Skessuhorn - 04.09.2019, Blaðsíða 11

MIÐVIKUDAGUR 4. SEpTEMBER 2019 11
Lýðheilsugöngur í september á Akranesi
SK
ES
SU
H
O
R
N
2
01
8
Göngurnar hefjast alltaf kl. 18:00 og er tilgangur þeirra að hvetja fólk til útivistar og hreyfingar í góðum
félagsskap og efla þar með heilsu sína og lífsgæði. Mikilvægt er að klæða sig eftir veðri og taka með sér
vatn í brúsa. Börn skulu ávallt vera í fylgd með fullorðnum.

Miðvikudaginn 4. september
Skógarganga í Slögu, skógræktarsvæði Skógræktarfélags Akraness. Lagt af stað frá Slögu
(bílastæðinu við græna gáminn) við Akrafjall kl. 18:00 í Slögunni. Gangan um Slöguna tekur um
1 klukkustund þar sem spjallað verður um sögu skógræktar og möguleika hennar sem útivistar-
svæði. Fararstjóri er Katrín Leifsdóttir.

Miðvikudaginn 11. september
Strandganga. Gangan hefst kl. 18:00 við Leyni, nánar tiltekið við listaverkið „Himnaríki” sem
staðsett er rétt innan við Höfða. Gengið verður meðfram ströndinni að tjaldstæðinu við Kalmans-
vík. Einhverjir fróðleiksmolar gætu fylgt með á leiðinni og er gert ráð fyrir að gangan taki um 1½ - 2
klukkustundir. Gönguna leiða Anna Bjarnadóttir og Hallbera Jóhannesdóttir.

Miðvikudaginn 18. september
Rætur Akrafjalls og Reynisrétt. Gangan hefst kl. 18:00 og verður gengið frá bílastæðinu við Akrafjall til suðurs
með fjallinu og inn að Reynisrétt og til baka. Á leiðinni verða örnefni svæðisins skoðuð og saga fjallsins hvort sem
hún tengist ísaldarjöklinum, útilegumönnum eða frekum tröllskessum. Létt ganga fyrir alla fjölskylduna og tekur hún
um 1½ klukkustund. Gönguna leiðir Eydís Líndal.

Miðvikudaginn 25. september
Vallanes í landi Hvítaness við Grunnafjörð. Upphaf göngu hjá Vallanesi kl. 18:00. Við mynni Grunnafjarðar er bærinn Hvítanes.
Utan og neðan við Hvítanes eru skemmtilegar sandfjörur sem gaman er að ganga um. Grunnifjörður er friðlýstur og sam-
þykktur sem Ramsar svæði. Mikið fuglalíf er þarna árið um kring. Genginn verður 3 til 4 km. hringur. Þetta er létt ganga við
allra hæfi og tekur 1-1 ½ klst. Gönguna leiða Elís Þór Sigurðsson og Hjördís Hjartardóttir.

