Fréttablaðið - 13.03.2020, Page 38

Grínistinn Hugleikur D ag s s on f lut t i st búferlum til Berlínar í Þýskalandi undir lok síðasta árs. Í sam-tali við Fréttablaðið
þá sagði hann hluta af ástæðunni
fyrir f lutningunum vera að þá væri
hann í betra samgöngusambandi
við Evrópu og fengi því betra færi á
að koma fram sem víðast. Eðlilega
hefur kórónaveirufaraldurinn sett
strik í reikninginn en nú fyrr í vik-
unni var uppistandsmyndin hans
Son of the day gefin út á Vimeo. Það
ætti því enginn að sakna grínsins
hans Hugleiks þótt maður þurfi að
fara í sóttkví. Þrátt fyrir þá ógn sem
steðjar að mannkyninu þá væsir
ekki um Hugleik í bili í Berlín.
Saknar lausagöngu katta
„Ég lifi eins og blómi í eggi hérna.
Vakna á morgnana og tek svona
hálftíma til klukkutíma í Playsta-
tion. Svo fer ég út að skokka á
Tempelhof sem er risavaxinn yfir-
gefinn flugvöllur. Ef það er rigning
skelli ég Carmen Electra Aerobic
Striptease DVD-diski á geislann og
tek mína líkamsrækt heima. Upp úr
hádegi byrja ég að skrifa. Ég reyni
að hafa að minnsta kosti þrjú járn
í eldinum öllum stundum. Þannig
að ef ég skyldi fá ógeð á einu verk-
efni get ég alltaf skipt yfir í eitthvað
annað. Akkúrat núna er ég að skrifa
eina kvikmynd, eitt leikrit og eina
bók. Já, og ég er að hanna borðspil.
Ég fikta í slíkum verkefnum fram
á kvöld. Þá fer ég gjarnan út og tek
nokkrar mínútur á grínklúbbi eða
fer í bíó,“ segir Hugleikur en viður-
kennir þó að það sé tvennt sem
hann sakni; Bíó Paradísar og lausa-
göngu katta.
Það er þó margt við heimsborgina
sem vegur upp á móti.
„Allt er 60% ódýrara en á Íslandi.
Ég get borðað eins og kóngur á fjög-
urra stjörnu veitingahúsi fyrir það
sama og túnfisksamloka og kókó-
mjólk kostar í Bónus,“ segir hann.
Matarmenningin er Hugleiki
greinilega hugleikin.
„Eitt af því besta við borgina er
maturinn. Ég er umkringdur óað-
finnanlegum veitingahúsum. Besta
pitsa sem ég hef smakkað er 20
mínútur í burtu. Bestu vængirnir
10 mínútur í burtu. Besta pastað á
næsta horni. Og svo er sambýlismað-
ur minn, Gunni Tynes, konungur
eldhússins. Annars er veðrið hérna
ekkert sérstakt, ef veður mætti kalla.
Stundum smá sól. Stundum smá
rigning. That’s it. Ég sakna hross-
drepandi snjóstormsins á Íslandi.“
Hann fær þó færi á að koma reglu-
legar fram en hann hafði hérna á
Íslandi, þar sem hann þurfti að tak-
marka sig við mun færri skipti.
„Ég skelli mér á svið svona þrisvar
í viku. Ég gæti verið tvisvar á hverju
kvöldi ef ég nennti að standa í því.
Senan hérna er sú stærsta í Evrópu.
Tilvalinn leikvöllur,“ segir hann.
Endurskoðandi í leðurbuxum
Löngum hefur verið gert grín að
Þjóðverjum fyrir að vera helst til
húmorslausir, þó eflaust sé það að
mestu leyti mýta. Hugleikur hefur
þó enn ekki fengið að kenna á því á
eigin skinni.
„Ég hef ekki rekist á þá enn þá,“
segir hann og hlær. „Mínir áhorf-
endur hingað til hafa verið frekar
alþjóðlegir. Sýrlendingar, Líbanar,
Svíar, Kanar, Bretar, Kínverjar,
Króatar og alls konar. Grínistarnir
sem ég hef kynnst eru líka allra
þjóða kvikindi. Ég er í raun ekki
búinn að kynnast Þýskalandi í sinni
steríótýpískustu mynd. Kannski ef
ég kíki út fyrir Berlín mun ég hitta
hinn sanna Þjóðverja, húmorslaus-
an endurskoðanda í leðurbuxum,“
segir Hugleikur.
Hugleikur segist reyna að kíkja
reglulega til landsins, eða á tveggja
mánaða fresti.
„Mér finnst mikilvægt að ná
góðum skrifstofutíma með Rakel,
umboðskonu minni. Og auðvitað að
hitta fjölskyldu mína og vini mína
og tala við þau um hvað bjórinn er
miklu ódýrari í Berlín. Öllum finnst
svo gaman að heyra það. Svo nota
ég líka ferðirnar til að ferja blu-
ray-safnið mitt smátt og smátt yfir
hafið. Það eru reglulega vídeókvöld
á Nakatomi,“ segir hann.
