Fréttablaðið - 18.02.2020, Page 28

EN FRAM HJÁ ÞVÍ
VERÐUR EKKI LITIÐ
AÐ ÞETTA ERU EINHVERJAR
ÁHRIFAMESTU BÆKUR ALLRA
TÍMA OG BJUGGU AÐ MIKLU
LEYTI TIL ÞESSA BÓKMENNTA-
GREIN.
Stefán Pálsson
Jean Posocco er allt í öllu hjá Froski útgáfu sem hefur um árabil verið leiðandi í útgáfu myndasagna á Íslandi. Hann hefur verið iðinn við að dusta rykið af gömlum kunn-
ingjum á borð við Viggó
viðutan, Sval og Val, Ást-
rík og Steinrík, Lukku-Láka og nú
síðast sjálfan Tinna sem var heldur
betur tekið fagnandi þegar fyrstu
eintökum nýrra þýðinga bókanna
Ferðin til tunglsins og Í myrkum
mánafjöllum var útdeilt.
„Myndasögunirðir eru auðvitað
mjög spenntir fyrir þessu framtaki
og dást að því,“ segir sagnfræðing-
urinn Stefán Pálsson sem er flestum
fróðari um þann menningarkima
sem evrópska myndasagan er.
Nördar slíta fjötra nostalgíunnar
„Sem betur fer
er enn þá til fólk
sem vill lesa
nýjar mynda­
sögur og vill
líka sjá þessar
klassísku aftur
og áfram. Þann­
ig að það er
markaður fyrir
þetta listform,“
segir Jean Pos­
occo, stofnandi
Frosks.
Myndasögumennirnir Tumi Kolbeinsson, sjálfur Stefán Pálsson, Rúnar Ingi Hannah, Magnús
Kristinsson og Gunnar Þór Sigurðsson létu sig málið eðlilega varða. FRÉTTABLAÐIÐ/ERNIR
Herra Nexus, Gísli Einarsson, eigandi mikilvægustu verslunar nörda allra
landshluta, skýtur að sjálfsögðu skjólshúsi yfir Tinna og fer hér yfir málin.
Gömlu Tinna­
bækurnar eru
eftirsóttir
safngripir fyrst
og fremst fyrir
þýðingarnar
og ljóst að þær
nýju voru
lagðar fyrir
kröfuharða
dómara á föstu­
daginn. FRÉTTA-
BLAÐIÐ/ERNIR
Þótt myglaðar marglyttur,
skemmdir skyrhákarlar og
trítil óð trampólín hefðu tekist
á loft í roki síðasta föstudags
hefði það varla dugað til þess
að halda áköfum myndasögu-
söfnurum frá Nexus, varnar-
þingi þeirra í Glæsibæ, þar sem
endurútgáfu fyrstu bókanna í
nýjum þýðingum var fagnað.
„Hergé og Tinni hafa dálítið
sömu stöðu innan fransk/belgísku
myndasögunnar og Halldór Lax-
ness í íslenskum bókmenntum.
Sumum finnst kannski nóg um allt
blætið í kringum hann og þennan
endalausa iðnað, með minjagripum,
fatnaði og glingri,“ heldur Stefán,
sem var í essinu sínu á föstudaginn,
áfram. „En fram hjá því verður ekki
litið að þetta eru einhverjar áhrifa-
mestu bækur allra tíma og bjuggu
að miklu leyti til þessa bókmennta-
grein.“
Eins og Jean hefur þegar upplýst í
samtali við Fréttablaðið var ákveðið
að láta nánast helgan texta gömlu
þýðinganna víkja fyrir nýjum sem
eru í senn nær frumtexta Hergé og
íslensku nútímamáli.
„Það eru skiptar skoðanir í hjörð-
inni um þessa ákvörðun að þýða
bækurnar upp á nýtt, en ég er sam-
mála því að það má ekki festast í
nostalgíu varðandi gömlu þýðing-
arnar. Textinn verður að geta talað
til yngri kynslóða,“ segir Stefán.
toti@frettabladid.is
Reginn hf. / 512 8900 / reginn@reginn.is / reginn.is
Dagskrá fundarins er svohljóðandi, sbr. 15. gr. samþykkta
félagsins:
1. Skýrsla stjórnar um starfsemi félagsins sl. starfsár.
2. Ársreikningur fyrir liðið starfsár ásamt skýrslu endur-
skoðanda lagður fram til staðfestingar.
3. Ákvörðun um greiðslu arðs og meðferð hagnaðar eða
taps á næstliðnu reikningsári.
4. Tillaga stjórnar um starfskjarastefnu lögð fram til
samþykktar.
5. Ákvörðun um heimild til stjórnar um kaup á eigin bréfum.
Stjórn félagsins mun óska eftir heimild fundarins til að
kaupa eigin bréf svo sem lög leyfa í þeim tilgangi að koma
á viðskiptavakt með hluti í félaginu og/eða til að setja
upp formlega endurkaupaáætlun.
6. Tillögur til breytinga á samþykktum, ef einhverjar hafa
borist.
a) Tillaga um breytingu á 4. gr. samþykkta félagsins,
lögð til lækkun hlutafjár til ógildingar á eigin hlutum.
b) Tillaga um breytingu á 23. gr. samþykkta félagsins,
lagt er til að ekki verði kjörnir varastjórnarmenn.
7. Kosning félagsstjórnar.
8. Kosning endurskoðanda.
9. Kosning nefndarmanna í tilnefningarnefnd.
10. Ákvörðun um þóknun til stjórnarmanna og nefndar-
manna undirnefnda stjórnar og tilnefningarnefndar fyrir
næsta kjörtímabil.
11. Önnur mál.
