Árbók Nemendasambands Samvinnuskólans - 01.06.1983, Blaðsíða 20
bernskuvinkonur, og fórum saman í skólann. Þar sem við
höfðum ekki verið í skóla í nokkur ár, var þetta okkur tals-
vert áhyggjuefni. Ég kveið svo mikið fyrir að ganga undir
væntanlegt inntökupróf, að ég man eftir því að mamma
var einmitt í slátri þessa síðustu daga, en ég hafði ekki
nokkra lyst á sjóðandi slátrinu. En allt í einu kemur Auður,
heldur en ekki kát og segir mér að það hafi komið til-
kynning í útvarpinu um að skólasetningu og prófum hafi
verið frestað í nokkra daga. Ekki get ég lýst gleði okkar
yfir þessum gálgafresti og svo mikið er vist að aldrei hafði
slátrið hennar mömmu verið gómsætara.
Síðan fórum við suður og þreyttum inntökupróf og stóð-
umst það og þar með hófum við nám í Samvinnuskólanum,
ásamt um það bil 30 nemendum víðsvegar að af landinu.
Mjög var það misjafnt hvaða undirbúning við höfðum,
Nokkrir voru gagnfræðingar, t.d. Isfirðingarnir, þar var
gagnfræðaskóli búinn að vera starfræktur um árabil. Aðrir
höfðu verið í héraðsskólunum, en allt var þetta fólk, sem
fór þetta eingöngu af því það langaði til þess að læra.
Fyrri veturinn minn var ég til húsa hjá öldruðum hjón-
um, sem bjuggu í lítilli tveggja herbergja íbúð inni á Hverf-
isgötu. Ég svaf í stofunni og þar lærði ég. Þessi gömlu hjón
voru vinafólk móður minnar, og reyndust mér frábærlega
vel. Ég hafði aldrei farið áður að heiman, sem hægt væri
að nefna, og þar sem þetta var í miðju stríðinu, var mikið
í húfi, að ungar stúlkur lentu ekki á glapstigum. Færu í
„ástandið“ sem svo var kallað.
Jónas tilkynnti okkur það fljótlega að þær stúlkur sem
sæjust með hermönnum, væru þar með burtreknar úr skól-
anum. Engin af mínum skólasystrum féll í þá freistni, enda
var slíkt úrval af ungum mönnum í skólanum, að þeir þoldu
áreiðanlega þann samanburð. 1 yngri deild vorum við
stúlkurnar 7 á móti 23 piltum. En í eldri deild var aðeins
ein stúlka. Þetta sýnir glöggt, bæði tíðaranda og efna-
hagsástand. Ennþá voru það fyrst og fremst karlmenn
sem fóru í nám.
Skólinn var til húsa í Sambandshúsinu við Sölvhóls-
16