Fréttablaðið - 30.12.2002, Side 2
2 30. desember 2002 MÁNUDAGUR
SJÁVARÚTVEGUR „Það er
staðreynd að það er ekki
hægt að gera kvótalausu
bátana út. Það er ekki
hægt að kaupa kvóta og
fara síðan eftir kjara-
samningum,“ segir Helgi
Laxdal, formaður Vél-
stjórafélags Íslands. Á
aðalfundi félagsins um
helgina var skorað á
stjórnvöld að stöðva
framsal til kvótalausra og
kvótalítilla útgerða.
Helgi segir reksturinn
koma niður á þeim sjó-
mönnum sem vinna hjá út-
gerðunum. „Þessi fyrir-
tæki eru að fara á höfuðið og gera
ekki upp við mannskapinn. Svo
sprettur þetta upp aftur undir
nýrri kennitölu, hringur-
inn byrjar aftur og allir
tapa,“ segir Helgi. „Það
er töluvert af innheimtu-
málum hjá okkar lög-
mönnum vegna þessa. En
þessum skipum er að
fækka ört til allrar guðs
lukku.“
Sjómannasamtökin og
LÍÚ hafa lagt til við
stjórnvöld að útgerðir
geti ekki leigt til sín meiri
kvóta en sem nemur því
sem þær eiga fyrir. Helgi
segir að þó ekki hafi verið
pólitískur vilji fyrir hendi
til að hrinda þessu í fram-
kvæmd sé full ástæða til að halda
umræðunni áfram og þrýsta á um
úrbætur. ■
Vélstjórafélag Íslands:
Vill kvótalausu
útgerðirnar feigar
HELGI LAXDAL
Segir kvótalitlu og
kvótalausu útgerðirnar
standa ekki undir sér.
Þær skaði sjómennina
og þjóðfélagið.
Í MIÐBORG STOKKHÓLMS
Björn Philblad lögreglumaður ræðir við
blaðamenn. Gíslatökumaðurinn var með
gervibyssu og sprengjubelti, sem innihélt
engar sprengjur.
Gíslataka í Stokkhólmi:
Tvær
konur teknar
í gíslingu
STOKKHÓLMUR, AP Rússneskumæl-
andi maður tók á laugardagskvöld-
ið tvær konur í gíslingu á aðallest-
arstöðinni í Stokkhólmi. Hann hélt
því fram að hann væri með
sprengjur innanklæða.
Lögreglan handtók manninn í
gær. Kom þá í ljós að hann var ekki
með neinar sprengjur. Hann var
einnig með gervibyssu.
Konurnar tvær voru að vinna í
gjaldeyrisverslun á járnbrautar-
stöðinni seint á laugardagskvöld
þegar maðurinn tók þær í gíslingu.
Lögreglan segir að hann hafi gert
misheppnaða ránstilraun áður en
hann tók konurnar í gíslingu. ■
AP
/M
YN
D
ÁRAMÓT Gert er ráð fyrir að veður
verði aðgerðalítið yfir áramótin og
með hentugra móti til útiveru og
flugeldaskota.
Veðurstofan spáir að á gamlárs-
dag verði fremur hæg austlæg
gola víða um land. Við suður-
ströndina verður vindhraði þó öllu
meiri, eða 8-13 metrar á sekúndu.
Skýjað verður með köflum og
þurrt að mestu norðan heiða en
víða lítilsháttar súld eða rigning
sunnanlands og austan. Fyrir norð-
an verður frost á bilinu 0 til 7 stig.
Annars staðar verður hins vegar 0
til 6 stigi hiti.
Á nýársdag kólnar og frost
verður 1 til 10 stig inn til landsins.
Búast má við éljum á Austurlandi
og á Suðausturlandi en björtu
veðri í öðrum landshlutum. Vindur
verður áfram hægur af austri.
Spáð er sama veðri 2. janúar.
Næstu dagana þar á eftir verð-
ur vindur úr breytilegum áttum
eða suðaustri. Él verða við strönd-
ina sunnanlands en víða bjart veð-
ur annars staðar. ■
Áramótaveður:
Golu spáð á
gamlárskvöld
AUSTURVÖLLUR
Á annan í jólum minnti Austurvöllur í
Reykjavík meira á 17. júní en jólahald.
