Nesfréttir - jún. 2019, Blaðsíða 10
10 Nesfrétt ir
Alls bárust 27 tillögur í
hönnunarsamkeppni um nýjan
leikskóla á Seltjarnarnesi. Fyrstu
verðlaun hlaut tillaga Andrúm
arkitekta en þeir eru Haraldur
Örn Jónsson, Hjörtur Hannesson
og Kristján Garðarsson. Dómnefnd
valdi síðan fjórar þeirra til
áframhaldandi keppni á öðru
þrepi keppninnar í samræmi
við ákvæði keppnislýsingar.
Ákveðið var að veita þremur
tillögum viðurkenningu með
innkaupum og þremur tillögum
viðurkenningu sem athyglisverðar
tillögur. Leikskólanum er ætlaður
staður á núverandi leikskólasvæði
sunnan Suðurstrandar. Stefnt er
að því að taka þá tillögu sem hlaut
fyrstu verðlaun til frekari útfærslu.
Ásgerður Halldórsdóttir bæjar-
stjóri sagði í ávarpi þegar tillögur-
nar voru kynntar á Eiðistorgi á
dögunum að með hönnunarsam-
keppninni væri að hefjast nýr kafli í
byggingarsögu leikskóla hér á landi
því honum væri ætlað að rúma 300
börn undir einu þaki. Dómnefnd
hafði meðal annars að leiðarljósi
að um heildaryfirbragð, vandaða og
góða byggingarlist og aðlögun að
umhverfi væri að ræða. Einnig stað-
setningu á lóð með tilliti til aðkomu
og umferðar auk samspils og úti-
svæði. Þá var stuðst við áfanga-
skiptingu sem valda muni lágmarks
röskun á núverandi starfsemi leik-
skólans meðan á byggingarfram-
kvæmdum stendur. Þá var hvatt til
umhverfisvænnar nálgunar, lausnir
og efnisval taki tillit til byggingar-
kostnaðar, rekstrarkostnaðar auk
umhverfis- og vistfræðilegra þátta
og endingar. Í dómnefnd sátu af
hálfu Seltjarnarnesbæjar, Gestur
Ólafsson arkitekt og skipulags-
fræðingur, Soffía Guðmundsdóttir
leikskólastjóri og Baldur Pálsson
fræðslustjóri. Af hálfu Arkitekta-
félagi Íslands sátu í nefndinni arki-
tektarnir Sigurður Halldórsson og
Hildur Gunnlaugsdóttir.
Í umsögn dómnefndar um þá
tillögu sem hlaut fyrstu verðlaun
segir að um mjög metnaðarfulla
tillögu sé að ræða sem mæti vel
forsendum í keppnislýsingu.
Heildaryfirbragð sé áhugavert og
ásýnd hans styrki miðbæjarrými
Seltjarnarness. Byggingin sé
skemmtilega brotin upp og vel
staðsett á lóð með tilliti til aðkomu
og umferðar. Með því að byggja
yfir bílastæði nái þessi tillaga
stærsta útivistarsvæði þeirra
tillagna sem komust á annað þrep
keppninnar. Tillagan uppfylli vel
hugmyndafræði um stærð rýma,
innra fyrirkomulag og bætir stöðu
leikskólakennara til muna.
Ásgerður Halldórsdóttir bæjar-
stjóri segir afar ánægjulegt hversu
margir tóku þátt í hönnunar-
samkeppninni og margar tillögur
feli í sér mjög frambærilegar lausnir
á viðfangsefninu. Þær séu vel
útfærðar og góður vitnisburður um
hæfni höfunda.
Verðlaunatillagan verður útfærð frekar
Leikskóli Seltjarnarness
Þannig lítur hugmynd Andrúm arkitekta að nýjum leikskóla á Seltjarnarnesi út.
Á fundi bæjarstjórnar Seltjarnarness sem haldinn var
miðvikudaginn 22. maí sl. tókst bæjarfulltrúum að afgreiða nokkur
mál sem fyrir fundinum lágu á aðeins þremur mínútum. Fundurinn
hófst klukkan 17.00 og honum var slitið klukkan 17:03.
Á þessum stutta tíma afgreiddi bæjarstjórnin fjórar fundargerðir
auk þess að taka síðari umræðu um breytingu á samþykkt um stjórn
Seltjarnarnesbæjar. Umræðurnar hafa því ekki tekið langan tíma.
Fundur bæjarstjórnar sem haldinn var miðvikudaginn 25. apríl 2018
tókst einnig að afgreiða fyrirliggjandi mál á þremur mínútum. Á þeim
stutta tíma afgreiddi bæjarstjórnin níu fundargerðir. Meðal annars
mál sem innihéldu aðalskipulag Reykjavíkur 2010 til 2030 og gjaldskrá
skipulags- og byggingarfulltrúa bæjarins. Bæjarstjórnin hefur því náð
fyrra meti í skammri lengd funda.
Bæjarstjórnarfundur
á þremur mínútum
√ Bókhald og fjármál
√ Húsfélagafundir
√ Mínar síður
√ Húsbók þjónustusaga húss
√ Auk annarrar þjónustu
Húsfélagaþjónusta
Eignaumsjón leiðandi í 17 ár
www.eignaumsjon.is
FALLEGIR LEGSTEINAR
Verið velkomin
Opið: 10-17
alla virka daga
Auðbrekku 4, 200 Kópavogi, sími: 537-1029, www.bergsteinar.is