Hlynur - 15.04.1966, Síða 13

AXEL ÁSGEIRSSON
Fæddur 16. maí 1895
Dáinn 10. nóv. 1965
Þann 10. nóv. sl. varð
bráðkvaddur við starf sitt
Axel Ásgeirsson, starfs-
maður hjú Sútunardeild
Iðunnar á Akureyri.
Axel var fæddur að Dag-
verðartungu í Hörgárdal
16. maí 1895 og voru for-
eldrar hans hjónin Ásgeir
Björnsson og Kristjana
Halldórsdóttir. Hann ólst
upp með foreldrum sín-
um til átta ára aldurs að faðir
hans lézt en fór þá til móðurbróð-
ur síns Leos, að Rútsstöðum í Eyja-
firði og dvaldist hjá honum næstu
8 árin, eða þar til hann fór að
standa á eigin fótum, ef svo mætti
segja. Hann stundaði sjómennsku
og ýmsa vinnu, en hóf snemma störf
á vegum samvinnufélaganna, var t.
d. einn af fyrstu starfsmönnum
Mjólkursamlags K.E.A. og einn af
þeim, sem sóttu fyrsta skip
S.Í.S., Hvassafell er það
var keypt til landsins. Hjá
bessum stofnunum starfaði
Axel um árabil. Þá var
hann um skeið lögreglu-
þjónn á Akureyri og af-
greiðslumaður hjá Bif-
reiðastöð Oddeyrar um
nokkur ár. Til Iðunnar
réðst Axel 1953 og starfaði
þar, sem áður segir, til
hinstu stundar. í öllum þessum störf-
um reyndist Axel hinn nýtasti starfs-
maður, enda var hann hraustmenni
og ötull að hverju, sem hann gekk.
Glaðvær var hann ætíð og var gott
við hann geði að blanda, enda vin-
sæll af samstarfsmönnum sínum og
öllum þeim er við hann áttu skipti.
A*xel var kvæntur Jakobínu Jósefs-
dóttur, sem látin er fyrir allmörgum
árum og eignuðust þau 2 börn.
P.H.
V ÖRURÝRNUN
Framhald af blaðsíðu 11.
b. Með því að líta eftir annmörkum eða göllum á körfum, vögnum og
útstillingargrindum.
3. Neyzla í búð.
Rýrnun verður, þegar viðskiptavinurinn gleymir að borga fyrir vöru, sem
alveg eða að einhverju leyti er neytt í verzluninni. Mikilvægt er því, að
reynt sé af fremsta megni að forðast neyzlu í verzluninni. Jafnframt er
þó viðurkennt, að sjálfsagt sé ekki til fulls hægt að komast hját! að
borðaðir séu íspinnar, popkorn o. fl. Rýrnun fyrirbyggist á eftirfarandi hátt:
a. Takmörkun á neyzlu í búðinni.
b. Biðja viðskiptavininn að setja umbúðirnar með verði ofan í inn-
kaupakörfuna /vagninn til afnota við reikningsskil.
Framhald í næsta blaði.
HLYNUR 13