Skessuhorn - 04.09.2019, Blaðsíða 8

MIÐVIKUDAGUR 4. SEpTEMBER 20198
Ekið of hratt
VESTURLAND: Margir óku
of hratt um umdæmi Lögregl-
unnar á Vesturlandsi í liðinni
viku. Einn var sektaður fyr-
ir að aka á 52 km/klst í Borg-
arnei þar sem leyfilegur há-
markshraði er 30 km/klst og
fékk viðkomandi 25 þúsund
króna sekt. Umferð var vöktuð
við Bifröst í um tvær klukku-
stundir seinni part sunnu-
dags þar sem hámarkshraði er
70 km/klst. 637 ökutæki voru
mæld og þar af voru 397 sem
óku yfir hámarkshraða og 223
því kærðir, eða 35%. Hrað-
ast var ekið á 102 km/klst.
Umferð var vöktuð á Innnes-
vegi á Akranesi í um hálftíma
á mánudaginn, 2. september.
Á þeim kafla er hámarkshraði
30 km/klst. og voru 39 öku-
tæki mæld og 25 þeirra, eða
64%, óku of hratt og 14, eða
36% allra sem voru mældir,
voru kærðir. Hraðast var ekið
á 51 km/klst. Einnig var um-
ferð vöktuð við Akrafjallsveg
í um hálftíma á mánudaginn
og voru 46 ökutæki mæld og
12 þeirra óku of hratt, sá sem
hraðast ók var á 103 km/klst.
en hámarkshraði er 90 km/
klst. –arg
Handteknir fyrir
að stela dósum
VESTURLAND: Óprútnir
aðilar voru á ferð um umdæmi
Lögreglunnar á Vesturlandi og
stálu miklu magni af dósum og
gaskútum í vikunni. Aðilarnir
voru stoppaðir í Borgarfirði
þegar lögreglumaður á frí-
vakt sá til bíls sem passaði við
lýsingu frá því sást til þeirra á
Akranesi. Voru þeir handtekn-
ir og telst málið upplýst. -arg
Slasaðist við
Glym
HVALFJ: Á mánudaginn var
haft samband við Neyðarlínu
og tilkynnt um eldri konu sem
hafði slasað sig á fæti við foss-
inn Glym í Hvalfirði. Björg-
unarfélag Akraness brást við,
fór í útkall og hjálpaði til við
flutning á konunni niður í
sjúkrabíl. -arg
Kindur á ferð
VESTURLAND: Kindur eru
farnar að leita niður í byggð.
Það þýðir að fleiri kindur
verða væntanlega við vegi á
næstu vikum. Vill Lögregl-
an á Vesturlandi benda öku-
mönnum á að fylgjast vel með
og aka með gát þar sem fé er í
nánd við umferð. -arg
Göngum
í skólann
LANDIÐ: Hið árlega verk-
efni „Göngum í skólann“
verður sett í þrettánda sinn í
dag og lýkur formlega með al-
þjóðlega „Göngum í skólann“
deginum miðvikudaginn 2.
október. Markmið verkefnis-
ins er að hvetja börn til að til-
einka sér virkan ferðamáta í og
úr skóla og auka færni þeirra
til að ferðast á öruggan hátt
í umferðinni. Þegar hafa 51
skólar á Íslandi skráð sig til
leiks.
-glh
Þjóðskrá hefur birt nýjar upplýs-
ingar um íbúafjölda eftir sveitar-
félögum 1. september síðastliðinn.
Íbúar á Vesturlandi eru nú 16.602,
fjölgaði um 55 frá 1. desember síð-
astliðnum eða um 0,3%. Á tíma-
bilinu fjölgaði íbúum í Helgafells-
sveit um þrjá, sem jafngildir 4,8%
fjölgun. Þá fjölgaði um 3,4% í
Skorradalshreppi (2 íbúar), 1,5% á
Akranesi (110 íbúar) og um 0,5%
í Borgarbyggð (19 íbúar). Í öðr-
um sveitarfélögum fækkaði íbúum
á þessu níu mánaða tímabili. Mest
fækkar um 33 íbúa í Hvalfjarðar-
sveit, eða um 5,1% og eru íbúar þar
nú 617 talsins. Er það næstmesta
íbúafækkun sveitarfélaga á land-
inu, en í Langanesbyggð fækkaði
um 5,5%. Íbúum í Eyja- og Mikla-
holtshreppi fækkaði um fimm en
það jafngildir 4,3% fólksfækkun.