Nakatomi?
„Já, það er það sem við sambýlis-
mennirnir, Þrándur Þórarinsson
listmálari og Gunnar Tynes tón-
skáld, köllum íbúðina okkar. Af því
að gatan heitir Anzengruberstraße.
Sem hljómar eins og Hans Gruber,
vondi kallinn í Die Hard, sem gerð-
ist á Nakatomi Plaza. Þess vegna
heitir heimilið okkar Nakatomi,“
segir hann.
Kvikmynd í kortunum
Það er nóg að gera hjá Hugleiki
þessa dagana þótt hann hafi þá
reglu að vilja sem minnst ræða verk
sem enn eru ekki tilbúin.
„En ég get sagt þér það að akkúrat
núna er ég að vinna að verki ásamt
Árna Jóni Gunnarssyni, sem er mað-
urinn á bak við hinar bráðskemmti-
legu Jón Alón skrípasögur. Við erum
að skrifa kvikmyndahandrit sem er
svo epískt og svo brútal að það mun
enginn vilja framleiða mynd úr því.
Ekki fræðilegur. En við skrifum það
samt. Svo er ég kominn langleiðina
með borðspil sem heitir Íslend-
ingabrók. Það fjallar um bólfarir
Íslendinga og mun líklega skemma
vináttu og rústa samböndum þegar
það kemur út,“ segir Hugleikur.
Finnar hafa reynst vel
Nú er komið út uppistand frá Hug-
leiki sem fólk getur leigt að keypt á
Vimeo.
„Þetta var síðasta giggið í 18 borga
uppistandstúr í gegnum Evrópu.
Ég ákvað að enda í Finnlandi því
Finnar hafa verið mínir tryggustu
fylgjendur frá upphafi. Uppistandið
var tekið upp í leikhúsi í Helsinki.
Ég var voða heppinn því það var
tilbúin leikmynd á sviðinu sem ég
fékk að nota. Þetta var bara tilvalið
til upptöku. Árni Sveins kom til
Finnlands og leikstýrði þessu með
glæsibrag. Upptakan sem var notuð
eru skemmtilegustu 70 mínútur
sem ég hef eytt á sviði.
Var það hernaðarkænska að gefa
það út einmitt núna þegar fólk þarf
að hanga heima?
„Já. Ég sat heima með puttann á
„publish“ takkanum og beið eftir
að tala smitaðra færi yfir hundrað,“
segir Hugleikur, samur við sig að
vanda.
Hann segist enn sem komið er
ekki hafa of miklar áhyggjur af
stöðu mála í heiminum í dag og
reyna eftir fremsta megni að taka
öllu af rögg- og skynsemi.
„Ég fór í fallhlífarstökk í fyrsta
skipti um daginn. Það sem ég
óttaðist mest var ekki að hoppa úr
f lugvél í 15 þúsund feta hæð. Ekki
heldur að hrapa í átt til jarðar á 400
km/klst. Það sem ég óttaðist mest
var hvernig myndi ég bregðast við
þegar í loftið væri kominn. Myndi
ég fá taugaáfall? Myndi ég bók-
staflega skíta á mig af hræðslu? En
blessunarlega tók skynsemin og
rökhyggjan öll völd. Ég hoppaði
úr f lugvél og lifði það af. Við lifum
þetta af. Reynum bara að vera ekki
með kúk í buxunum þegar við
lendum á jörðinni.“
Uppistandið Son of the day er
hægt að nálgast á Vimeo. Vilji fólk
berja Hugleik berum augum verður
það hægt þann 2. apríl á Röntgen.
Miða er hægt að nálgast á tix.is.
steingerður@frettabladid.is
Hoppaði út
úr flugvél og
lifði það af
Grínistinn Hugleikur Dagsson er nú bú-
settur í Berlín. Hann var að gefa út uppi-
standið sitt Son of the day á netinu. Hug-
leikur skrapp í fallhlífarstökk um daginn.
Hugleikur hefur daginn oftast á því að spila Playstation í tæpan klukkutíma og ef það er rigning skellir hann í eróbikkmyndbandi frá hinni einu sönnu Carmen Electra. MYND/GUNNAR TYNES
ÉG HOPPAÐI ÚR
FLUGVÉL OG LIFÐI ÞAÐ
AF. VIÐ LIFUM ÞETTA AF.
REYNUM BARA AÐ VERA EKKI
MEÐ KÚK Í BUXUNUM ÞEGAR
VIÐ LENDUM Á JÖRÐINNI.
1 3 . M A R S 2 0 2 0 F Ö S T U D A G U R26 L Í F I Ð ∙ F R É T T A B L A Ð I Ð
LÍFIÐ