Fréttablaðið - 23.06.2016, Blaðsíða 54

„Hátíðin hefst á metnaðarfullan
hátt þegar Benedikt Kristjánsson
tenórsöngvari og Bjarni Frímann
Bjarnason píanóleikari flytja ljóða-
flokkinn Malarastúlkuna fögru eftir
Schubert. Hann er meðal stærstu
verka söngbókmenntanna og hér í
íslenskri þýðingu Daníels Á Daní-
elssonar.“ Þannig lýsir Jóhanna
Guðrún Ólafsdóttir mezzosópran
upphafi Kammertónleika – sönghá-
tíðar á Kirkjubæjarklaustri sem
hefst annað kvöld og stendur fram á
sunnudag í samkomuhúsinu Kirkju-
hvoli þar sem Guðrún Jóhanna segir
öndvegisflygil vera til staðar.
Guðrún Jóhanna hefur búið í
Madrid frá aldamótum en heldur
tryggð við Ísland, meðal annars
Klaustur, þar sem hún hefur haldið
tónlistarhátíð síðan 2006. „Ég tók
við af Eddu Erlendsdóttur sem
stofnaði hátíðina 1991 en vægi
söngtónlistar hefur aukist eftir að ég
tók við. Ég hef líka fengið tónskáld
til að semja ný verk og í ár er það
Hildigunnur Rúnarsdóttir.“
Auk Benedikts og Bjarna eru
Valgerður Guðnadóttir söngleikja-
stjarna, Hrönn Þráinsdóttir píanó-
leikari og Francisco Javier Jáuregui
gítarleikari flytjendur tónlistarinnar
með Guðrúnu Jóhönnu. Þau verða
með lög úr þekktum kvikmyndum
eins og The Shawshank Redemp-
tion og Disneymyndunum Frozen
og Litlu hafmeyjunni. Einnig ástsæl
lög úr söngleikjum og má þar nefna
Söngvaseið.
Einnig verður Þórdís Heiða
Kristjánsdóttir tónlistarkennari
með skapandi tónlistarsmiðju
fyrir tveggja til tólf ára börn. „Mér
finnst mikilvægt að börn fái að
njóta tónlistar og tækifæra til að
vera flytjendur á sviði,“ segir Guð-
rún Jóhanna og bætir við: „Ég legg
líka mikið upp úr að í dagskránni sé
litið til fortíðar og nútíðar til að gera
hátíðina aðgengilega öllum.“
Dagskrána má finna á kammer-
tonleikar.is. gun@frettabladid.is
2 3 . j ú n í 2 0 1 6 F I M M T U D A G U R42 M e n n I n G ∙ F R É T T A B L A ð I ð
TónLIsT
★★★★★
Verk eftir Takemitsu, Saariaho, Ravel
og Skúla Sverrisson á Reykjavík
Midsummer Music.
Flytjendur: Viktoria Mullova,
Víkingur Heiðar Ólafsson, Bjarni
Frímann Bjarnason, Katie Buckley,
Matthew Barley og fleiri.
norðurljós í Hörpu
fimmtudaginn 16. júní
Ég var kominn út í geim á upphafs-
tónleikum Reykjavík Midsummer
Music í Norðurljósum í Hörpu á
fimmtudagskvöldið. Nokkur verk-
anna á efnisskránni voru innblásin
af himinhvolfinu. Það lá við að fólk
lyftist úr sætum sínum og svifi um;
þannig var stemningin.
Óríon fyrir selló og píanó eftir Toru
Takemitsu var eitt af þessum verkum.
Óríon er stjörnumerki og eins og svo
oft með stjörnurnar, þá tengist því
goðsögn. Nafnið kemur úr grískri
goðafræði; Óríon var veiðimaður
sem storkaði guðunum. Það var eitt-
hvað fallega tímalaust við tónsmíð
Takemitsu. Framrás tónanna var
óræð, hljómarnir myrkir, laglínurnar
leitandi.
