Hlynur - 15.10.1966, Blaðsíða 16
9.—10. TOLUBLAÐ 1966.
vita ,
að Várt Blad segir nýlega frá því, að nú
sé 14 milljón af frystikistum í Noregi,
og telur blaðið að hlutfallslega muni
hvergi vera fleiri. Baksíðumaður
Hlyns er bó illa svikinn, ef frændur
okkar, Norðmenn misreikna sig ekki
þarna. Eiginlega hljóta að vera flest-
ar frystikistur á Islandi miðað við
fólksfjölda. Sé svo ekki, þá getum við
að minnsta kosti huggað okkur við
jöklana okkar.
að forsíðu Hlyns að þessu sinni prýðir
einn ágætur starfsmaður Kaupfélags
Arnesinga, Gunnar Vigfússon, skrif-
stofustjóri. Gunnar hefur starfað hjá
K.A. í fjörutíu og fjögur ár, og gera
ekki margir betur. Fleiri myndir ásamt
stuttri grein um K.A. eru inni í
blaðinu.
að Samvinnan 10—12 hefti bessa árgangs
kemur út um svipað leyti og þetta
hefti Hlyns eða litlu síðar. Vegna
skorts á starfsliði og nú síðast vegna
langvarandi veikinda ritstjóra Sam-
vinnunnar og Hlyns reynist ekki unnt
að gefa nema þetta eina hefti Sam-
vinnunnar út fyrir jól. Reynt verður
að greiða úr fyrir Hlyni á sem beztan
hátt, en ekki er framtíð hans enn
ráðin.
að því aðeins er unnt að halda starfs-
mannablaði á borð við Hlyn gang-
andi, að starfsmennirnir láti eitthvað
efni af hendi rakna. Nú undanfarið
hefur verið svo fullkominn skortur á
þessu, að Hlynur litli sjálfur stóðst
ekki mátið og prílaði uppá stól hér
um daginn og skrifaði bréfið, sem þið
getið lesið á blaðsíðu 12. — í leið-
inni viljum við nota tækifærið til að
þakka Páli Helgasyni á Akureyri fyrir
dygga þjónustu við Hlyn, því að hann
hefur sent Hlyni meira efni en nokk-
ur annar.
að í Samvinnunni næstu verður að vanda
fjölbreytt efni. Þar birtist nú auk
framhaldssögunnar löng smásaga eftir
einn okkar ágætustu rlthöfunda, Jak-
obínu Sigurðardóttur. Sagan nefnist
Mammon í gættinni, og óhætt er að
ráða mönnum að lesa hana.
að í Samvinnunni er ítarleg grein um
Kaupfélag Arnesinga, prýdd myndum,
ennfremur er sagt frá 23. þingi Al-
þjóðasamvinnusambandsins, Baldvin Þ.
Kristjánsson skrifar um Samvinnu-
tryggingar tvítugar, Jóhann Bjarna-
son skrifar um það furðulega tungu-
mál esperantó, húsmæðraþáttur er að
venju vandaður og margt fleira er
í ritinu.
HLYNUR
BLAÐ SAMVINNU-
STARFSMANNA
er gefinn út af Sambandi ísl. Samvinnufélaga, Starfsmanna-
félagi SIS og Félagi kaupfélagsstjóra. Ritstjóri er Páll
H. Jónsson. Auk hans eru í ritnefnd Guðvarður Kjartans-
son og Gunnar Sveinsson. Ritstjórn og afgreiðsla eru hjá
Fræðsludeild SÍS, Sambandshúsinu, Reykjavík. Verð: kr.
100,00 árgangurinn, 10,00 heftið. Kemur út mánaðarlega.