Fréttablaðið - 28.11.2015, Síða 51

Að tryggja aðgengi að hreinu vatni og bæta þannig
lífsskilyrði fólks er eitt af meginmarkmiðum Hjálpar­
starfs kirkjunnar á starfssvæðum stofnunarinnar í
Eþíópíu og Úganda.
Í Sómalífylki í Eþíópíu vinnur Hjálparstarfið með um
35 þúsund sjálfsþurftarbændum og hálfhirðingjum
sem búa við sára fátækt. Verkefnið er langstærsta
erlenda verkefni Hjálparstarfsins til þessa en það var
þróað í nánu samstarfi við íbúa og opinbera aðila á
svæðinu og hefur það skipt miklu um góðan framgang
verkefnisins og byggt upp þekkingu á staðnum.
Meginmarkmiðið er að bæta fæðuöryggi og fram­
færslu möguleika fólksins með því að auka aðgengi að
vatni, stuðla að betri ræktunaraðferðum og meiri
framleiðni. Nýjar korntegundir og bættar ræktunar­
aðferðir leiða til betri uppskeru og með þjálfun
dýraliða er heilsa búfjár miklu betri og þjónustan er
komin miklu nær fólkinu. Þá er valdefling kvenna stór
þáttur í verkefninu samfélaginu öllu til farsældar.
Einstæðar mæður fá meðal annars geitur, hænur og
búfé til að auka fæðaval fjölskyldunnar.
Í Úganda eru verkefni Hjálparstarfsins fyrst og
fremst í þágu barna sem misst hafa foreldra sína úr
alnæmi og búa ein en líka fyrir HIV­smitaða einstæða
foreldra og ömmur sem hafa börn á framfæri og búa
við sára fátækt. Í heild nær verkefnið til yfir 1.200
skjólstæðinga.
Áhersla er lögð á að bæta lífsskilyrði fólksins með því
að reisa íbúðarhús með grunnhúsbúnaði, eldaskála
með hlóðum sem spara eldsneyti og helstu áhöldum.
Reistir eru kamrar og fólkið frætt um samband
hreinlætis og smithættu og hvernig bæta má hrein­
lætis aðstöðu. Aðgangur að hreinu vatni er aukinn til
muna með því að koma upp rigningarvatnssöfnunar­
tönkum við hlið íbúðarhúsanna og með viðhaldi á
brunnum í héruðunum. Fólkið fær svo geitur og hænur
til að auka fæðuval og möguleika á tekjuöflun.
Á verkefnasvæðum Hjálparstarfsins getur það tekið allt að sex klukkustundir að ganga eftir vatni áður en brunnur er grafinn við þorpið. Paul Jeffrey / Act Alliance
Þær eru ansi skemmtilegar kveðjurnar sem fólk set­
ur á g jafabréf Hjálparstarfsins sem fást á www.
gjofsemgefur.is. Ein sem við afgreiddum nýlega hér
á skrif stofunni hófst með orðunum „Hvað gefur
maður þeim sem á allt? Jú auðvitað geit handa fá­
tækri fjölskyldu í Afríku!“ Andvirði g jafabréfa Hjálp­
arstarfsins rennur til margvíslegra verkþátta í ver­
kefnum okkar hér á Íslandi, á Indlandi, í Úganda og
Eþíópíu. Gjafabréfin endurspegla starfið og fólkið
sem fær þau að g jöf fær þannig tækifæri til að
hjálpa náunga sínum til sjálfshjálpar, það er sannar­
lega g jöf sem gleður!
Gjafabréf
fyrir fjölskyldu í Afríku.
Fyrir andvirði þessa gjafabréfs verður
fátækri fjölskyldu í Úganda eða Malaví
gefin geit. Fjölskyldurnar, þ.á m. mun­
aðarlaus börn sem búa ein, taka þátt
í þróunarverkefni með Hjálp arstarfi
kirkjunnar. Fyrst er vatns aflað og það
svo nýtt til að veita á akra, til að gera
fiskiræktartjarnir eða til að halda skepnur.
Geit gefur af sér mjólk, tað til áburðar,
afkvæmi og skinn sem ýmist má nota
heima eða selja fyrir nauðþurftum. Taðið
bætir uppskeruna, fæðan verður fjöl­
breytt ari með prótínum geita afurð anna
og heilsan batnar. Afkoman verður
öruggari en með upp skerunni einni
saman og lífsgæðin meiri.
Geit
Þetta er gert til að tryggja aðgengi að hreinu vatni
• Vatnsþrær grafnar
• Brunnar grafnir
• Söfnunartankar fyrir rigningarvatn reistir
• Vatnsnefndir heimamanna stofnaðar
• Þjálfun veitt í viðhaldi og stjórn vatnsbóla
• Fræðsla veitt um áveitu og nýtingu vatns til
fæðuöryggis
• Kamrar reistir, handþvottaaðstaða og aðstaða til
þvotta
• Fræðsla veitt um nauðsyn hreinlætis og smitleiðir
sjúkdóma
• Samvinna við heimafólk og staðaryfirvöld tryggir
sjálfbærni
Það gleður fólk sem „á allt“
að fá gjöf sem gefur!
