Nesfréttir - jun 2019, Qupperneq 13

Nesfrétt ir 13
Við önnumst alla þætti undirbúnings og fram-
kvæmd útfarar ásamt vinnu við dánarbússkiptin.
Við þjónum með virðingu og umhyggju að
leiðarljósi og af faglegum metnaði.
Jón G. Bjarnason,
umsjón útfara
Við erum til staðar
þegar þú þarft á
okkur að halda
Útfararþjónusta
& lögfræðiþjónusta
Vesturhlíð 9, Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna
Nú þegar eitt ár er liðið frá bæjar-
stjórnarkosningum er gaman að staldra við og
líta um öxl. Ég myndi óska þess að ég gæti ritað
langa grein um öll þau afrek sem bæjarstjórnin
hefur unnið og hvernig við í Samfylkingunni
höfum náð í gegn okkar baráttumálum, íbúum
bæjarins til hagsbóta. En veruleikinn er dálítið
annar, þetta ár hefur fyrst og fremst farið í það
að bregðast við krísum og nýjum vinnubrögðum
Sjálfstæðismanna sem fengu í fyrsta sinn
minnihluta atkvæða Seltirninga í kosningunum
síðasta vor. Þessi nýja staða gerði þau ekki
auðmjúk og samstarfsfús heldur brugðu þau á
það ráð að verða aggresív, fara í vörn og halda
ákvörðunum sem næst sér. Þetta birtist í því að
fyrstu mál meirihlutans voru að hafna tillögu um
áheyrnarfulltrúa Neslista/Viðreisnar í bæjarráði
eins og hefð var fyrir, lögð var fram tillaga um
að fækka bæjarstjórnarfundum um helming og
fékk minnihlutinn enga aðkomu að undirbúningi
fjárhagsáætlunar ólíkt því sem tíðkast hefur
síðastliðin ár.

Krísa í fjárhag bæjarins
Fjárhagur bæjarins hefur verið ofarlega á
dagskrá en fjárhagsáætlun bæjarins fyrir árið
2019 hafði í för með sér hækkanir á gjaldskrám
fyrir eldri borgara og barnafjölskyldur.
Niðurskurðarkrafa var sett á grunnskólann,
bekkir stækkaðir og valáföngum á unglingastigi
fækkað. Ársreikningur Seltjarnarnesbæjar 2018
var samþykktur með 264 milljóna króna tapi A
sjóðs sem var 324 milljónum frá því sem áætlanir
gerðu ráð fyrir. Meirihlutinn hefur þurft að
kaupa utanaðkomandi ráðgjafa til að aðstoða
sig við rekstur bæjarins og við að halda utan
um fjármálin.

Ófjármagnað kosningaloforð upp á
2 milljarða
Eitt jákvætt og skemmtilegt verkefni
sem bærinn vann á árinu var að halda
hugmyndasamkeppni um nýjan og glæsilegan
leikskóla og var metþátttaka í samkeppninni.
Margar glæsilegar tillögur bárust sem mundu
tvímælalaust stórbæta aðstöðu leikskólans og
gera húsnæðið það flottasta sem fyrirfinnst.
Þetta kosningaloforð meirihlutans um að rífa
núverandi leikskólahúsnæði og byggja nýjan
300 barna leikskóla á sama stað, sýnir sig nú að
muni kosta bæinn rúmlega 2000 milljónir. Engin
áætlun hefur verið lögð fram um hvernig bærinn
hyggst fjármagna framkvæmdina en á sama tíma
er komin krafa um niðurskurð á grunnþjónustu
bæjarins, viðhaldi á öðru húsnæði bæjarins er
ekki sinnt og met lántaka síðasta árs hækkaði
skuldir bæjarins um rúma tvo milljarða.

Framtíðarsýn Samfylkingar Seltirninga
Það væri vel hægt að nefna fleiri mál sem
hefðu betur mátt fara á þessu fyrsta ári en nú
er komið nóg af orðum um krísur meirihlutans.
Við í Samfylkingu Seltirninga höfum nú þegar
lagt fram fjármagnaðar tillögur um að ráðast í
nauðsynlegar viðhaldsaðgerðir á íbúðum fólks
með fötlun við Sæbraut,
endurnýja húsgögn og
aðbúnað í grunnskólanum,
endurnýja Félagsheimili
Seltjarnarness og koma
upp öflugri félagsmiðstöð
fyrir eldri borgara. Við
höfum einnig lagt til að
bærinn fari í samstarf við
Gróttu um íþróttir fyrir
eldri borgara, við höfum
barist gegn hækkunum á gjaldskrám eldri
borgara og barnafólks og hvatt bæinn til að
taka á móti flóttafólki. Við höfum einnig lagt til
lausnir í umhverfismálum, að bærinn taki upp
grænt bókhald og verði áfram virkur þátttakandi
í samstarfi SSH um framtíðar skipulagningu
samgangna á höfuðborgarsvæðinu. Þessar
hugmyndir hafa fæstar verið samþykktar af
meirihlutanum og getum við auðvitað ekki stýrt
því hvaða ákvarðanir þau taka. Við höfum því
ákveðið að einbeita okkur að því að nýta næsta
ár til að fara í samstarf við bæjarbúa um að
teikna upp framtíðarsýn Seltirninga, um hvernig
við viljum sjá sveitarfélagið okkar þróast til
lengri tíma. Við munum fá til okkar skapandi og
skemmtilegt fólk og vonumst til að bæjarbúar
taki virkan þátt með okkur við að móta öfluga,
spennandi og skemmtilega framtíðarsýn
fyrir bæinn okkar.
Guðmundur Ari Sigurjónsson
Guðmundur Ari
Sigurjónsson.
Afmæli, krísur og spennandi framtíðarsýn
Mikið úrval af TYR
sundfatnaði - nýjar
gerðir og litir, úr
DURAFAST 300+
efninu, sem er
sérlega klórþolið og
lithelt.
Kíktu á úrvalið á
heimasíðu okkar
www.aquasport.is
Bæjarlind 1-3, 201 Kópavogur
sími: 5640035
www.systrasamlagid.is