Fréttablaðið - 03.01.2020, Blaðsíða 4

1 Ísland á lista yfir verstu löndin til að heimsækja 2020
Breska blaðið The Independent
ráðleggur lesendum að sleppa
Íslandsheimsóknum á árinu.
2 Hafnar því að hafa rofið þagnarskyldu í máli Krist-
jáns Réttargæslumaður í máli
Kristjáns Gunnars Valdimars-
sonar hafnar því að hafa brotið
gegn starfsskyldum sínum.
3 Spyrja hvort útgerðarmenn séu kjánar Sjómannafélag Ís-
lands og Vélstjórafélag Grindavík-
ur vilja rannsókn á mismunandi
makrílverði hér og í Noregi.
Allar nýjustu fréttir og blað
dagsins eru fáanleg á
www.frettabladid.is SKIPULAGSMÁL Úrskurðarnefnd
umhverfis- og auðlindamála hafnar
kröfu húseigenda í Grandagarði um
að fella úr gildi leyfi fyrir neyðar-
skýli í Grandagarði 1a.
Byggingarfulltrúinn í Reykjavík
gaf út í apríl á nýliðnu ári leyfi til að
innrétta Grandagarð 1a sem neyðar-
skýli fyrir skjólstæðinga velferðar-
sviðs borgarinnar. Eigendur Granda-
garðs 1b, 3, 5, 7, 9, 11 og 13 kærðu í
maí þá ákvörðun sem fól í sér leyfi til
að innrétta neyðarskýli fyrir heim-
ilislausa vímuefnaneytendur.
Í umfjöllun úrskurðarnefndar
umhverfis- og auðlindmála segir
að kærendurnir hafni því að land-
notkunin „samfélagsþjónusta“ sé
almennt heimil á miðsvæðum og
þjónustusvæðum. „Jafnvel þótt um
væri að ræða samfélagsþjónustu
sé óumdeilanlegt að þjónustan
felist meðal annars í því að bjóða
þjónustuþegum gistiaðstöðu sem
sé óheimil á svæðinu samkvæmt
skipulagsskilmálum.“
Kærendurnir vísa til dóms Hér-
aðsdóms Reykjavíkur frá 30. maí
2018 um hvort nota mætti húsnæði
í Bíldshöfða 18 sem gistiskýli fyrir
hælisleitendur. Héraðsdómur hafi
talið að starfræksla gistiskýlis væri
í „andstöðu við þau sjónarmið um
starfsemi á svæðinu sem mælt er
fyrir um í aðalskipulagi og deili-
skipulagi“, er vitnað til röksemda
kærendanna. „Sömu sjónarmið
eigi við fullum fetum í máli þessu
enda séu málsatvik sambærileg að
öllu leyti.“
Þá telji kærendurnir að gistiskýli
samræmist ekki starfsemi í sömu
byggingu að Grandagarði 1. Þar
sé björgunarsveitin Ársæll og þar
fari fram ein stærsta f lugeldasala
landsins. „Augljóst sé að slíkur
rekstur fari ekki saman við rekstur
gistiskýlis í samliggjandi húsnæði,“
er vitnað til kærendanna sem vísa
aftur til dómsins vegna gistiskýlis
að Bíldshöfða 18 þar sem sambæri-
legar aðstæður hafi verið.
Fasteignaeigendurnir segi enn
fremur að „ekki hafi verið rann-
sakað hvaða óæskilegu áhrif fyrir-
huguð starfsemi muni koma til með
að hafa á rekstraraðila og eigendur
fasteigna á svæðinu, meðal annars
vegna fyrirsjáanlegra truf lana og
verðrýrnunar sem hljótast muni af
starfseminni.“
Í málsrökum borgarinnar segir að
á umræddu svæði sé heimilt að vera
með leyfi fyrir þjónustustarfsemi og
sé neyðarskýlið skilgreint sem slík,
það er sem samfélagsþjónusta. Ekki
sé um að ræða gistiþjónustu heldur
úrræði á vegum velferðarsviðs
Reykjavíkurborgar til aðstoðar
skjólstæðingum þeirra. Umsóknin
hafi ítrekað farið til umsagnar for-
varnardeildar slökkviliðsins.
Úrskurðarnefndin segir að á
svæðinu sé gert ráð fyrir hafnsæk-
inni starfsemi og starfsemi sem
almennt falli undir skilgreiningu
athafnasvæða. Fjölbreyttari land-
notkun sé þó heimil við Fiskislóð og
Grandagarð. Samfélagsþjónusta sé
skilgreind í ákvæði skipulagsreglu-
gerðar og falli neyðarskýli fyrir
heimilislausa vímuefnaneytendur
undir það.
Einnig segir úrskurðarnefndin að
forvarnardeild slökkviliðsins hafi
samþykkt gistiskýlið. Ekki hafi
verið gerðar athugasemdir við starf-
semina þó að flugeldasala færi fram
í húsinu. gar@frettabladid.is
Kröfu um að ógilda leyfi fyrir
neyðarskýli á Granda hafnað
Ekki var orðið við kröfu eigenda Grandagarðs 1b til 13 um að fella úr gildi leyfi byggingarfulltúa vegna
neyðarskýlis fyrir heimilislausa vímuefnaneytendur í Grandagarði 1a. Eigendur fasteignanna kveðast
óttast að truflanir verði á starfsemi og verðrýrnun vegna neyðarskýlisins sem opnað var 13. nóvember.
