Fréttablaðið - 20.12.2019, Side 28

Sandra Guðrún
Guðmundsdóttir
sandragudrun@frettabladid.is
Ég hef alltaf miklað það fyrir mér að baka sörur. Einhvern veginn hélt ég að það væri
svo rosalega flókið og tímafrekt
að ég hef ekki nennt því,“ skrifar
Unnur Karen á bloggsíðuna. En
niðurstaðan var sú að sörubakstur
er svolítið föndur en alls ekki f lók-
inn. Uppskriftin dugar í 80-100
litlar sörur eða 50-60 stærri.
Sörur
Tími: 1,5-2 klst. með smá bið á
meðan þær eru kældar áður en þær
eru hjúpaðar með súkkulaði
Ofnhiti: 180°C
Botnar
250 g möndluflögur eða hakk-
aðar möndlur
225 g flórsykur
4 eggjahvítur
Setjið möndlurnar og f lórsykur-
inn í matvinnsluvél og keyrið
þetta í smá stund. Ef maður vill
finna meira fyrir möndlunum er
í góðu lagi að nota bara hakkaðar
möndlur eins og þær eru beint úr
pokanum.
Setjið eggjahvíturnar í tandur-
hreina skál og þeytið þangað til
hægt er að hvolfa skálinni án þess
að þær renni úr. Best er að hafa
eggin við stofuhita til að þetta
heppnist sem best. Blandið f lór-
sykrinum og möndlunum varlega
út í eggjahvíturnar. Best er að
nota bara sleif eða álíka til að
hræra. Ekki hræra of mikið, það
er nóg að þetta sé bara blandað
saman.
Setjið bökunarpappír á ofn-
plötur og notið teskeið til að
setja deigið á plöturnar. Ef þið
viljið ekki mjög stórar sörur þarf
að passa að setja lítið deig. Það
stækkar aðeins í ofninum þannig
það þarf að passa að hafa nóg bil
á milli.
Þetta er svo bakað í 10-14 mín.
við 180°C eða þangað til kök-
urnar eru hæfilega stökkar. Það
er best að prófa fyrst eina plötu
til að ákvarða tímann endan-
lega, en hann ræðst af stærðinni
og því hversu mjúkar/stökkar
þær eiga að vera. Látið kökurnar
kólna áður en þið takið þær af
plötunum.
Sörur – skref fyrir skref
Sörur eru í uppáhaldi hjá mjög mörgum en fólk miklar oft fyrir sér að búa þær til. Á
bloggsíðunni unnurkaren.com er að finna uppskrift þar sem ferlinu er lýst skref fyrir skref.
Gott er að geyma sörur í boxi inni í ískáp eða frysti og taka þær út rétt áður en á að borða þær.
Stífþeytið eggjahvítur. Notið teskeið til að setja deigið á plöturnar.
Bakið þar til botninn er hæfilega stökkur. Þeytið eggja- og smjörblönduna vel.
Setjið kremið á botnana þegar þeir eru orðnir kaldir.
Krem
4 eggjarauður
80 ml síróp
250 g smjör – mjúkt
2 tsk. skyndikaffi
1 msk. heitt vatn
2 msk. kakó
Byrjið á því að leysa kaffið upp í
matskeið af heitu vatni. Látið þetta
standa og kólna á meðan þið klárið
að blanda saman hinum hráefn-
unum. Þeytið eggjarauðurnar vel.
Hellið sírópinu út í í mjórri bunu á
meðan þið haldið áfram að þeyta
rauðurnar. Þeytið þetta svo vel
þannig að það verði mjög ljóst og
létt.
Passið að smjörið sé mjúkt (t.d.
hægt að hita það örstutt í örbylgj-
unni) og hrærið það svo saman
við eggjablönduna. Bætið svo
kakói og kaffi út í eggja- og smjör-
blönduna og þeytið vel þangað
til þetta er orðið ljóst og mjúkt.
Einstaka sinnum getur þetta skilið
sig aðeins, en þá er ekkert mál að
hræra bara áfram því það verður
fínt á endanum. Ef þetta er of lint
til að smyrja á botnana er hægt að
kæla það aðeins áður.
Þegar botnarnir eru kaldir er
kremið sett á f lötu hliðina á þeim.
Best er að nota skeið til þess að gera
það, en þá er auðveldara að setja
kremið á þannig að sörurnar verði
kúptar að ofan. Þegar búið er að
setja krem á alla botnana eru þeir
kældir í ísskáp eða frysti þangað til
kremið hefur stífnað vel, oftast nóg
að kæla bara í 10-20 mín.
Að lokum er súkkulaðihjúpur-
inn bræddur yfir vatnsbaði eða
í örbylgjunni (passa bara að það
brenni ekki). Kremhlutanum er
svo dýft í súkkulaðið þannig að
kremið sé alveg falið. Best er að láta
súkkulaðið stífna alveg og geyma
kökurnar svo í boxi inni í ísskáp
eða frysti og taka þær bara út rétt
áður en það á að borða þær.
Hjúpur
300 g dökkur súkkulaðihjúpur
Skartgripur með táknræna merkingu, seldur til
styrktar blindum og sjónskertum á Íslandi.
Íslenskt handverk. Fæst um land allt.
Þríkrossinn
Stuðningur til sjálfstæðis
STJÓRNANDI & KYNNIR:
Sigurður Flosason
Björgvin Franz Gíslason KK Stína Ágústsdóttir
NÝÁRSTÓNLEIKAR 5. JANÚAR ELDBORG
10 KYNNINGARBLAÐ FÓLK 2 0 . D E S E M B E R 2 0 1 9 F Ö S T U DAG U R