Skessuhorn - 24.04.2019, Qupperneq 4

MIÐVIKUDAGUR 24. APRÍL 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Gleðilegt sumar!
Nú er lokið lengsta samfellda frítímabili ársins, páskunum. Helgustu
hátíð kristinna manna. Hvort sem fólk er strangtrúað eða hundheiðið
þiggja allir sem kost hafa á að nýta þessa fimm samfelldu frídaga til að
brjóta upp hversdaginn, hver með sínum hætti. Sumir kjósa að ferðast
innanlands eða utan, aðrir njóta þess að vera heima hjá sér, stunda áhuga-
málin, en svo er einnig dágóður hópur sem mætir til vinnu þrátt fyrir
rauðmerktu dagana á almanakinu. Vaktavinnu- og heilbrigðisstarfsfólk,
bændur, hópferðabílstjórar og jafnvel verslunarfólk þarf að standa vakt-
ina. Hér eru vissulega þúsundir ferðamanna og það einfaldlega geng-
ur ekki lengur upp að allt sé lokað. Því er búið með að hægt sé að virða
hina takmarkalausu helgi sem trúin sagði okkur að ætti að gera. Jafnvel
er væntanlegt sérstakt frumvarp sem afnemur helgidagafriðhelgina að
hluta. Nú eru því haldin bingó á föstudaginn langa, dansleikir eftir mið-
nætti og áfram mætti telja. Þessi hátíð Nóa, Góu og Freyju er því smám
saman að breytast, en frídögunum höldum við áfram inni í kerfinu, af
því það hentar!
Fyrir mig marka páskarnir upphaf vorsins. Vissulega er veðrið æði mis-
jafnt á þessari helgu hátíð, enda getur hún farið fram í mars og svo allt
fram í síðari hluta apríl eins og nú. Stundum eru því frosthörkur og jafn-
vel fannfergi um páska, en að þessu sinni sá maður nánast grasið spretta
úr jörðu. Í minni gömlu heimasveit var slegið gras á golfvellinum í Nesi
á páskadegi. Frostlaus jörð, hæfilegur raki og hiti gerir það að verkum að
grasið lætur ekki bíða eftir sér, ekki frekar en annar gróður. Við höfum
harðgeran gróður sem lætur ekki tækifærin fram hjá sér fara. Að morgni
annars páskadags lagðist svo skip að bryggju á Akranesi með áburðinn
sem er nú á leiðinni í sveitirnar og á túnin hjá bændum. Líklega engin
ástæða fyrir þá að bíða með að dreifa honum við þessar aðstæður.
Einar veðurfræðingur spáir því að 40% líkur séu á að sumarið verði
vætusamt, líkt og það síðasta. Stóra spurningin er hvort það verði síðari
hluti sumars eða sá fyrri, vonandi ekki allt og kannski er þessi spá hans
skot út í loftið. Íslensk veðrátta er nefnilega með þeim hætti að ómögu-
legt er að spá fyrir um hana og ekki auðveldar málið hinar miklu öfgar
í veðurfari sem að hluta til eru vegna hlýnunar jarðar af mannavöldum.
Ég kýs að taka undir orð veðurglöggs vinar míns sem spáir góðu vori. Þá
kýs ég einnig að taka Pollyönnu á þetta og segi; að ef Einar spáir svona þá
eru þar af leiðandi 60% líkur á að það verði gott sumar. Það er jú hærra
hlutfall og hentar mér að trúa því.