Matthew Barley lék einkar fallega
á sellóið, ómurinn var safaríkur og
stefin fagurlega mótuð. Píanóleikur
Bjarna Frímanns Bjarnasonar var
ekki síðri. Ásláttur hans var einstak-
lega mjúkur og hlýlegur, hver einasti
hljómur var unaðslegur áheyrnar.
Bjarni Frímann er altmuligmand,
hann spilar á píanó og fiðlu, og
stjórnar hljómsveit. Geri aðrir betur!
Önnur geim-tónsmíð var Licht-
bogen eftir finnskt samtímatónskáld,
Kaija Saariaho. Þar voru norðurljósin
tónsett, ef svo má segja. Síbreytilegir,
risavaxnir logar á endalausri ferð um
himinhvolfið birtust manni í fíngerðu
tónmálinu, sem oftar en ekki var
mjög ofarlega á tónsviðinu. Tónlistin
var bæði svört eins og geimurinn, en
líka skær og lýsandi björt inn á milli.
Hún var leikin af níu hljóðfæraleik-
urum undir stjórn Bjarna Frímanns.
Flutningurinn var nákvæmur og
agaður. Tónlistin varð þó fyrst áhrifa-
mikil þegar rafhljóð tóku að blandast
við hana. Hvílík fegurð!
Síðasta geim-verkið var Miranda
eftir Skúla Sverrisson. Það var fyrir
píanó og var frumflutt af Víkingi
Heiðari Ólafssyni á tónleikunum.
Miranda er minnsta tungl Úranusar.
Tónmálið var annarlegt, byggðist á
mínímalískum hendingum sem voru
endurteknar í sífellu en tóku smám
saman breytingum. Stemningin í
tónlistinni var heillandi, og leikur
Víkings var einkar ljúfur áheyrnar.
Fyrir utan geiminn voru tvö önnur
verk, bæði eftir Ravel, á dagskránni.
Fyrst var Introduction et allegro fyrir
hörpu og nokkur önnur hljóðfæri.
Harpan var í aðalhlutverki, þetta
var einskonar hörpukonsert. Katie
Buckley lék á hörpuna og gerði það
meistaralega. Spilamennskan var
blæbirgðarík, þétt og fókuseruð.
Í Tríói fyrir fiðlu, selló og píanó
bættist engin önnur en Viktoria
Mullova, heimsfrægur fiðluleikari, í
hóp þeirra Barleys og Víkings. Tón-
listin spannaði mjög vítt svið, allt frá
innhverfum, hugleiðslukenndum
hljómum og dreymnum laglínum
yfir í ofsafengna, ástríðuþrungna
hápunkta. Mullova var mögnuð,
leikur hennar var sérlega grípandi;
hárnákvæmur og kröftugur í senn.
Sellóleikurinn var líka pottþéttur
og píanóleikurinn aðdáunarverður;
samspilið var prýðilegt. Þetta var
magnað. Jónas Sen
nIðURsTAðA: Glæsilegir tónleikar með
snilldarlegum hljóðfæraleik og krassandi
tónlist.
Norðurljósin í Norðurljósum
„Mullova var mögnuð, leikur hennar
var sérlega grípandi; hárnákvæmur og
kröftugur í senn,“ segir í dómnum.
RÝMINGARSALA
Í DÝRARÍKINU HOLTAGÖRÐUM
ALLT Á AÐ
SELJAST
•
VERSLUNIN
HÆTTIR
Bæði klassík og nýsköpun á tónleikum á Klaustri
Söngur ljóða-, kvikmynda- og söngleikja tónlistar verður í öndvegi á Kammertónleikum austur á Klaustri um
helgina. Guðrún Jóhanna Ólafsdóttir mezzosópransöngkona er þar hæstráðandi og hefur með sér úrvalslið.
Tónlistarfólkið Guðrún Jóhanna, Hrönn Þráinsdóttir, Hildigunnur Rúnarsdóttir, Valgerður Guðnadóttir og Francisco Javier Jáuregui. FRéTTablaðið/EyÞóR