Verkefni Hjálparstarfs kirkjunnar í Eþíópíu og Úganda
Í hnotskurn …
Það er fyrst og fremst í verkahring stúlkna að sækja vatn. Þegar brunnur er kominn við þorpið geta þær varið tíma sínum til
skólagöngu. Hjálparstarf kirkjunnar
4 – Margt smátt ...
Stór þáttur í verkefnum Hjálparstarfsins í Eþíópíu er að
efla völd og áhrif kvenna, samfélaginu öllu til far­
sældar. Að gera stúlkum kleift að sækja skóla og konum
að standa fyrir eigin atvinnurekstri og ráðstafa
t ekjum af honum bætir ekki bara lífsafkomu þeirra
heldur gerir þeim kleift að móta sér skoðanir og taka
þátt í ákvörðunum sem varða líf þeirra sjálfra og fjöl­
skyldna þeirra. Með því að efla efnahagslegt öryggi
og réttindi kvenna nýtist aðstoðin fjölskyldum og
samfélagi best.

Í upphafi árs 2014 höfðu 5% kvennanna sem verkefnið
nær til stundað atvinnu sem gaf þeim tekjur en eftir
fræðslu og lán til framkvæmda úr verkefnissjóði voru
meira en 15% kvennanna með tekjuskapandi starf­
semi um mitt ár 2015 en hátt í 200 konur fengu lán til
atvinnustarfsemi á tímabílinu.
Hvað felst í valdeflingu?
• Þjálfa konur í atvinnurekstri
• Veita fátækum konum lán til atvinnurekstrar
Árið 2014 og fyrstu 6 mánuði 2015:
• Námskeið fyrir 1258 karla og konur um valdefl­
ingu kvenna
• 15 sparnaðar­ og lánahópum kvenna komið á
laggirnar fyrir 320 konur
• 180 konur fengu örlán til að hefja eigin atvinnu­
rekstur
• 3 daga vinnustofa haldin fyrir 86 skoðanaleiðtoga
um leiðir til að afnema skaðlegar venjur eins og
limlestingar á kynfærum kvenna og að gefa
stúlkur barnungar í hjónaband
• 8 sjálfboðaliðar fengu fræðslu um hugmynda­
fræði sjálfbærni og þátttökustjórnun
Biskup Íslands, frú Agnes M. Sigurðardóttir
prédikar. Dr. Sigurður Árni Þórðarson og Unnur
Halldórsdóttir djákni þjóna fyrir altari ásamt
messuþjónum og fulltrúum Hjálparstarfs
kirkjunnar.
Mótettukór Hallgrímskirkju syngur undir stjórn
Harðar Áskelssonar. Organisti: Björn Steinar
Sólberg. Gjöfum til Hjálparstarfs kirkunnar veitt
móttaka.
Hátíðarmessa í Hallgrímskirkju
fyrsta sunnudag í aðventu, 29. nóvember kl. 11:00.
Valdefling kvenna er forsenda framfara
Meram í búðinni sinni með eiginmanni og átta af börnum
sínum ellefu. Í búðinni selur hún alls kyns varning og er með
mann í vinnu við að sauma á saumavél. Meram gat hafið
reksturinn vegna þess að hún tók þátt í verkefni
Hjálparstarfsins um valdeflingu kvenna.
„Má bjóða þér að hlaða símann?“
Meram er athafnakona sem býr á harðbýlu svæði í Sómalífyllki í Eþíópíu. Hún er eitt skýrasta dæmið um árangur af verk­
efnum Hjálparstarfs kirkjunnar í Eþíópíu. Árið 2011 tók hún þátt í sparnaðar­ og lánahópi kvenna á vegum Hjálparstarfsins
og opnaði meðal annars verslun. Þar selur hún nú ýmsan varning en líka aðgang að sólarrafhlöðu þar sem fólk getur komið
með farsíma sína og hlaðið þá fyrir greiðslu. Hún heldur fleiri en 30 geitur og var fyrsta konan á svæðinu sem keypti sér
úlfalda sem nú eru orðnir sex að tölu. Meram segist nota afraksturinn af rekstrinum til að fæða og klæða börnin sín, tryggja
þeim góða heilsu og menntun.
Eitt eða ellefu – sama hve börnin eru mörg þá eru óskir
okkar þær sömu um heilbrigði þeirra og möguleika til
menntunar. Meram og Kristín Ólafsdóttir, upplýsingafulltrúi
Hjálparstarfsins, bera saman fjölskyldustærð, heilsu og
skólagöngu barna sinna í apríl 2015. Þær eru jafnöldrur,
önnur þeirra á ellefu börn en hin eitt.
Margt smátt ... – 5