Skessuhorn - 04.09.2019, Blaðsíða 18

MIÐVIKUDAGUR 4. SEpTEMBER 201918
Hljómsveitin Grasasnar gaf um
miðjan ágúst út plötuna Til í tusk-
ið. Um er að ræða vínylútgáfu með
tíu lögum en einnig er hægt að
hlýða á plötuna á tónlistarveitunni
Spotify.
Upphaflega kom út geisladiskur-
inn Til í tuskið árið 2012. Næstu ár
voru tekin upp fleiri lög en síðan
kviknaði sú hugmynd í ársbyrjun að
gefa Til í tuskið út á vínylplötu. Við
þá útgáfu hefur verið bætt fjórum
lögum auk þeirra sem áður höfðu
komið út á geisladisk. „Okkur Gra-
sösnum finnst að þessi vínylútgáfa
sýni vel og rammi inn tónlistarlega
umgjörð sveitarinnar. Erum voða
stoltir af þessu öllu saman,“ segir á
Facebook-síðu Grasasna.
Hljómsveitina Grasasna skipa í
dag þeir Steinar Berg Ísleifsson í
Fossatúni sem syngur og leikur á
kassagítar. Sigurþór Kristjánsson
í Borgarnesi annast trommuleik
auk þess að syngja, Halldór Hólm
Kristjánsson í Borgarnesi leikur á
bassa og syngur og Sigurður Bach-
mann Sigurðsson á Akranesi annast
bæði raf- og kassagítarleik.
kgk
„Komið hefur í ljós að sú aðgerð að
leggja niður kjararáð hefur valdið
launaskriði hjá þeim hæstlaunuðu
hjá ríkinu,“ segir í ályktun mið-
stjórnar ASÍ. „Það var engin um-
ræða um sanngjörn laun í tengslum
við þá aðgerð. Það kemur í sjálfu
sér ekki á óvart. Á meðan við leggj-
um ekki skýrar línur í þessum mál-
um skiptir engu máli hverjir ákveða
launin. Einföld aðgerð eins og
að breyta því hverjir ákveða laun
þeirra launahæstu skilar engu rétt-
læti í sjálfu sér án skýrra reglna um
launaákvarðanir. Tilhneigingin er
alltaf sú að þeir sem hafa meira fá
meira og þeir sem minna hafa fá
minna.“
Þá segir í ályktun ASÍ að löngu
tímabært sé að móta skýra og sann-
gjarna launastefnu hjá ríkinu og í
stjórnum fyrirtækja, stofnana og
félagasamtaka. „Festa þarf í lög að
fyrirtæki geri grein fyrir launabili í
ársreikningum og stjórnvöld þurfa
að setja skýra launastefnu þar sem til-
greint er hvert launabilið megi vera
á milli þeirra hæst launuðu og lægst
launuðu. Við þurfum að bregðast við
þeirri móðgun og augljósu stétta-
skiptingu sem birtist okkur í hvert
sinn sem skattskrár eru gerðar opin-
berar. Það er ekki nóg að fordæma
ofurlaun einu sinni á ári án þess að
aðhafast nokkuð. Það er kominn tími
til aðgerða.“ mm
Nýlega setti Orkubú Vestfjarð-
ar upp hleðslustöð fyrir rafbíla í
Bjarkalundi í Reykhólasveit. Fram
kemur á heimasíðu Reykhóla-
hrepps að Orkubúið rekur nú fjór-
ar hleðslustöðvar, hinar þrjár eru á
Hólmavík, Reykjanesi og patreks-
firði. Einnig stendur til að setja upp
hleðslustöð í Flókalundi eftir því
sem fram kemur í fréttinni. glh
Guðlaug H. Kristjánsdóttir varð
fyrir óskemmtilegri lífsreynslu á
dögunum þegar skotið var á kött-
inn hennar. Hún hafði leitað að
kettinum sínum í tvo og hálfan sól-
arhring í nágrenni Lauga í Sælings-
dal, en þar hafði Guðlaug sumar-
dvöl á meðan hún starfaði á hótel-
inu. „Ég fann hann út í kjarri, ör-
skammt vestur af hótelinu. Hann
gat illa hreyft sig, borðaði ekki og
var greinilega mjög þjáður. Þetta
var að kvöldi 20. ágúst og ég fór
með hann heim til Reykjavíkur
daginn eftir. pantaður var tími hjá
dýralækni 22. ágúst,“ segir Guð-
laug. Hún þurfti að snúa aftur að
Laugum til vinnu og fól dóttur
sinni að fara með köttinn í lækn-
istímann. Í þann tíma komst hann
hins vegar aldrei því sama dag ,að
kvöldi 21. ágúst, hafði dregið svo
af kisa að dóttir Guðlaugar sá þann
kost einan að fara þegar í stað með
hann á neyðarþjónustu dýralæknis.
