Skessuhorn - 30.01.2019, Blaðsíða 23

MIÐVIKUDAGUR 30. JANÚAR 2019 23
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Snæfell og Valur munu etja kappi í
undanúrslitum Geysisbikars kvenna
í körfuknattleik. Dregið var í bik-
arnum í hádeginu á miðvikudag.
Sigurvegari þeirrar viðureignar
mun mæta sigurvegaranum úr við-
ureign Breiðabliks og Stjörnunnar í
bikarúrslitaleiknum.
Í karlaflokki mætast annars vegar
Stjarnan og ÍR en hins vegar KR og
Njarðvík.
Bikarúrslitavika KKÍ hefst í
Laugardalshöllinni miðvikudag-
inn 13. febrúar með undanúrslitum
kvenna, þar sem báðir leikirnir eru
spilaðir sama dag. Leikur Snæfells
og Vals er seinni leikur dagsins.
Daginn eftir er leikið í undanúrslit-
um karla.
Úrslitaleikir kvenna og karla fara
síðan báðir fram í Laugardalshöll-
inni laugardaginn 16. febrúar. Aðra
daga bikarúrslitavikunnar verða
leiknir bikarúrslitaleikir yngri
flokkanna. kgk
Snæfell mætir Val í
undanúrslitum bikarsins
Gunnhildur Gunnarsdóttir á fleygiferð í átta liða úrslitum bikarsins þegar Snæfell
sigraði Hauka. Ljósm. úr safni/ sá.
Knattspyrnufélag ÍA gekk á mánu-
dag frá samningi við sóknarmann-
inn Tryggva Hrafn Haraldsson.
Hann gengur til liðs við ÍA frá
Halmstad í Svíþjóð, þar sem hann
hefur leikið undanfarið eitt og hálft
ár eða svo. Tryggvi á að baki 27 leiki
með Halmstad í sænsku úrvalsdeild-
inni og í þeim hefur hann skorað
þrjú mörk.
Tryggvi er uppalinn hjá ÍA, lék
upp alla yngri flokka félagsins.
Hann lék 33 leiki með meistara-
flokki í efstu deild og skoraði í þeim
sex mörk áður en hann hélt til Sví-
þjóðar í atvinnumennskuna á sínum
tíma. Hann hefur leikið þrjá leiki
með A landsliði Íslands en 13 leiki
með U21 landsliðinu.
Haft er eftir Jóhannesi Karli Guð-
jónssyni, þjálfara meistaraflokks
karla, að hann sé mjög ánægður að
Tryggvi hafi ákveðið að ganga til liðs
við ÍA að nýju. Þrátt fyrir ungan ald-
ur hafi hann spilað í efstu deild áður
og slík reynsla muni reynast mikil-
væg í Pepsi deildinni á komandi
sumri. Tryggvi sé góður leikmaður
sem muni styrkja liðið fyrir þá bar-
áttu. kgk
Tryggvi Hrafn aftur
til liðs við ÍA
Tryggvi Hrafn Haraldsson fagnar marki með ÍA sumarið 2017. Ljósm. úr safni/ gbh.
Keilufélag Akraness á tvo fulltrúa í
ungmennalandsliðinu í keilu, þá Jó-
hann Ársæl Atlason og Matthías Leó
Sigurðsson. Tilkynnt var um valið
á föstudaginn. Framundan eru tvö
verkefni hjá ungmennalandsliðinu,
annars vegar vináttuleikar í Katar
11. - 17. febrúar og síðan Evrópu-
mót unglinga 18 ára og yngri í Vín-
arborg 13.-22. apríl. Jóhann Ársæll
og Matthías Leó munu taka þátt í
báðum mótunum með landsliðinu,
en landsliðið er skipað fjórum pilt-
um og fjórum stúlkum hverju sinni.
Þá má geta þess að Matthías Leó er
annar yngstu keilumanna sem vald-
ir hafa verið í ungmennalandsliðið
hingað til, ásamt Mikael Aroni Vil-
helmssyni úr KFR sem fer með lið-
inu á Evrópumótið í vor. kgk
Tveir keiluspilarar frá Akra-
nesi í ungmennalandsliðið
Ungmennalandsliðið í keilu. Ljósm. Keilusabmand Íslands.
Skallagrímur heimsótti Keflavík
í Domino‘s deild kvenna í körfu-
knattleik á miðvikudagskvöld.
Borgnesingar höfðu yfirhöndina
lengi vel, en Keflvíkingar náðu að
hleypa mikilli spennu í leikinn í
lokafjórðungnum, þar sem þær
jöfnuðu metin, knúðu fram fram-
lengingu og stálu sigrinum á enda-
sprettinum. Lokatölur urðu 61-54
fyrir Keflavík.
Skallagrímskonur byrjuðu held-
ur brösulega og hittu illa úr skotum
sínum. Þær voru þó fljótar að finna
taktinn, höfðu yfirhöndina eftir það
og leiddu 14-13 eftir fyrsta leik-
hluta. Þær juku forskot sitt í sjö stig
snemma í öðrum fjórðungi. Kefla-
vík minnkaði muninn en Skalla-
grímur átti lokaorðið og hafði sjö
stiga forskot í hálfleik, 22-29.