Í Dalabyggð fækkaði um 3,1% og
eru íbúar þar nú 649. Lítilsháttar
fækkun varð einnig í Stykkishólmi,
Grundarfirði og Snæfellsbæ. Í
Reykhólahreppi hafði fjölgað um
fjóra íbúa á tímabilinu, eða 1,6%.
Á fyrrgreindu tímabili fjölgaði
íbúum í öllum landshlutum nema
Vestfjörðum, þar sem fækkaði um
sjö. Íbúum Reykjavíkur fjölgaði um
1.630, eða um 1,3%. Þau sveitarfé-
lög sem næst komu voru Kópavog-
ur með 604 íbúa eða 1,6% fjölgun
og Reykjanesbær með 446 íbúa eða
2,4% fjölgun. mm
Fiskistofa hefur úthlutað afla-
marki fyrir nýhafið fiskveiðiár.
Úthlutunin fer fram á grundvelli
aflahlutdeilda að teknu tilliti til
5,3% frádráttar fyrir jöfnunar-
aðgerðir með sama hætti og á
fyrra fiskveiðiári. Að þessu sinni
er úthlutað 372 þúsund tonnum
í þorskígildum talið samanborið
við um 384 þúsund þorskígild-
istonn í fyrra, reiknað í þorskí-
gildum fiskveiðiársins sem nú
gengur í garð. Samdráttur á milli
ára samsvarar því um 12 þúsund
þorskígildistonnum. Úthlutun í
þorski er rúm 215 þúsund tonn
og eykst um sjö þúsund tonn
frá fyrra ári. Ýsukvótinn er rúm
32 þúsund tonn og dregst sam-
an um 13 þúsund tonn. Aukning
er í ufsakvótanum er eitt þúsund
tonn en um eitt þúsund tonna
samdráttur er í grálúðu og út-
hafsrækju. Nokkur samdráttur er
í ýmsum af smærri kvótategund-
unum. Nefna má að helmings
samdráttur er í hlýra og skötusel
og einnig er verulegur samdrátt-
ur í úthlutun á tegundum eins og
blálöngu og litla karfa. Úthlutað
aflamark er alls um 440 þúsund
tonn í hinum ýmsu kvótateg-
undum sem er um ellefu þúsund
tonnum minna en á fyrra ári.
Fækkar um 23 skip
í flotanum
Alls fá 466 skip úthlutað afla-
marki að þessu sinni samanborið
við 540 á fyrra fiskveiðiári. Skýr-
ingin á þessari miklu fækkun
liggur í því að fjöldi skipa fékk
úthlutað hlutdeildum í hlýra á
grundvelli veiðireynslu í fyrra.
Það hafði í för með sér mikla
dreifingu á veiðiheimildum í
litlum stofni á meðal skipa með
engar aðrar hlutdeildir. Síðan þá
hafa hlutdeildirnar í hlýra safn-
ast á færri hendur. Sé fjöldi skipa
með úthlutað aflamark nú borinn
saman við fjölda slíkra skipa fyr-
ir tveimur árum þá er fækkunin
23 skip og það er í samræmi við
þá þróun sem verið hefur í mörg
undanfarin ár. Það skip sem fær
úthlutað mestu aflamarki er Sól-
berg ÓF 1, en það fær 10.354
þorskígildistonn eða 2,8% af út-
hlutuðum þorskígildum. Kleifa-
berg fær litlu minna.
Úthlutun eftir fyrir-
tækjum
Fimmtíu stærstu fyrirtækin fá út-
hlutað sem nemur 89,2% af því
aflamarki sem úthlutað er og er
það svipað hlutfall og í fyrra. Alls fá
336 fyrirtæki eða lögaðilar úthlut-
að nú eða 80 færri en í fyrra þeg-
ar varð mikil fjöldun vegna kvóta-
setningar á hlýra. Sé litið til þeirra
sem eru með mesta úthlutun fær
Brim mestu úthlutað til sinna skipa
eða 9,4% af heildinni, næst kemur
Samherji með 6,6%, þá FISK Sea-
food með 6% og Þorbjörn hf. með
5,5%.
Úthlutun eftir
heimahöfnum
Þrjár heimahafnir skera sig úr eins
og undanfarin ár með að skip sem
þeim tilheyra fá töluvert miklu
meira úthlutað í þorskígildum tal-
ið en þær hafnir sem á eftir koma.