„Þar var hann skoðaður, fór í
myndatöku og þá kom í ljós að það
hafði verið skotið á hann,“ segir
Guðlaug. „Fjarlægð hafa verið úr
honum tvö högl, eitt úr afturfæti
og annað úr höfðinu við eyrað. Tvö
högl til viðbótar eru í skotti katt-
arins,“ segir hún. Kötturinn hef-
ur verið undir höndum dýralæknis
síðan þá. Guðlaug segir að nú sé
verið að meta framhaldið, en lík-
ast til er þörf á annarri aðgerð. „Ég
er afar þakklát fyrir alla aðstoðina
sem kötturinn hefur fengið á Dýra-
læknastofu Reykjavíkur. Það var
lán í óláni að höglin hæfðu ekki
mikilvæg líffæri, eins og hjarta eða
lunga, þá hefði ekki þurft að spyrja
að leikslokum,“ segir hún.
Aðspurð telur Guðrún að atvik-
ið hafi átt sér stað helgina 17.-18.
ágúst. Frá því í ljós kom að skotið
hafi verið á köttinn kveðst Guðlaug
hafa ráðfært sig við ýmsa aðila. „Ég
er búin að ræða við marga og aflað
mér upplýsinga. Ég fór með hagl
sem tekið var úr kettinum í veiði-
búð og fékk þær upplýsingar að því
hefði verið skotið úr .22 kalíbera
byssu, sem væri notuð til að hæfa
skotmörk í 3-5 metra fjarlægð,“
segir hún. „Mér þykir svolítið ógn-
vænlegt að vita til þess að fólk sé
með byssur við Laugar, þar sem
eru bæði íbúðarhús, hótel og tjald-
svæði. Hvað í veröldinni er fólk að
gera með skotvopn þarna? Hvað
gengur fólki til,“ spyr hún.
Guðlaug segir þessa lífsreynslu
hafa tekið á og auðvitað ekki síst
fyrir köttinn sem hafi þurft að berj-
ast fyrir líf sínu. „Hann hefur það
aðeins betra núna eftir aðgerð en
er á verkjalyfjum á meðan metið er
hvort hægt verði að fjarlægja högl-
in úr skottinu,“ segir Guðlaug og
bætir því við að lokum að málið hafi
verið tilkynnt lögreglu. Biðlar hún
til hvers sem kann að geta varpað
ljósi á málið að hafa samband við
Lögregluna á Vesturlandi.
kgk/ Ljósm. aðsendar.
peningastefnunefnd Seðlabanka Ís-
lands ákvað í liðinni viku að lækka
vexti bankans um 0,25%. Megin-
vextir bankans, oftast kallaðir stýri-
vextir, verða því 3,5% og hafa lækk-
að um eitt prósentustig það sem af
er þessu ári. Er þetta fyrsta vaxta-
ákvörðun sem tekin er frá því Ás-
geir Jónsson tók við embætti seðla-
bankastjóra.
Ný þjóðhagsspá gerir ráð fyrir
0,2% samdrætti í ár sem er lítillega
minni samdráttur en spáð var í maí
sl. Stafar það einkum af meiri vexti
einkaneyslu en framlag utanríkis-
viðskipta er einnig hagstæðara, þar
sem eftirspurn beinist í meira mæli
að innlendri framleiðslu. Vegur það
upp á móti meiri samdrætti ferða-
þjónustu. Hagvaxtarhorfur næsta
árs hafa hins vegar versnað, þar sem
útlit er fyrir að það taki ferðaþjón-
ustuna lengri tíma að ná sér á strik
eftir áföll þessa árs.
Verðbólga var 3,4% á öðrum árs-
fjórðungi en minnkaði í 3,1% í júlí.
Undirliggjandi veðbólga hefur þró-
ast með sambærilegum hætti. Horf-
ur eru á að hún hjaðni hraðar en
spáð var í maí og verði komin undir
markmið á fyrri hluta næsta árs.
Gengi krónu hefur hækkað um
liðlega 2% milli funda og gjaldeyr-
ismarkaðurinn verið í ágætu jafn-
vægi. Verðbólguvæntingar hafa
lækkað í markmið frá síðasta fundi
og taumhald peningastefnunnar
því aukist lítillega. „peningastefnan
mun á næstunni ráðast af samspili
þróunar efnahagsumsvifa annars
vegar og verðbólgu og verðbólgu-
væntinga hins vegar,“ segir í yfirlýs-
ingu peningastefnunefndar.
kgk
Guðlaug fór með hagl sem fjarlægt var úr kettinum í veiðibúð og fékk þær upp-
lýsingar að það væri af þessari gerð.
Skotið á kött við Laugar
Eigandanum mjög brugðið og kallar eftir upplýsingum
Kötturinn hefur verið í höndum dýralæknis frá því í ljós kom að skotið hafi verið á
hann.
Hljómsveitarmeðlimir með vínylplötuna. F.v. Halldór Hólm Kristjánsson, Sigurður Bachmann Sigurðsson, Steinar Berg Ísleifs-
son og Sigurþór Kristjánsson. Ljósm. Grasasnar.
Grasasnar senda frá
sér vínylplötu
Ásgeir Jónsson seðlabankastjóri.
Ljósm. úr safni.
Stýrivextir lækkaðir
Móti launaskriði í
hópi hæstlaunaðra
Nýja hleðslustöðin við Bjarkalund. Ljósm. Reykhólahreppur.
Ný hleðslustöð við
Bjarkalund