Keflavík byrjaði síðari hálfleik-
inn betur og minnkaði muninn í
þrjú stig. Skallagrímskonur tóku
þá mikinn sprett, skoruðu tíu stig
gegn tveimur það sem eftir lifði
þriðja leikhluta og leiddu 28-39
fyrir lokafjórðunginn. Skallagrím-
ur komst 14 stigum yfir en þá tók
Keflavíkurliðið á sig rögg og byrj-
aði hægt en örugglega að saxa á
forskotið. Þegar tvær mínútur lifði
leiks voru þær búnar að minnka
muninn í eitt stig, 44-45. Lokamín-
úturnar voru æsispennandi og þeg-
ar lokaflautan gall var staðan jöfn,
50-50 og því þurfti að framlengja.
Þar voru Keflavíkurkonur sterkari
og stálu sigrinum, 61-54.
Shequila Joseph átti stórleik fyrir
Skallagrím, skoraði 25 stig og reif
niður 20 fráköst og Brianna Banks
skoraði ellefu stig.
Brittany Dinkins skoraði 22 stig
fyrir Keflavík, tók 17 fráköst og gaf
sex stoðsendingar. Birna Valgerður
Benónýsdóttir skoraði 15 stig og
tók níu fráköst og Salbjörg Ragna
Sævarsdóttir skoraði tíu stig og tók
sex fráköst.
Skallagrímur hefur tíu stig í
sjötta sæti deildarinnar, jafn mörg
og Haukar í sætinu fyrir neðan.
Næsti leikur Skallagrímur í kvöld,
miðvikudaginn 30. janúar, þegar
mætir Stjörnunni í Borgarnesi. kgk
Svekkjandi tap Skallagríms
Stórleikur Shequilu Joseph dugði
Skallagríms konum ekki gegn Keflavík.
Ljósm. úr safni/ Skallagrímur.
Skallagrímur heimsótti ÍR í Dom-
ino‘s deild karla í körfuknattleik á
fimmtudagskvöld. Um háspennu-
leik var að ræða en eftir æsispenn-
andi lokamínútur tókst ÍR-ingum að
stela sigrinum, 96-95.
Mikið jafnræði var með liðunum
í upphafi leiks. Eftir um fimm mín-
útna leik náðu heimamenn yfirhönd-
inni og leiddu með tólf stigum eftir
fyrsta leikhluta, 31-19. Skallagríms-
menn minnkuðu muninn snemma í
öðrum leikhluta. ÍR-ingar höfðu þó
áfram yfirhöndina en Borgnesingar
gættu þess að missa þá ekki lengra
fram úr sér. Staðan var 51-43 í hálf-
leik, ÍR í vil.
Skallagrímsmenn voru ákveðnir í
upphafi síðari hálfleiks og voru ekki
lengi að jafna metin. Þeir komust
síðan yfir og leiddu með fimm stig-
um fyrir lokafjórðunginn, 65-70.
Þeir tóku síðan góða rispu í upp-
hafi fjórða leikhluta og náðu ellefu
stiga forskoti, 69-80. En ÍR-ing-
ar voru ekki á þeim buxunum að
gefast upp og spiluð sig inn í leik-
inn aftur. Lokamínúturnar voru
æsispennandi. Skallagrímur komst
stigi yfir þegar rétt innan við mín-
úta lifði leiks. Sókn ÍR fór forgörð-
um og Borgnesingar náðu boltanum
með 40 sekúndur á klukkunni. Sókn
þeirra var ekki nógu vel framkvæmd
og þeir fengu dæmdan á sig ruðn-
ing og ÍR-ingar á leið á vítalínuna
hinum megin. Borgnesingar voru
ekki par sáttir við þennan dóm, en
hann stóð. Bæði vítin rötuðu niður
og Skallagrímsmönnum tókst ekki
að nýta sér lokasókn leiksins. Loka-
tölur 96-95, ÍR-ingum í vil.
Aundre Jackson skoraði 21 stig
og tók 7 fráköst í liði Skallagríms.
Eyjólfur Ásberg Halldórsson skor-
aði 19 stig, tók tíu fráköst og gaf
fimm stoðsendingar, Björgvin Haf-
þór Ríkharðsson skoraði 19 stig og
tók átta fráköst, Matej Buovac skor-
aði 18 stig og tók fimm fráköst og
Domagoj Samac skoraði tíu stig.
Skallagrímur situr í ellefta sæti
deildarinnar með fjögur stig, fjór-
um stigum á eftir Val í sætinu fyr-
ir ofan. Næst leika Borgnesingar
á heimavelli gegn botnliði Breiða-
bliks, föstudaginn 1. febrúar næst-
komandi. kgk
Borgnesingar rændir sigrinum
Eyjólfur Ásberg Halldórsson og félagar hans í Skallagrími þurftu að bíta í eplið súra
gegn ÍR. Ljósm. úr safni/ Skallagrímur.