Óslóartréð bjargaði þó jólastemningunni
fyrir horn.
VIÐ RÚSTIR BRYGGJUNNAR
Lögreglan þurfti að bægja fólki frá strönd-
inni vegna þess að margir reyndu að ná
sér í minjagripi úr braki bryggjunnar.
Sögufræg skemmti-
bryggja í Brighton:
Hrundi
í hafið
BRIGHTON, AP Miðhluti sögufrægrar
bryggju í Brighton á Englandi hrun-
di í sjóinn í gær. Ekkert manntjón
varð.
Vesturbryggjan í Brighton er
135 ára gömul. Þangað flykktust
Bretar á frídögum til þess að njóta
afþreyingar. Á bryggjunni var hægt
að fara í gönguferðir, kaupa sér ís
og gjafavörur og setjast inn á
skemmtistaði þar sem voru haldnir
tónleikar.
Vinsældir slíkra mannvirkja
voru í hámarki á fyrri hluta tuttug-
ustu aldar. Þá voru um hundrað slík-
ar bryggjur í Bretlandi. Um helm-
ingur þeirra stendur enn uppi.
Viðhald bryggjunnar hafði verið
vanrækt árum saman. Nýverið var
þó hafist handa við að endurgera
bryggjuna, og átti viðgerðin að
kosta milljónir punda. ■
Bjarni Guðmundsson er framkvæmdastjóri Ríkis-
sjónvarpsins, sem framleiðir og sýnir samviskusam-
lega hið ómissandi Áramótaskaup á hverju
gamlárskvöldi. Sú hefð að endursýna skaupið ekki
verður ekki rofin í ár.
Í gegnum árin hefur þetta verið svona.
Á þessu kvöldi eru áhorfendur í öðrum
stellingum og höfundar skaupsins leyfa
sér að ganga lengra í gríninu en aðra
daga. Þess utan fylgir endursýningum
nokkur kostnaður. Vera kann að við breyt-
um þessu enda er þróunin almennt sú að
fjölga endursýningum, eins og gert er með
Spaugstofuna og annað efni.
SPURNING DAGSINS
Af hverju er Áramótaskaupið
ekki endursýnt?
FR
ÉT
TA
B
LA
Ð
IÐ
/R
Ó
B
ER
T
SPRENGJUVARGUR Í BÚSTAÐA-
HVERFI Lögregla grunar ungan pilt
um að hafa í fyrrakvöld sprengt
heimatilbúna sprengju sem hann
hafði komið fyrir við spennikassa
Orkuveitunnar í Ásgarði. Skammt
frá, í Giljalandi, sprakk önnur
sprengja á svipuðum tíma.
Gestir á sveitaballi í
Víðihlíð í fjöldaslagsmál-
um og leðjuslag:
Heim á nær-
buxunum
LÖGREGLA Mikil fjöldaslagsmál
brutust út eftir dansleik hljóm-
sveitarinnar Papa í Víðihlíð á
föstudagskvöld.
Að sögn lögreglu tóku tugir
manna þátt í átökunum, sem
hófust um nóttina fyrir utan sam-
komuhúsið en enduðu í allsherjar
drullubaði í nærliggjandi skurði.
„Við höfðum ekki undan að
reyna að stía mönnum í sundur.
En slagsmálin leystust upp fyrir
rest því þeim var kalt þegar þeir
voru orðnir blautir og drullugir í
frostinu. Menn voru ekki stórsár-
ir á eftir og það hefur engin kæra
verið lögð fram. Þetta var meira
hnoð og ekki mikið um fólsku,“
segir lögreglumaður á Blönduósi.
Lögreglumaðurinn segir ekki
hafa verið um tvær ákveðnar
fylkingar að ræða. „Þetta var ein-
faldlega gamall ágreiningur og
nýr milli manna sem braust svona
út,“ segir hann.
Nokkrum aðalhetjum úr slags-
málunum, sem áttu pantaða sæta-
ferð heim, var settur stóllinn fyr-
ir dyrnar af rútubílstjóranum.
„Hann neitaði að taka upp nokkra
slagsmálaseggina af því þeir voru
svo drullugir. Þeir urðu að gera
svo vel að hátta sig og fara á nær-
buxunum í rútuna með óhreinu
fötin sín í poka,“ segir lögreglu-
maðurinn. ■
Svartsýni í þýsku
efnahagslífi
Schröder kanslari gagnrýndur fyrir efnahagsstefnu sína.
