Fréttablaðið - 13.03.2020, Qupperneq 4

Tryggðu þér áskrift
Í KVÖLD
KL. 20:10
Allar nýjustu fréttir og blað
dagsins eru fáanleg á
www.frettabladid.is
STJÓRNMÁL Fundað var stíft í
stjórnarráðinu í gær vegna stöð-
unnar í efnahagslífinu. Unnið var
fram á kvöld að lagabreytingum
sem miða að því að tryggja fyrir-
tækjum lausaf járfyrirgreiðslu.
Stefnt er að því að leggja þær fyrir
Alþingi til afgreiðslu í dag.
Á næstu dögum verða einn-
ig lögð fram frumvörp sem varða
launatryggingu fyrir þá sem þurfa
að fara í sóttkví. Þá er unnið að
endurskoðun fjármálastefnunnar
enda forsendur hennar brostnar
og fjármálaáætlun, sem leggja átti
fram á næstu dögum, verður ekki
lögð fram fyrr en í maí, þegar líkur
standa til að nauðsynlegar forsend-
ur hennar geti legið fyrir. Þetta kom
fram í ræðu Katrínar Jakobsdóttur
forsætisráðherra í umræðum á
Alþingi í gær.
Bjarni Benediktsson fjármála-
ráðherra sagði að þótt ekki hefði
öllu verið svarað um fyrirhugaðar
aðgerðir ríkisstjórnarinnar, myndi
hún ekki sitja með hendur í skauti.
Taka þyrfti stórar ákvarðanir sem
ekki gæfist mikill tími til að hugsa
um, heldur þyrfti að bregðast við.
„Ég hef trú á því að mestu mistök-
in sem við gætum gert hér í þinginu
væri að ganga allt of skammt. Það
væri þá betra fyrir okkur að nýta
þá góðu stöðu sem við búum yfir til
að gera rétt rúmlega það sem þarf,
vegna þess að sameiginlega tjónið
af því að gera of lítið of seint getur
orðið miklu meira heldur en til-
kostnaðurinn af því að gera aðeins
of mikið,“ sagði Bjarni.
Hann tók dæmi um tugi millj-
arða sem eru á gjalddaga á mánu-
daginn og ákvarðanir sem ríkis-
stjórn og þing standa frammi fyrir:
„Á að veita hlutfallslegan afslátt? Á
að setja þak á fjárhæðir í greiðslu-
frestun? Þetta eru ákvarðanir sem
við erum að taka til skoðunar í dag
og munum leggja fyrir þingið, von-
andi á á morgun.“
Ráðherra ferðamála vék að
mögulegum áhrifum ferðabanns
Bandaríkjanna og sagði líklegt að
það myndi draga úr ferðum þaðan
til Evrópu þótt ferðabannið gildi
ekki um Bandaríkjamenn sjálfa.
„Bandaríkjamenn hafa undan-
farin ár verið fjölmennastir í hópi
ferðamanna til landsins. Í fyrra
voru þeir tæp hálf milljón eða næst-
um fjórðungur ferðamanna. Ef við
skoðum þá tilteknu mánuði sem
um ræðir komu 38.000 Bandaríkja-
menn til Íslands í fyrra í mars og
26.000 í apríl. Þó að 30.000 manns
séu ekki nema 1,5 prósent af árleg-
um fjölda ferðamanna til landsins
eru þetta mjög miklir hagsmunir og
við það bætast að sjálfsögðu áhrif
ferðamannsins á f lug Icelandair
yfir Atlantshafið,“ sagði Þórdís
Kolbrún R. Gylfadóttir og vék að
fyrstu viðbrögðum úr atvinnu-
greininni. „Við höfum heyrt dæmi
um allt að 50 prósent samdrátt hjá
einstaka fyrirtækjum fyrir sumarið
og áhrifin verða gríðarlega mikil.“
Sagði ráðherra til skoðunar að
atvinnuleysistryggingar brúi bil
á móti lækkuðu starfshlutfalli til
að draga úr fjöldauppsögnum hjá
fyrirtækjum í ferðaþjónustu. „Við
þekkjum það úrræði úr banka-
hruninu og hljótum að sjálfsögðu
að skoða það alvarlega. Við erum
í aðstæðum sem kalla á afgerandi
viðbrögð. adalheidur@frettabladid.is
Betra að gera of mikið en lítið
Fyrstu bráðaaðgerðir ríkisstjórnarinnar í efnahagsmálum lagðar fyrir þingið í dag. Skaðlegt að gera of
lítið of seint, segir fjármálaráðherra. Fjármálastefna endurskoðuð og fjármálaáætlun frestað til vors.
