Morgunblaðið - 11.12.2019, Síða 12

AFP
Náttúruhamfarir Skyndilegt eldgos hófst á White Island í fyrradag og náði gosstrókurinn rúmlega 3,5 km hæð.
Kristján H. Johannessen
khj@mbl.is
„Þegar við komum þangað, það var
mjög átakanlegt. Þetta minnti einna
helst á Tsjernóbýl, aska lá yfir öllu
og þetta var í raun mjög yfirþyrm-
andi,“ sagði Russell Clark sjúkra-
flutningamaður í samtali við breska
ríkisútvarpið, BBC, er hann var
spurður út í aðstæður á ferðamanna-
eyjunni White Island sem finna má
undan ströndum Nýja-Sjálands.
Eldgos hófst skyndilega á eyjunni í
fyrradag á sama tíma og stór hópur
ferðamanna var staddur þar.
Síðdegis í gær greindi BBC frá því
að búið væri að staðfesta sex dauðs-
föll vegna eldgossins og eru um 30
sagðir slasaðir, flestir þeirra með al-
varleg brunasár á líkama. Óttast er
að átta til viðbótar hafi látist í ham-
förunum, en forsætisráðherra Nýja-
Sjálands hefur áður sagt um 100
manns hafa verið á og við eyjuna
þegar gosið hófst. Margir þeirra
voru farþegar af skemmtiferðaskip-
inu Ovation of the Seas. Er um að
ræða einstaklinga frá Nýja-Sjálandi,
Ástralíu, Bandaríkjunum, Þýska-
landi, Bretlandi, Kína og Malasíu.
„Ég minnist þess að hafa séð þyrlu
á eyjunni, hún var þarna þegar gosið
hófst. Þyrluspaðarnir eru nú allir
brotnir og vélin sjálf þakin ösku.
Þetta var í raun mjög sláandi upp-
lifun en við reynum bara að setja það
til hliðar og halda áfram með okkar
verkefni,“ bætti Clark við, en hann
var í hópi þeirra björgunarmanna
sem sendir voru á eyjuna í gær til að
leita að eftirlifendum.
Brunasár víða um líkamann
Fréttavefur breska ríkisútvarps-
ins greinir frá því að flestir hinna
slösuðu séu með brunasár á yfir 30%
líkamans. Margir eru sagðir hafa
orðið fyrir alvarlegum brunasárum á
öndunarvegi.
Enn var í gær óttast um afdrif átta
einstaklinga sem enn voru taldir á
eyjunni. Lögreglan telur víst að þeir
séu látnir og að jarðneskar leifar
þeirra séu grafnar undir ösku. Ekki
er vitað hvort og hvenær hægt verð-
ur að endurheimta líkin.
Eyjan sögð vera eins og Tsjernóbýl
 Einn þeirra björgunarmanna sem leituðu eftirlifenda á White Island sagði ástandið þar yfirþyrmandi
 Hinir slösuðu eru með brunasár víða um líkamann  Enn er óttast um afdrif nokkurra ferðamanna
12 FRÉTTIRErlent
MORGUNBLAÐIÐ MIÐVIKUDAGUR 11. DESEMBER 2019
Þú finnur fallegar og
vandaðar jólagjafir
hjá Eirvík
Eirvík Suðurlandsbraut 20, Reykjavík, sími 588 0200, eirvik.is.
Opnunartími mánudaga - föstudaga 10-18, laugardaga 11-15
Kristján H. Johannessen
khj@mbl.is
Björgunarmenn hófu í gær leit að
herflutningaflugvél flughers Síle
sem hvarf af ratsjám á leið sinni til
herflugvallar á Suðurskautsland-
inu, en þangað átti að fljúga vélinni
frá Chabunco-herstöðinni í Punta
Arenas. Um borð í flugvélinni voru
38 manns, 17 manna áhöfn og 21
farþegi, að því er fram kemur á vef
breska ríkisútvarpsins, BBC. Til-
gangur ferðarinnar var að sinna
viðhaldsvinnu á eldsneytisleiðslu.