Opinberir starfsmenn boða allsherjarverkfall. Verðhækkanir hafa
orðið með evrunni.
ÞÝSKALAND Ráðamenn í þýsku
efnahagslífi eru svartsýnir á
horfur næsta árs. Þeim þykir
efnahagsstefna ríkisstjórnarinn-
ar ekki vænleg til þess að ráða
bót á vandanum.
Þetta kom fram í skoðana-
könnun sem gerð var meðal sam-
taka í þýsku viðskiptalífi. Átján
þeirra 44 samtaka sem spurð
voru sögðust reikna með sam-
drætti á næsta ári. Nítján búast
við óbreyttu ástandi en aðeins sjö
reikna með batnandi hag.
Svartsýni á efnahagshorfurn-
ar í Þýskalandi hefur ekki verið
jafn mikil í áratug.
Meðal annars er því um kennt
að á árinu hafa atvinnurekendur
gert dýra kjarasamninga við
launafólk í mörgum greinum. Nú
strax eftir áramótin eiga svo að
hefjast fyrir alvöru samningavið-
ræður við opinbera starfsmenn,
sem hóta allsherjarverkfalli ef
samningar takast ekki.
Verkföll eru sjaldgæf í Þýska-
landi. Opinberir starfsmenn þar
hafa ekki farið í allsherjarverk-
fall frá því árið 1992. Þetta árið
hafa hins vegar samningaviðræð-
ur gengið hægt, bæði vegna þess
að hagur fyrirtækja hefur ekki
batnað mikið og vegna þess að
launafólk hefur verið staðráðið í
að bæta sér upp núna hve launa-
hækkanir hafa verið litlar undan-
farin ár.
Öll spjót standa á Gerhard
Schröder kanslara, sem þykir
ekki hafa staðið við loforð sín um
að bæta efnahagsástandið.
Í viðtali sem birtist á föstu-
daginn gagnrýndi Helmut Kohl,
fyrrverandi kanslari Þýskalands,
stefnu Schröders harðlega. Kohl
sagði Schröder einnig hafa skað-
að ímynd Þýskalands erlendis,
ekki síst með loforðum sínum um
að Þýskaland ætli ekki að taka
þátt í stríði Bandaríkjanna gegn
Írak.
Almenningur í Þýskalandi er
enn fremur sannfærður um að
dýrtíð hafi aukist eftir að nýr
gjaldmiðill, evran, var tekinn upp.
Wim Duisenberg, seðlabanka-
stjóri Evrópusambandsins, við-
urkenndi þetta í viðtali við belg-
íska dagblaðið De Financieel-
Economische Tijd.
Duisenberg segir þar að „viss-
ar verðhækkanir“ hafi orðið í
kjölfar þess að evran var inn-
leidd. Hann og aðrir ráðamenn í
Evrópusambandinu hafi hins
vegar verið tregir til að horfast í
augu við það.
„Við hefðum einfaldlega átt að
vera heiðarlegri,“ sagði Duisen-
berg. ■
KANSLARINN LÍTUR Á KLUKKUNA
Gerhard Schröder, kanslari Þýskalands, þykir ekki hafa staðið sig vel í efnahagsmálum. Al-
menn svartsýni ríkir á efnahagshorfurnar þar í landi.
AP
/M
AR
KU
S
SC
H
R
EI
B
ER
LÖGREGLUFRÉTTIR
40 manna innbrot:
Gleðskapur
á Höfn
LÖGREGLUMÁL Um fjörutíu manns
gerðu sér lítið fyrir eftir dansleik
aðfaranótt sunnudags á Höfn í
Hornafirði og brutust inn í hús
framsóknarmanna og héldu þar
gleðskap. Lögreglan stöðvaði
teitið um kl. 5 um nóttina og var
húsið illa farið eftir lætin. Tveir
góðkunningjar lögreglunnar voru
handteknir fyrir skemmdarverk
eftir að húsið var rýmt og látnir
gista í fangageymslunni til há-
degis. Þeir höfðu skemmt bíl,
kastað blómapottum og eyðilagt
jólaskreytingu við Vélsmiðju
Hornafjarðar. ■