Katrín Jakobsdóttir flutti Alþingi skýrslu í gær um efnahagsaðgerðir stjórnvalda. FRÉTTABLAÐIÐ/SIGTRYGGUR ARI
ALÞINGI Þingsályktunartillaga um
stöðvun brottvísana og endur-
sendinga á flóttafólki til Grikklands
hefur verið lögð fyrir Alþingi.
Í greinargerð tillögunnar kemur
fram að Alþingi álykti að fela dóms-
málaráðherra að tryggja að stofn-
anir sem heyri undir dómsmála-
ráðuneytið sendi umsækjendur um
alþjóðlega vernd ekki til Grikklands,
óháð því hvort viðkomandi hafi
hlotið alþjóðlega vernd þar eða ekki.
Í greinargerðinni kemur einnig fram
að tillagan eigi sér stoð í lögum um
útlendinga og að íslenska ríkið hafi
áður metið aðstæður á tilteknum
svæðum til móttöku f lóttafólks
óviðunandi.
Þá segir í greinargerðinni að flutn-
ingsmenn tillögunnar telji hafið yfir
vafa að aðstæður í Grikklandi gefi
tilefni til þess að stöðva brottvísanir
og endursendingar flóttafólks þang-
að og að UNICEF og Barnaheill hafi
gagnrýnt stjórnvöld fyrir að senda
börn aftur til Grikklands. „Þá hefur
Rauði krossinn á Íslandi að auki
ítrekað bent á að aðstæður þeirra
sem þegar hafa hlotið alþjóðlega
vernd í Grikklandi séu síst skárri en
þeirra sem hafi umsókn sína til með-
ferðar þar í landi. Er það sjónarmið
stutt af alþjóðlegum skýrslum og frá-
sögnum aðila sem starfað hafa fyrir
alþjóðleg hjálparsamtök í Grikk-
landi.“ – bdj
Vilja stöðva brottvísanir til Grikklands
Flutningmenn tillög-
unar telja hafið yfir vafa að
aðstæður í Grikklandi gefi
tilefni til að stöðvar þangað
brottvísanir.
1 Anna Margrét er með Covid-19: „Þetta er ekkert
grín“ Anna Margrét Jóns dóttir
at hafna kona sýktist af COVID-19
sjúk dómnum í skíða ferð í Selva
á Norður-Ítalíu og er nú á tíunda
degi í veikindum.
2 Margir furða sig á á kvörðun Trumps Fyrr verandi ráð gjafi
Baracks Obama segir Donald
Trump ekki starfi sínu vaxinn.
Nan cy Pelosi gagn rýnir að Trump
ein beiti sér ekki að bar áttunni
gegn út breiðslu CO VID-19 innan
Banda ríkjanna. Amanda Sloat
veltir fyrir sér hvers vegna bannið
tekur ekki til Bret lands.
3 Smit leiðir kóróna veirunnar í sundi Meiri líkur eru á því að
smitast í gufu eða heita pottinum
en í sund lauginni að sögn að-
stoðar manns sótt varna læknis.
4 Sterkur skjálfti á Reykjanesi Samkvæmt upplýsingum
Veðurstofu Íslands var skjálftinn
5,1 að stærð.
SAMFÉLAG Alls voru tæplega 270
þúsund skrásettir fólksbílar á land-
inu við lok síðasta árs. Þetta kemur
fram á vef Hagstofunnar. Hafði
þeim fjölgað um rúmlega hálft
þriðja þúsund frá því í árslok 2018.
Þá voru vöru- og sendibílar tæp-
lega 42 þúsund í árslok 2019 og hafði
fjölgað um rúmlega þúsund á árinu.
Skrásettum vélhjólum fjölgaði nokk-
uð á árinu eða um þrjú hundruð.
Í heild voru 746 skrásettir fólks-
bílar á hverja þúsund íbúa á liðnu
ári sem er örlítil fækkun frá fyrra
ári, en þá voru þeir 755. Á vef Hag-
stofunnar kemur fram að í lok síð-
asta árs hafi verið 1,3 íbúar á hvern
fólksbíl og er það sama hlutfall og
árið áður. – jþ
Bílum fjölgar
hér á landi
Við höfum heyrt
dæmi um allt að 50
prósent samdrátt hjá ein-
staka fyrirtækjum fyrir
sumarið. Áhrifin verða
gríðarlega mikil.
Þórdís Kolbrún R. Gylfadóttir,
ráðherra ferðamála
1 3 . M A R S 2 0 2 0 F Ö S T U D A G U R4 F R É T T I R ∙ F R É T T A B L A Ð I Ð