflavíkurkirkju fimmtudaginn
23. maí kl. 13. Blóm og kransar eru vinsamlegast
afþakkaðir en þeim sem vildu minnast hennar er bent
á Krabbameinsfélagið. Innilegar þakkir til starfsfólks
Heilbrigðisstofnunar Suðurnesja fyrir einstaka umönnun
og hlýtt viðmót.
Marís Hvannberg Gíslason
Sigurður Marísson Kristín Auður Jónsdóttir
Ingibjörg Guðný Marísdóttir Örn Benedikt Sverrisson
Margrét Linda Marísdóttir Kristberg Snjólfsson
Viðar Þór Marísson Tonje Tellefsen
barnabörn og barnabarnabörn.
Okkar ástkæra
Hrefna Ólafsdóttir
Kirkjuvegi 1,
lést á Heilbrigðisstofnun Suðurnesja
föstudaginn 3. maí. Útförin fór fram í
kyrrþey að ósk hinnar látnu.
Sigrún Birna Ólafsdóttir
Þórir Jóhann Ólafsson María Sjöfn Helgadóttir
Borgar Unnbjörn Ólafsson Þórdís Herbertsdóttir
Elín Inga Ólafsdóttir Agnar Harðarson
Björn Guðbrands Ólafsson Guðríður Gunnarsdóttir
og systkini hinnar látnu.
Já, nú nálgast þetta hröðum skref­um, en það er besta mál,“ segir Dagný Kristjánsdóttir, prófessor og bókmenntafræðingur, glað­lega þegar hún er minnt á afmælið
á morgun. Hún er á vinnustað
sínum, Háskóla Íslands, þegar ég
hef samband. Þar hefur hún verið við
kennslu frá árinu 1992, fyrst í íslensku
en sem prófessor í bókmenntafræði frá
2001. Áður var hún lektor við Óslóar­
háskóla í átta ár.
„Ég er enn að vinna en lýk störfum 1.
júní, það er reglan að hætta um fyrstu
mánaðamót eftir sjötugsafmælisdaginn.
Mér finnst það bara fínt en samt svolítið
óraunverulegt. Veit ekkert hvernig það
verður að þurfa ekki og eiga ekki að
mæta í vinnuna. Ég man að Helga Kress
sagði það, ekki án beiskju, þegar hún
varð sjötug að þetta væri eini afmælis­
dagurinn sem hún fengi það í afmælis­
gjöf að vera sagt upp. En í öllu þrefinu og
púlinu og stressinu hef ég lengi hlakkað
til að fá ótakmarkaðan tíma fyrir sjálfa
mig. Veit þó að það sem gerist er að
maður takmarkar hann sjálfur og býr
sér til einhver verkefni.“
Ef laust verður Dagný ekki í vand­
ræðum með að finna sér áhugaverð við­
fangsefni. Spurð hvort hún sé með ein­
hver í sigti svarar hún. „Ja, það eru tvær
bækur sem ég þarf að ljúka við og margt
sem mig langar að gera og ég hlakka
til að gera.“ Hún segir meðal annars
ferðalög fram undan í sumar, bæði
innan lands og utan og nefnir dæmi um
eina utanlandsferð. „Við hjónin ætlum
að fara til Skotlands á slóðir Auðar
djúpúðgu undir fararstjórn Vilborgar
Davíðsdóttur. Ég hlakka mjög til þess.
Vilborg er búin að vera með þessar
ferðir um nokkra hríð, auglýsingin kom
upp bara í sviphending vegna þess að
daginn eftir voru komnir 150 manns á
biðlista!“
Dagný er uppalin á Akureyri. „Ég
fæddist á Ísafirði en var eins árs þegar
við f luttum þaðan og kenni mig því
ekki við þann stað, því þá væri alltaf
verið að spyrja mig hvort ég þekkti ein­
hverja þaðan – sem ég geri ekki. Svo
ég segist vera frá Akureyri enda átti ég
þar fyrsta og mikilvægasta mótunar­
skeiðið á ævinni – og ég elska Akureyri.
Fjölskylda mín flutti suður þegar ég var
fjórtán ára og ég var mjög ósátt við það,
það er aldur sem maður vill ekki flytja á,
burt frá öllum vinunum, svo ég fór aftur
norður við fyrsta tækifæri og átti góðan
tíma í Menntaskólanum á Akureyri.“
Að lokum er Dagný spurð hvort hún
ætli að halda upp á daginn á morgun og
hún svarar glaðlega: „Ja, það verður gert
eitthvað skemmtilegt. Þó það nú væri!“
gun@frettabladid.is
Fínt en samt óraunverulegt
Brátt verða tímamót í lífi Dagnýjar Kristjánsdóttur, prófessors í bókmenntafræði við
Háskóla Íslands, er hún lætur af störfum í kjölfar stórafmælis sem er á morgun.
„Ég hef lengi hlakkað til að fá ótakmarkaðan tíma fyrir sjálfa mig,“ segir Dagný. FRÉTTABLAÐIÐ/ERNIR
Dagleg störf prófessorsins
Dagný hefur kennt íslenska bókmenntasögu, kvennabókmenntir, barnabók-
menntir, kynjafræði og sálgreiningu við íslensku-og menningardeild Háskóla
Íslands.
Meðal námskeiða eru: Læknahugvísindi, Smásögur II: Frá rómantík til raf-
rænna miðla, Norrænn módernismi og framúrstefna – frá Edith Södergran
til óreiðu internetsins, Smásögur I: Fornar sögur og splunkunýjar og Heimur
Halldórs Laxness.
1 8 . M A Í 2 0 1 9 L A U G A R D A G U R40 T Í M A M Ó T ∙ F R É T T A B L A Ð I Ð
TÍMAMÓT