Mest fer til skipa með heimahöfn í
Vestmannaeyjum en þau ráða fyrir
11,4% úthlutunarinnar samanborið
við 10,6% í fyrra. Næstmest fer nú
til Grindavíkur, eða 10,9% af heild-
inni samanborið við 11% á fyrra
ári. Skip með heimahöfn í Reykja-
vík fá úthlutað 10,6% af heildinni
samanborið við 11,6% í fyrra. Hér
hafa þau tíðindi orðið að Reykja-
vík, sem hefur til fjölda ára verið sú
höfn landsins þar sem mestu afla-
marki er úthlutað til, fellur úr fyrsta
sæti í það þriðja.
Hlutfall sem fer til skipa hjá
hverri höfn fyrir sig breytist í flest-
um tilvikum eitthvað og má rekja
það til breytinga á þorskígildisstuðl-
um sem og tilfærslu aflahlutdeilda á
milli skipa með ólíka heimahöfn.
Vísað er til yfirlitstöflunnar sem
tengill er í hér að neðan.
Úthlutun eftir
útgerðarflokkum
Bátar með krókaaflamark eru nú
285 og fækkar um 31. Skipum í
aflamarkskerfinu fækkar um 43
á milli ára og eru nú 181. Togur-
um fækkar um fimm en þeim hafði
fjölgað í fyrra um þrjá eftir árvissa
fækkun undanfarið. Togararnir eru
nú 37 í íslenska flotanum. Sam-
kvæmt útgerðarflokkun Fiskistofu
fá skuttogarar úthlutað tæpum 219
þúsund tonnum af því heildarafla-
marki sem úthlutað var að þessu
sinni og skip með aflamark fá tæp
168 þúsund tonn. Smábátar með
aflamark og krókaaflamarksbátar fá
rúm 53.700 tonn. Fiskistofa vekur
athygli á að til krókaaflamarks telst
eingöngu úthlutun á þorski, ýsu,
ufsa, gullkarfa, löngu, blálöngu,
keilu, steinbít, hlýra og litla karfa.
Skel- og rækjubætur
Alls 1.876 þorskígildistonnum er
úthlutað nú í upphafi árs sem skel-
og rækjubótum en það er um 24
tonnum minna en í fyrra og fara
þau til 51 báts samanborið við 54
báta á fyrra ári. mm
Íbúum á Vesturlandi fjölgar lítillega
Hlutfallslega mest fjölgun íbúa varð í Helgafellssveit á Snæfellsnesi.
Nýtt fiskveiðiár gengið í garð
Smábátar með aflamark og krókaaflamarksbátar fá rúm 53.700 tonn. Svipmynd frá Grundarfirði fyrr í sumar. Ljósm. mm.
Hjólað í
göngunum
HVALFJ: Á miðvikudaginn
fyrir viku var reiðhjólamaður
stöðvaður í Hvalfjarðargöng-
um. Um var að ræða ferðamann
sem gerði sér ekki grein fyrir
því að óheimilt er að fara á reið-
hjóli í gegnum göngin. -arg
Aflatölur fyrir
Vesturland
24. – 30. ágúst.
Tölur (í kílóum) frá Fiskistofu
Akranes: 9 bátar.
Heildarlöndun: 7.508 kg.
Mestur afli: Glódís Ak: 1.757
kg í fjórum löndunum.
Arnarstapi: 4 bátar.
Heildarlöndun: 2.634 kg.
Mestur afli: Grímur AK: 1.315
kg í tveimur löndunum.
Grundarfjörður: 16 bátar.
Heildarlöndun: 240.180 kg.
Mestur afli: Helgi SH: 69.626
kg í tveimur löndunum.
Ólafsvík: 21 bátur.
Heildarlöndun: 107.864 kg.
Mestur afli: Steinunn SH:
32.691 kg í fjórum löndunum.
Rif: 21 bátur.
Heildarlöndun: 215.737 kg.
Mestur afli: Tjaldur SH:
87.403 kg í tveimur löndunum.
Stykkishólmur: 8 bátar.
Heildarlöndun: 34.461 kg.
Mestur afli: Blíða SH: 21.755
kg í sex löndunum.
Topp fimm landanir
á tímabilinu:
1. Hringur SH – GRU: 96.100
kg. 27. ágúst.
2. Tjaldur SH – RIF: 52.313
kg. 25. ágúst.
3. Helgi SH – GRU: 45.351
kg. 26. ágúst.
4. Tjaldur SH – RIF: 35.090
kg. 30. ágúst.
5. Farsæll SH – GRU: 33.454
kg. 29. ágúst