Nesfréttir - jún. 2019, Blaðsíða 6
6 Nesfrétt ir
Hélt upp á
annað starfsárið
Bridgesfélagið á Seltjarnarnesi
hélt nýverið upp á lok annars
starfsárs síns með veglegum
verðlaunum og veitingum. Fyrstu
verðlaun, leikhúsmiða fyrir tvo,
hlutu Jón Hilmar Jónsson og Vil-
borg G. Kristjánsdóttir og önnur
verðlaun, konfektkassa, hlutu
Arnþrúður Halldórsdóttir og Val-
gerður Hjaltested.
Þessi tvö starfsár hafa byrjað
á fullsetnum námskeiðum undir
leiðsögn Guðmundar Arnar-
sonar, fyrrverandi heimsmeistara
í bridges, frá Bridgesambandi
Íslands.
Í vetur var spilað tvisvar í viku, á
þriðjudögum og föstudögum, í Eiðismýri 30, kl. 13:30 til 16:30. Spilað var á
tveimur borðum og stundum þremur.
Félagið er opið öllum Seltirningum og eldri borgurum úr öðrum bæjar-
félögum. Næsta spila ár hefst 16. ágúst 2019. Hægt er að bæta við borðum
og vel tekið á móti þeim, sem koma.
Bæjarstjórn Seltjarnarnesbæjar samþykkti á fundi sínum í liðinni
viku að taka þátt í undirbúningsverkefni um Borgarlínu. Þá hafa
öll sveitarfélögin á höfuðborgarsvæðinu sameinast um að taka þátt í
undirbúningi þessa samgöngumannvirkis. Athygli vekur að meirihluti
bæjarstjórnar tók höndum saman við minnihlutann gegn forseta
bæjarstjórnar og formanni bæjarráðs.
Í bókun Sigrúnar Eddu Jónsdóttur, Bjarna Torfa Álfþórssonar og Ásgerðar
Halldórsdóttur bæjarfulltrúa Sjálfstæðisflokksins segir að Borgarlína sé
samstarfsverkefni sveitarfélaga á höfuðborgarsvæðinu til að bregðast
við fyrirsjáanlega auknum umferðarþunga á næstu 25 árum. Skipulagning
Borgarlínu sé lykilverkefni í þróun byggðar á höfuðborgarsvæðinu. Með
henni er stuðlað að því að fjölgun íbúa og ferðamanna næstu áratugi hafi
ekki þau áhrif á umferð að tafir í henni margfaldist. Borgarlína mun auka
afköst almenningssamgangna, sér í lagi þar sem byggð er þétt eða hægt er
að þétta hana. Síðar í bókum þremenninganna segir að ef Seltjarnarnes taki
ekki þátt í þessu verkefni væri verið útilokað aðkomu bæjarins að þeirri
vinnu og stefnumörkun að framtíðarskipulagi almenningssamgangna. Eitt
og sér hafi Seltjarnarnes ekki bolmagn til að efla Strætó bs frekar án aðkomu
annarra sveitarfélaga á höfuðborgarsvæðinu. Við styðjum frekari eflingu
almenningssamgangna og forgangsreinar fyrir strætó og teljum að þessi
vinna sé hluti af þeirri vegferð sem við þurfum að fara í til þess.
Glapræði að standa utan
Í bókum bæjarfulltrúa Samfylkingarinnar kemur meðal annars fram að
algjört glapræði væri ef Seltjarnarnesbær stimpli sig út úr samstarfi á þessu
stigi málsins. Borgarlínuverkefnið sé framtíðarlausn á samgöngumálum
innan höfuðborgarsvæðisins og mun hún verða lífæð hverfa og
sveitarfélaga í framtíðinni. Bent er á að það mun verða gífurleg skerðing
á lífsgæðum Seltirninga ef bæjarfélagið verði ekki hluti af undirbúningi
Borgarlínukerfisins sem mun bitna á fasteignaverði, möguleikum
fólks ferðast milli staða, óhagræði við að reka fyrirtæki og stofnanir á
Nesinu ásamt því að erfiðara mun verða að fá starfsfólk til að vinna hjá
Seltjarnarnesbæ sem ekki býr í sveitarfélaginu.
Röksemdir fyrir sjálfstæði Seltjarnarness
Í bókun viðreisnar Neslista kemur meðal annars fram að Borgarlínan sé
mikilvægasta þróunarmálið sem sveitarfélög á höfuðborgarsvæðinu koma
sameiginlega að. Ef Seltjarnarnesbær ákveði á einhverjum tímapunkti að
ganga úr slíku samstarfi megi segja að bæjarbúar hafi sagt sig úr lögum
við önnur sveitarfélög og slíkt myndi vega alvarlega að röksemdinni fyrir
Seltjarnarnesi sem sjálfstæðu sveitarfélagi.
Magnús einn á móti
Magnús Örn Guðmundsson forseti bæjarstjórnar Seltjarnarnesbæjar
greiddi einn atkvæði á mót því að bæjarfélagið tæki þátt í undirbúningi
borgarlínu. Með því lagðist hann gegn félögum sínum í meirihluta
bæjarstjórnarinnar.
Í bókun hans frá fundi bæjarstjórnar segir að samningarnir hljóði upp
á 1,6 milljarða frá SSH og ríki. Hugmyndir um verkefnið séu að sínu mati
óraunhæfar með öllu eins og þær liggja fyrir. Áætlanir um heildarkostnað og
fjármögnun séu í besta falli óljósar og engin umræða um rekstrarforsendur
og rekstrarkostnað hafi farið fram. Því er óábyrgt af kjörnum fulltrúum að
skrifa undir samninga sem hafa svo óþekkta útkomu fyrir skattgreiðendur.
Samþykkir að taka
þátt í undirbúningi
Borgarlínu
Bridgesfélagið á Seltjarnarnesi
Jón Hilmar Jónsson tekur á móti fyrstu verðlaunum úr hendi
Magnúsar Marteinssonar.
Veitingar voru veglegar eins og
sjá má.
Myndir Ásta Valdimarsdóttir.
BÍLAVIÐGERÐIR
GRANDA
FISKISLÓÐ 83 - 101 REYKJAVÍK
S: 562 5999 S: 669 5999