Hluthafi getur látið umboðsmann sækja hluthafafund fyrir
sína hönd. Umboðsmaður skal leggja fram skriflegt eða
rafrænt umboð og skal það dagsett. Óskað er eftir að
umboð berist tímanlega fyrir dagsetningu aðalfundar á
reginn@reginn.is og skal það vera undirritað af hluthafa
eða prókúruhafa. Einnig er fundarmanni heimilt að framvísa
umboði við mætingu á aðalfund en þá skal þess gætt að
mæta tímanlega til að hægt sé að yfirfara umboð m.t.t. gildis
þess. Umboð verða ekki afturkölluð svo gilt sé gagnvart
félaginu eftir að þeim hefur verið framvísað við afhendingu
fundargagna eða eftir setningu fundarins, hvort heldur sem
fyrr er.
Hver hluthafi á rétt á að fá ákveðið mál tekið til meðferðar
á aðalfundinum, ef hann gerir skriflega kröfu um það til
stjórnar áður en tvær vikur eru til aðalfundarins. Nánar um
heimildir hluthafa til að fá mál tekin til meðferðar á fundinum
vísast til 18. gr. samþykkta félagsins sem finna má á heimasíðu
þess, www.reginn.is/fjarfestavefur
Atkvæðagreiðslur og kosningar verða einungis skriflegar á
fundinum ef einhver atkvæðisbærra fundarmanna krefst
þess. Stjórnarkjör skal jafnan vera skriflegt, ef tillögur koma
fram um fleiri menn en kjósa skal um. Varðandi heimild
til að krefjast hlutfalls- eða margfeldiskosningar við kjör
stjórnarmanna vísast til 24. gr. samþykkta félagsins, en krafa
um það skal hafa borist stjórn félagsins minnst fimm dögum
fyrir hluthafafund. Ekki verður hægt að greiða atkvæði með
rafrænum hætti á fundinum. Nánari upplýsingar um réttindi
hluthafa er að finna á heimasíðu félagsins.
Tillögu tilnefningarnefndar um samsetningu stjórnar, og
önnur framkomin framboð, má finna á heimasíðu félagsins.
Sérstök athygli er vakin á því að samkvæmt samþykktum
félagsins ber að tilkynna um framboð til stjórnar skriflega
minnst sjö sólarhringum fyrir aðalfund, eða fyrir kl.
16:00 miðvikudaginn 4. mars 2020. Framboðum skal
skila á skrifstofu Regins hf., Hagasmára 1, Kópavogi eða
á netfangið tilnefningarnefnd@reginn.is Tilnefningarnefnd
getur breytt tillögu sinni þar til fimm dagar eru til aðalfundar.
Endanlegar upplýsingar um frambjóðendur til stjórnar verða
birtar eigi síðar en tveimur dögum fyrir aðalfund.
Þar sem kjör tilnefningarnefndar er á dagskrá fundarins
er óskað eftir framboðum í tilnefningarnefnd sem skal
skipuð að minnsta kosti þremur nefndarmönnum sem
skulu hafa nauðsynlega þekkingu og reynslu miðað við
störf nefndarinnar. Meirihluti nefndarmanna skal vera
óháður félaginu og daglegum stjórnendum þess samkvæmt
sömu reglum og gilda um óhæði stjórnarmanna, sbr. lið
2.3 í Leiðbeiningum um stjórnarhætti fyrirtækja. Þá skal
að minnsta kosti einn nefndarmaður vera óháður stórum
hluthöfum félagsins, þ.e. þeim sem ráða 10% eða meira
af heildarhlutafé eða atkvæðamagni í félaginu, einir
eða í samstarfi við aðra sbr. lið 2.3 í Leiðbeiningum um
stjórnarhætti fyrirtækja. Við framangreint mat er litið
heildstætt til beinna og óbeinna tengsla nefndarmanna.
Framboðseyðublað og nánari upplýsingar um starfssemi
tilnefningarnefndar er að finna á heimasíðu félagsins www.
reginn.is/fjarfestavefur
Sérstök athygli er vakin á að óskað er eftir tillögum um fram-
boð í tilnefningarnefnd skriflega með minnst sjö sólarhringa
fyrirvara fyrir aðalfund, eða fyrir kl. 16:00 miðvikudaginn
4. mars 2020. Skulu tilkynningar um framboð berast á
netfangið stjorn@reginn.is Upplýsingar um frambjóðendur
til tilnefningarnefndar verða birtar eigi síðar en tveimur
dögum fyrir aðalfund.
Aðalfundur er lögmætur ef löglega er til hans boðað, án
tillits til þess hversu margir sækja hann, sbr. 14. gr. samþykkta
félagsins.
Gögn vegna fundarins verða aðgengileg á skrifstofu félagsins,
Hagasmára 1, 201 Kópavogi og á vefsvæði tengdu aðalfundi á
heimasíðu félagsins, www.reginn.is/fjarfestavefur, en endan-
leg dagskrá og tillögur verða aðgengilegar a.m.k. tveimur
vikum fyrir aðalfund, sbr. 18. gr. samþykkta félagsins.
Aðalfundur félagsins verður án pappírsgagna.
Kópavogur, 17. febrúar 2020.
Stjórn Regins hf.
Stjórn Regins hf. boðar til aðalfundar félagsins í Hörpu, Björtuloftum,
miðvikudaginn 11. mars 2020 kl. 16:00.
AÐALFUNDUR
11. MARS 2020 Í HÖRPU
1 8 . F E B R Ú A R 2 0 2 0 Þ R I Ð J U D A G U R20 L Í F I Ð ∙ F R É T T A B L A Ð I Ð
LÍFIÐ