Veturinn sem formlega rennur sitt skeið í dag hefur um margt verið
óvenjulegur. Orrahríð á vinnumarkaði, gjaldþrot mikilvægs flugfélags og
einkar hvimleið umræða í kjölfar barferðar nokkurra þingmanna í lok
nóvember hafa allt verið mál sem tekið hafa mikinn tíma og rúm í um-
ræðunni. Hið jákvæða nú er að búið er að létta á óvissunni varðandi
kjaramálin, keppst er við að fylla í gapið sem WOW skildi eftir, en bar-
málið á sinn þátt í að virðing gagnvart löggjafarsamkomunni er í sögu-
legri lægð. En ég trúi því að framundan séu betri tímar, með fínu veðri,
þannig að allir sem vettlingi geti valdið komist út, andi að sér hreinu og
heilnæmu lofti og bæti með því geðið. Allavega stefni ég á að njóta þess
sem landið okkar hefur að bjóða. Ætla meðal annars að sjósetja gamla
bátinn og veiða þorsk í soðið og jafnvel einnig silung í blátærum vötnum
Arnarvatnsheiðar. Fara í gönguferðir og njóta þess að heilsan er þrátt
fyrir allt ekki verri en hún er. Með von um að sem flestir geti gert það
sem bætir, hressir og kætir, óska ég lesendum mínum gleðilegs sumars.
Magnús Magnússon
Svo virðist sem flestir mávar á Vest-
urlandi hafi haldið árshátíð sína með
tilheyrandi veisluhöldum í Borgar-
firði á síðustu dögum. Loðnuganga
gekk inn fjörðinn í síðustu viku og
voru þúsundir máva á sveimi fyrir
utan og sunnan Borgarnes. Stungu
þeir sér grimmt eftir ætinu. Dauðri
loðnu skolaði svo á land. Meðfylgj-
andi mynd tók Þorleifur Geirs-
son við Borgarnes í byrjun síðustu
viku.
mm
Þverpólítísk nefnd um stofnun þjóð-
garðs á miðhálendinu var skipuð af
umhverfis- og auðlindaráðherra í
apríl 2018. Nefndinni er m.a. ætl-
að að skilgreina mörk þjóðgarðs-
ins og setja fram áherslur um skipt-
ingu landsvæða innan hans í vernd-
arflokka. Nefndin hefur nú skilað
fyrstu áfangaskýrslu og er hún að-
gengileg í Samráðsgátt stjórnvalda.
Athugasemdafrestur við þessi fyrstu
drög rennur út 30. apríl nk.
Nefnd um Miðhálendisþjóðgarð
er ætlað að fjalla um hugsanleg-
ar aðkomuleiðir og þjónustumið-
stöðvar, svæðisskiptingu og rekstr-
arsvæði og greina tækifæri með
stofnun þjóðgarðs á byggðaþróun
og atvinnulíf. Nefndinni er ætlað
að gera tillögur að helstu áherslum
í stjórnunar- og verndaráætlunum
og atvinnustefnu fyrir þjóðgarð-
inn og lagafrumvarpi um þjóð-
garðinn, þar sem m.a. er tekin af-
staða til stjórnskipulags þjóðgarðs-
ins. Leggur nefndin meðal annars
áherslu á að sveitarfélög sem eiga
land sem fellur undir þjóðgarð hafi
beina aðkomu að stjórnun hans
strax við stofnun. Loks er nefnd-
inni ætlað að setja fram áætlun um
fjármögnun fyrir stofnun þjóðgarðs
á miðhálendinu.
Verklag nefndarinnar er þannig
að hún vinnur textadrög og tillög-
ur fyrir hvern verkþátt. Verkþætt-
ir verða svo settir í samráðsgáttina
þar sem kallað er eftir athugasemd-
um. Athugasemdir sem berast verða
teknar til skoðunar hjá nefndinni
og verkþættir í kjölfarið kláraðir.
Þegar allir verkþættir hafa farið í
gegnum sama ferli verða þeir settir
saman í heildarskýrslu sem einnig
verður sett í samráðsgáttina. Í kjöl-
far þess mun nefndin skila skýrslu
til umhverfis- og auðlinda ráðherra.
Ráðgert er að skil fari fram í sept-
ember 2019. mm
Miðhálendisþjóðgarður í samráðsferli
Mávarnir í
loðnuveislu í
Borgarfirði
Borgarbyggð óskar íbúum
sveitarfélagsins og Vestlendingum
öllum gleðilegs sumars.