Herflutningavélin, sem er af
gerðinni Lockheed C-130H Hercu-
les, tók á loft laust fyrir klukkan 17
að staðartíma og hvarf hún af rat-
sjám klukkan 18.13. Ekki er vitað
til þess að flugmenn vélarinnar
hafi sent út neyðarkall. BBC grein-
ir frá því að flugmennirnir séu afar
reyndir að allt bendi til þess að
þeir hafi neyðst til að nauðlenda
vél sinni einhvers staðar á Suður-
Íshafi, mitt á milli syðsta odda
Suður-Ameríku og Suðurskauts-
landsins. Hvað olli því er þó ekki
vitað á þessari stundu.
Hópurinn sem um borð var í
flugvélinni er blanda af hermönn-
um og óbreyttum borgurum. Þrír
farþeganna eru hermenn frá Síle,
tveir eru starfsmenn verktakafyr-
irtækis, einn er háskólastúdent og
hinir 15 eru á vegum flughersins.
Þá eru einnig, sem fyrr segir, 17 í
áhöfn vélarinnar. Um miðjan dag í
gær var enn unnið að því að setja
sig í samband við ættingja þessa
fólks.
Leitað á erfiðu svæði
Alls héldu átta flugvélar og fjög-
ur skip til leitar í gær. Leitarsvæð-
ið er stórt og erfitt, að sögn BBC,
en hafsvæði þetta er þekkt fyrir
krefjandi veðuraðstæður. Þegar
vélin hvarf af ratsjám var veður
aftur á móti stillt. Leit hafði seinni
partinn í gær ekki skilað neinum
árangri.
Flugvél með 38
innanborðs hvarf
 Endaði sennilega í Suður-Íshafi
Leitað Hercules-flugvél frá Síle.
Ljósmynd/Wikipedia
„Ég veiti þessum verðlaunum við-
töku fyrir hönd íbúa Eþíópíu og
Eritreu, einkum og sér í lagi þeirra
sem fórnuðu öllu í nafni friðar,“
sagði Abiy Ahmed Alí, forsætisráð-
herra Eþíópíu, er hann tók á móti
friðarverðlaunum Nóbels í Ráðhúsi
Ósló í Noregi í gærmorgun.
Sagðist hann í ræðu sinni með
eigin augum hafa horft á ljótleika
styrjaldar og vísaði þar til stríðs-
átaka sem hann sjálfur tók þátt í ár-
ið 1998, þá tvítugur. „Þeir eru til
sem hafa aldrei séð stríð og upp-
hefja það og dásama. Þeir hinir
sömu hafa ekki séð óttann, þeir
hafa ekki séð örmögnunina, þeir
hafa ekki séð eyðilegginguna og
sorgina,“ sagði hann í ræðu sinni. AFP
Dásami
ekki
stríðsátök
Demókratar á
Bandaríkjaþingi
hafa birt ákærur
á hendur Donald
Trump Banda-
ríkjaforseta til
embættismissis.
Er hann sakaður
um að misnota
vald sitt og að
hindra framgang rannsóknar
þingsins á því hvernig hann beitti
sér til að setja þrýsting á stjórnvöld
í Úkraínu í þeim tilgangi að ráðast
á pólitískan andstæðing í komandi
forsetakosningum á næsta ári.
Búist er við að fulltrúadeild
Bandaríkjaþings muni greiða at-
kvæði um málið í næstu viku. Verði
ákæran samþykkt verður Trump
þriðji forsetinn í sögu Bandaríkj-
anna sem ákærður verður fyrir
brot í embætti og þarf þá að svara
til saka fyrir öldungadeild.
BANDARÍKIN
Ákæra Trump fyrir
misnotkun á valdi
Donald Trump