Fjölmennum og höfum gaman!
Nánari upplýsingar hér á www.lydheilsa.fi.is
Akraneskaupstaður og Íþróttabandalag Akranes í samstarfi við Ferðafélag Íslands endurtaka leikinn
frá síðasta ári og bjóða upp á lýðheilsugöngur alla miðvikudaga í september. Frábærir sjálfboðaliðar
leiða göngurnar og verður frítt í sund að loknum göngum fyrir göngugarpa.
Bæjarstjórn Grundarfjarðarbæjar
hefur fylgst sérstaklega með þró-
un útsvarstekna bæjarsjóðs frá því
á síðasta ári. Síðastliðið haust lét
ný bæjarstjórn gera úttekt á þró-
un útsvarstekna aftur í tímann
því hún hafði ákveðnar áhyggjur
af þróuninni, að sögn bæjarstjóra.
Samtök sveitarfélaga á Vestur-
landi unnu úttekt á útsvari og þró-
un þess, m.t.t. nokkurra þátta, fyr-
ir Grundarfjarðarbæ og var niður-
staða þeirrar úttektar ekki nógu já-
kvæð að mati stjórnenda sveitar-
félagsins. Ennfremur kom í ljós
að bæjaryfirvöldum reynist erfitt
að fá upplýsingar um samsetningu
og þróun þessa megintekjustofns
sveitarfélagsins. „Bæjarráð hefur
síðan fylgst með þróun útsvarsins
út frá þeim upplýsingum sem okk-
ur eru tiltækar, en við rekum okk-
ur á að það eru frekar takmarkað-
ar upplýsingar sem veita ekki nógu
glögga yfirsýn yfir það hvað er að
gerast með útsvarið,“ segir Björg
Ágústsdóttir bæjarstjóri í samtali
við Skessuhorn.
„Við fáum eina samtölu fyrir
greiddar útsvarstekjur í hverjum
mánuði. Við berum hana saman
við greitt útsvar árið á undan, við
fjárhagsáætlun ársins og við breyt-
ingar hjá öðrum sveitarfélögum.
En við vitum ekkert hvað býr að
baki þessari tölu því engin sun-
durliðun eða frekari innsýn fyl-
gir henni. Ef mikilla frávika gætir
í aðra hvora áttina, þá höfum við
engar skýringar tiltækar og rekum
okkur á að mjög erfitt er að fá þær
uppgefnar. Þessu þarf nauðsynle-
ga að breyta. Sveitarstjórnir þur-
fa að geta stýrt rekstri og fjárfest-
ingum með haldbetri upplýsingar í
höndum og yfirsýn um þróun úts-
varsteknanna,“ segir hún.
Neitun ekki rökstudd
Útsvar er langstærsti og mikil-
vægasti tekjustofn Grundarfjarð-
arbæjar, eins og raunar flestra
sveitarfélaga í landinu. „Bæjarráð
hefur fylgst með þróun útsvars-
ins og þegar leið að framlagn-
ingu álagningarskrár 2019 spurð-
ist ráðið fyrir hjá ríkisskattstjóra
hvort hægt væri að fá hana af-
henta. Fyrst fengum við þau svör
að við þyrftum að hafa samband
19. ágúst, þegar álagningaskráin
var lögð fram. Það gerðum við en
þá var því svarað til að hún lægi
eingöngu frammi á starfsstöðvum
ríkisskattstjóra og að ekki sé mælt
fyrir um það í lögum um tekju-
stofna sveitarfélaga, að sveitar-
félag eigi rétt til álagningarskrár.
Skráin er ekki lengur afhent sveit-
arfélögum, eins og áður var, og
ekki heldur aðgengileg hjá sýslu-
mannsembættunum, sem eru inn-
heimtumenn ríkissjóðs. „Í svari
við skriflegri fyrirspurn Grund-
arfjarðarbæjar til ríkisskattstjóra
er tilkynnt um þá ákvörðun rík-
isskattstjóra að afhenda engar
álagningarskrár eða aðrar pers-
ónugreinarlegar upplýsingar um
útsvör (útsvarsskrár) til sveitarfé-
laga. Ekki kemur fram rökstuðn-
ingur um á hvaða forsendum þessi
synjun byggist, en við höfum nú
óskað eftir honum. Í svari ríkis-
skattstjóra segir að eftir sem áður
muni ríkisskattstjóri vinna þær
greiningar sem sveitarfélög kunna
að óska eftir um álagt útsvar, enda
sé um ópersónugreinanlegar nið-
urstöður að ræða. Í ljósi þessa höf-
um við óskað eftir samtali við rík-
isskattstjóra um hvaða upplýsingar
hægt sé og eðlilegt að kalla fram,
þannig að sveitarstjórnir geti feng-
ið haldbetri upplýsingar um þró-
un megintekna sinna,“ segir bæj-
arstjórinn.
Óku á Akranes
Til að nálgast upplýsingar um út-
svarstekjur ók Björg ásamt starfs-
manni Grundarfjarðarbæjar á
starfsstöð ríkisskattstjóra á Akra-
nesi síðastliðinn mánudag þar sem
álagningarskráin lá frammi. „Bæj-
arráði finnst þetta prinsippmál.
Það er ennþá skylda hvers sveitar-
félags að fylgjast með sínum skatt-
skilum og í raun og veru alveg
galið að við þurfum nú að keyra
á Akranes til að fá upplýsingar
sem snúa að tekjum í okkar bæj-
arfélagi. Þetta gerir okkur veru-
lega erfitt fyrir að sinna þessari
lagaskyldu okkar og sérkennilegt
á tímum mikillar tækniþróunar
og aukinnar umhverfisvitundar,
þar sem við reynum að sporna við
óþarfa akstri,“ segir Björg. „Þar
fyrir utan er vert að geta þess að
sveitarfélögin í landinu greiða rík-
inu samanlagt á annan milljarð
króna fyrir að innheimta fyrir sig
útsvarið,“ bætir hún við. „Við telj-
um óviðunandi að fá ekki yfirlit
yfir skattskil og okkar útsvarstekj-
ur til skoðunar. Þetta eru megin-
tekjur bæjarfélagsins, okkar rekstr-
ar- og framkvæmdafé. Það er mik-
ilvægt að vita og skilja hvernig út-
svarið skilar sér og hvernig það er
að þróast til að geta byggt áætlanir
á sem gleggstum forsendum,“ seg-
ir hún. „Auðvitað er alltaf ákveð-
in óvissa í atvinnulífinu, en það
hjálpar ekki að vita ekki hverju
ákveðnar atvinnugreinar eru að
skila á hverjum tíma, þannig að
bæjarstjórn hafi puttann á púlsin-
um. Það sem við viljum geta les-
ið út úr útsvarinu, er hvernig ein-
staka atvinnugreinar eru að skila
inní heildina – hvernig er sjáv-
arútvegurinn að þróast; eru það
veiðar eða vinnsla sem er að gefa
minna í ár en síðustu ár, hvernig
er hin vaxandi atvinnugrein ferða-
þjónusta að skila sér inn í útsvar-
spottinn, hver er munur milli ára
og sveitarfélaga, o.s.fv. Slíkar upp-
lýsingar ættu sveitarfélög að fá, án
þess að það kosti sérstaka beiðni
og eftirávinnslu, eins og var hjá
okkur í fyrra. En þetta getum við
ekki séð meðan við fáum bara
eina tölu í mánuði, enga sundur-
liðun og meðan við fáum ekki að
skoða eigin álagningarskrá nema
sitja með hana í möppu á hnján-
um í anddyri starfsstöðvar RSK á
Akranesi,“ segir Björg Ágústsdótt-
ir að endingu.
kgk
Björg Ágústsdóttir bæjarstjóri Grundarfjarðarbæjar framan við skrifstofu RSK á Akranesi, þangað sem hún og starfsmaður
bæjarins þurftu að aka til að fá að lesa gögn um væntanlegar útsvarstekjur.
Synjað um afhendingu álagningarskrár útsvars