Fréttablaðið - 18.02.2020, Síða 1

— M E S T L E S N A DAG B L A Ð Á Í S L A N D I * —4 1 . T Ö L U B L A Ð 2 0 . Á R G A N G U R Þ R I Ð J U D A G U R 1 8 . F E B R Ú A R 2 0 2 0
www.hekla.is/volkswagensalur
Nýja T6.1 línan er mætt!
Komdu og skoðaðu úrvaliðAtvinnubílar
HEKLA · Laugavegur 170 · Sími 590 5000
TÆKNI Ísland kemur til greina sem
staður fyrir nýja ofurtölvu bresku
veðurstofunnar sem byggð verður
á árunum 2022 til 2032. Verður hún
átjánfalt öflugri en núverandi tölva
og langstærsta framkvæmd sem
veðurstofan hefur farið í.
Áætlaður kostnaður við verk-
efnið í heild er 1,2 milljarðar punda
eða tæpir 200 milljarðar króna
samkvæmt breskum miðlum. Sam-
kvæmt heimildum Fréttablaðsins
væri raforkuþörfin 7 MW í upphafi
en gæti síðar margfaldast. Nefndur
hefur verið 14 ára þjónustusamn-
ingur og að fyrirhugað sé að ljúka
málinu fyrir árið 2022.
Tölvan mun bæði geta reiknað út
veðurspár með betri og afmarkaðri
hætti en áður hefur verið hægt og
verður hún einnig notuð til lang-
tímarannsókna. Helsta viðfangs-
efnið er hlýnun jarðar og áhrif
hennar langt inn í framtíðina.
Hingað til hafa allar ofurtölvur
bresku veðurstofunnar verið í Bret-
landi en nú verður breyting þar á.
Slík tölva þarf mikla orku og því
er leitað að stað á Evrópska efna-
hagssvæðinu til að hýsa tölvuna
með tilliti til hreinna orkugjafa.
Samkvæmt BBC er einkum horft til
Íslands og Noregs.
Árið 2016 var ofurtölva frá
dönsku veðurstofunni tekin í gagn-
ið hér á Íslandi og eru upplýsing-
arnar samnýttar. Sú tölva þrefaldaði
reiknigetu dönsku veðurstofunnar.
Árni Snorrason, forstjóri Veður-
stofu Íslands, segir að Bretar hafi
ekki haft samband varðandi upp-
setningu ofurtölvu hér á landi.
Reynslan af notkun dönsku ofur-
tölvunnar sé mjög góð. Veðurstofan
sjái um innviðina, svo sem að afla
rafmagns, kælingu og þess háttar.
Danir sjái hins vegar um stýringuna
og keyrsluna.
„Norðurlöndin hafa verið í sam-
starfi um veðurrannsóknir um
nokkurra ára skeið og það hefur
verið víkkað út til baltnesku land-
anna og síðan Írlands og Hollands,“
segir Árni. „Næsta skref í sam-
starfinu er að Norðmenn, Svíar og
Finnar sjái um veðurreikninga fyrir
Skandinavíu og baltnesku löndin.
Svo erum við að undirbúa að keyra
veðurspár fyrir Ísland, Danmörku,
Holland og Írland. Það hefst 2023.“
Aðspurður segir Guðlaugur Þór
Þórðarson utanríkisráðherra að
utanríkisþjónustan fylgist með
málinu. „Ég hef falið sendiráði
okkar í London að fylgjast með
þeim möguleikum sem hugsanlega
geta opnast fyrir Íslendinga. Þarna
er um að ræða stórt gagnaver sem
þarf á mjög mikilli orku að halda.
Þannig getur þetta verið talsvert
tækifæri fyrir Ísland,“ segir utan-
ríkisráðherrann.
Eyjólfur Magnús Kristinsson, for-
stjóri Advania Data Centers, stað-
festir að félagið sé að skoða þátttöku
í verkefninu sem óbeinn aðili, enda
sé verkefnið af þeirri stærðargráðu
að ólíklegt sé að íslenskt fyrirtæki
gæti leitt það. „Það er of snemmt að
segja fyrir um hversu líklegt þetta
sé. Það væri frábært ef slíkt verkefni
kæmi til Íslands, en það reynir á
marga samkeppnisþætti á borð við
orkuverð, bandvídd, pólitískan vilja
og stöðugleika og fleira.“ – khg, ds
Bresk ofurtölva gæti endað á Íslandi
Breska veðurstofan áformar nýtt 200 milljarða verkefni með gríðarlegri ofurtölvu. Sökum hreinna orkugjafa er einna helst horft til
Íslands og Noregs með staðsetningu. Utanríkisráðherra Íslands segir um að ræða stórt gagnaver sem myndi þurfa mikla raforku.
Lúðrasveit verkalýðsins leiddi mótmælagöngu Eflingar úr Iðnó í Ráðhúsið í gær. Boðað er til fundar hjá ríkissáttasemjara í deilu félagsins við borgina í dag. Sjá nánar síðu 4 FRÉTTABLAÐIÐ/ANTON BRINK
Ég hef falið sendi-
ráði okkar í London
að fylgjast með þeim mögu-
leikum sem hugsanlega geta
opnast fyrir Íslendinga.
Guðlaugur Þór
Þórðarson,
utanríkisráðherra