Fréttablaðið - 13.03.2020, Qupperneq 34

Aðalfundur Ferðafélagsins Útivistar verður
haldinn miðvikudaginn 25. mars 2020 kl. 20.
Fundurinn verður haldinn í sal Bandalags
Íslenskra Skáta Hraunbær 123
Dagskrá: Venjuleg aðalfundarstörf.
Lagabreytingar.
Ferðafélagið Útivist
AÐALFUNDUR
Laugavegi 178 • Sími 562 1000 • www.utivist.is
LEIKHÚS
Djákninn á Myrká:
sagan sem aldrei var sögð
Samstarfsverkefni Miðnættis og
Leikfélags Akureyrar
Tjarnarbíó
Handrit og söngtextar: Agnes Wild
og leikhópurinn
Leikarar: Birna Pétursdóttir og
Jóhann Axel Ingólfsson
Leikstjórn: Agnes Wild
Tónlist og hljóðmynd: Sigrún
Harðardóttir
Leikmynd og búningar: Eva Björg
Harðardóttir
Lýsing: Ingvar Guðni Brynjólfsson
Sagan um Djáknann á Myrká er ekki
löng, einungis nokkrar blaðsíður, en
hefur fyrir löngu síðan hreiðrað um
sig í sálartetri þjóðarinnar sem ein
eftirminnilegasta og skelfilegasta
draugasaga íslenskrar bókmennta-
sögu. Í sögunni er fjölmargt sagt
með örfáum orðum en leikhópurinn
Miðnætti hefur séð sér leik á borði
til að víkka út sögusviðið og gera
stólpagrín að innihaldinu. Gaman-
leikurinn var frumsýndur á Akur-
eyri síðasta vor í samvinnu við leik-
félagið þar í bæ en er nú til sýningar
í Tjarnarbíói.
Agnes Wild semur handritið í
samvinnu við leikhópinn og er
einnig leikstjóri. Persónugallerí
sveitarinnar hefur verið stækkað,
sömuleiðis lætur leikhópurinn hug-
ann reika um það sem er óskrifað í
sögunni og tekur sér djarft skálda-
leyfi. Hugmyndavinnan er á köflum
mjög góð, þar má helst nefna þegar
samfélagsgagnrýni og fjörið tóna
saman. En stór hluti handritsins
er eins og óreiðukennt samansafn
hugmynda þar sem áherslan er lögð
á hnyttin tilsvör, orðaflaum og ýktar
persónur fremur en að skapa heild-
stæða sýningu.
Afslappaður samleikur
Mikið mæðir á leikurunum tveimur.
Birna Pétursdóttir og Jóhann Axel
Ingólfsson eru bæði fínustu grín-
leikarar sem fara létt með að bregða
sér í allra kvikinda líki, sumar per-
sónur leika þau bæði. Þar stendur
upp úr unga vinnustúlkan Ingi-
björg sem er að berjast við gelgjuna
og systkinin Sigurlaug og Bergur.
Samleikur þeirra er afslappaður
og á köflum bráðfyndinn, sérstak-
lega sviðshreyfingarnar en sundur-
slitinn á köflum þar sem þau dvelja
ekki lengi í hverri persónu fyrir sig.
Leikmyndin er fábreytt, saman-
sett úr orgeli, altari og forláta bekk.
Eva Björg Harðardóttir strípar
umgjörðina niður í örfáar einingar.
Orgelið og bekkurinn fá sinn tíma
í sviðsljósinu en altarið virðist vera
hugmynd sem annaðhvort varð eftir
eða meira notuð til skrauts. Búning-
arnir eru ekki ýkja margir heldur, en
eru notaðir á frumlegan máta. Sig-
rún Harðardóttir saumar tónlist-
ina ágætlega inn í söguna, reyndar
er söknuður að því að heyra ekki
þuluna frægu sem er óhugnanlega
dáleiðandi, en veðurlýsingarnar
hitta beint í mark.
Skortur á heildarmynd
Eins og áður sagði leikstýrir Agnes
sýningunni, en hún hefur haft
mikið á sinni könnu upp á síð-
kastið. Hún vinnur vel með spaug-
ið sem keyrir sýninguna áfram.
Helsti gallinn er þó sem áður sagði
skortur á heildarmynd sem verður
sérstaklega áberandi undir lokin.
Tónbreytingin sem á sér stað þegar
kemur að reiðtúrnum fræga kemur
snögglega og allt í einu er nýtt leik-
rit komið á svið. Endirinn virðist
spretta nánast úr engu og þó að
örlög Guðrúnar undir lokin séu
spaugileg þá er lausnin of einföld
og illa undirbyggð.
Þessi útgáfa af sögunni um djákn-
ann á Myrká er góð til síns brúks,
hún kitlar hláturtaugarnar og gefur
nýja sýn á þjóðsöguna. En handritið
minnir meira á skemmtidagskrá en
leikrit, tónninn í sýningunni stökk-
breytist alltof oft og endirinn kemur
eins og skrattinn úr sauðarleggnum.
Hér eru nokkur tækifæri nýtt til að
draga djáknann inn í tuttugustu-
og fyrstu öldina en ekki nægilega
mörg. Sigríður Jónsdóttir
NIÐURSTAÐA: Húmorískur hama-
gangurinn nær ekki að fela handrits-
gallana.
Djókað með djáknanum
Birna Pétursdóttir og Jóhann Axel Ingólfsson eru bæði fínustu grínleikarar, segir gagnrýnandi.
Hinn virti kór Clare College í Cambridge í Bretlandi, undir stjórn Grahams Ross,
heimsækir Hallgrímskirkju um
helgina og f lytur mörg af dáðustu
kórverkum sögunnar á tónleikum
í kirkjunni á morgun, laugardaginn
14. mars, klukkan 17, og syngur
einnig við messu í kirkjunni
sunnudaginn 15. mars klukkan 11.
Yfirskrift tónleikanna er Magn-
ificat og á efnisskránni verða verk
eftir Arvo Pärt, Samuel Barber
(Agnus Dei) William Byrd, Lotti,
Önnu Þorvaldsdóttur, Sigurð Sæv-
arsson, Howells, Berkeley, útsetn-
ing á Kom dauðans blær eftir J.S.
Bach og f leira.
Orgelleikararnir Ashley Chow
og Georg Gillow koma einnig fram
á tónleikunum.
Þessi víðfrægi kór er þessa dag-
ana að senda frá sér sína 38. plötu
sem kemur út hjá útgáfufyrirtæk-
inu Harmonia Mundi. Aðalvið-
fangsefnið á plötunni er Arvo Pärt,
en einnig má heyra verk eftir James
MacMillan og Peteris Vaskas.
Geta má þess að handspritt
verður við innganginn og ágætis
aðstaða til handþvottar er í bygg-
ingunni.
Virtur kór frá Cambridge flytur dáð kórverk
Clare College frá Cambridge kemur fram í Hallgrímskirkju á morgun.
HAFÐU FJÖLPÓSTINN
ÞINN Í FRÉTTABLAÐINU
– MEST LESNA DAGBLAÐ LANDSINS
Auglýsingaefnið lendir á eldhúsborðinu þegar
blaðið er opnað!
Íslendingar lesa Fréttablaðið
daglega að meðaltali.*
Kannaðu dreiileiðir og verð í síma 550 5050
eða sendu tölvupóst á orn@frettabladid.is.
Útvegum einnig hagstæð verð í prentun.
93.000
1 3 . M A R S 2 0 2 0 F Ö S T U D A G U R22 M E N N I N G ∙ F R É T T A B L A Ð I Ð