Björgunarsveitin Ársæll er næst neyðarskýlinu sem er í Grandagarði 1a þar sem rauði bílinn er. FRÉTTABLAÐIÐ/ERNIR
VELDU GÆÐI!
PREN
TU
N
.IS
................................................
mánudaga-föstudaga 7.30 -17.30
laugardaga 8.00 -16.00
sunnudaga 9.00 -16.00
Austurströnd 14 • Hringbraut 35
....................................................Sími: 561 1433
www.bjornsbakari.is
PREN
TU
N
.IS
3 TEGUNDIR AF SÚRDEIGSBRAUÐUM
LÖGREGLUMÁL Saga Ýrr Jónsdóttir
og Leifur Runólfsson, réttargæslu-
menn meintra brotaþola Kristjáns
Gunnars Valdimarssonar, hafna
því að hafa brotið í bága við starfs-
skyldur sínar með ummælum sínum
um málið í fjölmiðlum.
Í yfirlýsingu sem Saga Ýrr sendi
fjölmiðlum í gær segist hún standa
við gagnrýni sína á vinnubrögð
lögreglunnar í málinu. Hún segir
að með ummælum sínum þar að
lútandi hafi hún hvorki brotið
þagnarskyldu né starfsskyldur sínar
að öðru leyti.
Þagnarskylda hvílir bæði á rétt-
argæslumönnum og verjendum
máls um það sem fer milli þeirra og
skjólstæðinga þeirra og annað sem
leynt á að fara og ekki er á almanna-
vitorði. Þegar Saga og Leifur veittu
umrædd viðtöl var sakborningur-
inn í málinu í gæsluvarðhaldi á
grundvelli rannsóknarhagsmuna og
því ljóst að rannsókn málsins var, að
mati lögreglu, á viðkvæmu stigi.
Lögreglan á höfuðborgarsvæðinu
vildi ekki staðfesta við Fréttablaðið
að komið hefði til álita að krefjast
þess að réttargæslumennirnir yrðu
leystir frá störfum vegna ummæla
sinna um málið eins og heimildir
blaðsins herma.
Yfirlýsing Sögu Ýrar var birt í heild
sinni á frettabladid.is í gær. – aá
Hafna því að hafa brotið þagnarskyldu
Saga Ýrr Jónsdóttir stendur við gagnrýni sína á vinnubrögð lögreglu.
Neyðarskýlið var opnað
13. nóvember og rúmar 15
manns.
STJÓRNMÁL Sjálfstæðisf lokkur-
inn mælist langstærstur f lokka á
Alþingi í nýjum Þjóðarpúlsi Gal-
lup. Flokkurinn er nú með 22,7 pró-
senta fylgi sem er einu prósentustigi
meira en fyrir mánuði.
Samfylkingin er næststærst
með 13,9 prósent og tapar tæpum
tveimur prósentustigum frá síðustu
könnun. Í könnun sem Maskína
gerði fyrir Stöð 2 og birtist á gaml-
ársdag var Samfylkingin hins vegar
stærsti f lokkurinn með 19 prósenta
fylgi en Sjálfstæðisflokkurinn kom
næstur með 17,6 prósent.
Miðf lokkurinn mælist nú með
12,7 prósent hjá Gallup sem er
örlitlu minna en síðast og Viðreisn
með 12 prósent sem er aukning upp
á rúmt prósentustig. Píratar bæta
sömuleiðis við sig einu prósentu-
stigi og mælast nú með 11,3 prósent.
Vinstri græn tapa hins vegar
tæpum þremur prósentustigum
milli kannana og eru nú með 10,7
prósent. Framsóknarf lokkurinn
bætir við sig tæpu prósentustigi
og er með 8,6 prósent og Flokkur
fólksins mælist með 4,3 prósent en
var með 3,9 prósent síðast. – sar
Sjálfstæðisflokkurinn langstærstur hjá Gallup
Vinstri græn og Samfylkingin tapa
fylgi. FRÉTTABLAÐIÐ/ANTON BRINK
Sjálfstæðisflokkurinn
mælist nú með 22,7 prósent
en Samfylkingin 13,9
prósent.
Guðrún Ögmundsdóttir lést á
gamlársdag. FRÉTTABLAÐIÐ/GVA
STJÓRNMÁL Samherjar og sam-
starfsmenn Guðrúnar Ögmunds-
dóttur hafa síðustu daga minnst
hennar á samfélagsmiðlum. Guðrún
sem sat á Alþingi fyrir Samfylking-
una og í borgarstjórn fyrir R-listann
lést á gamlársdag eftir baráttu við
krabbamein.
Katrín Jakobsdóttir forsætisráð-
herra segir Guðrúnu hafa verið einn
þeirra stjórnmálamanna sem njóta
virðingar þvert á f lokka og hafa átt
vini í ólíkum kimum samfélagsins.
Þá minnist Dagur B. Eggertsson
borgarstjóri hennar sem baráttu-
konu sem rutt hafi brautina á ótal
sviðum og skilið eftir sig djúp spor í
samfélaginu.
Guðrún hlaut meðal annars ridd-
arakross hinnar íslensku fálkaorðu
17. júní í fyrra fyrir framlag sitt í
þágu mannúðar og baráttu hinsegin
fólks. – sar
Margir minnast
Guðrúnar
3 . J A N Ú A R 2 0 2 0 F Ö S T U D A G U R4 F R É T T I R ∙ F R É T T A B L A Ð I Ð