Fréttablaðið - 06.04.2020, Blaðsíða 6

Við höfum mjög
spennandi fyrir-
myndir erlendis frá um
svona miðstöðvar.
Skúli Helgason,
formaður skóla-
og frístundaráðs
Reykjavíkur.
Það hafa fleiri látist af
völdum kórónaveirunnar í
Svíþjóð (401) en í Finnlandi,
Noregi og Danmörku til
samans (278).
LEIKSKÓLAR „Við erum mjög spennt
fyrir þessari hugmynd og teljum
að þetta geti verið vísir að því
sem koma skal í leikskólum fram-
tíðarinnar,“ segir Skúli Helgason,
formaður skóla- og frístundaráðs
borgarinnar.
Borgarráð samþykkti á fundi
sínum í fyrradag að efnt yrði til
opinnar hönnunar- og fram-
kvæmdasamkeppni um nýjan
miðborgarleikskóla og fjölskyldu-
miðstöð. Framkvæmdin er hluti
verkefnisins „Brúum bilið“ sem var
kynnt í nóvember 2018. Markmið
verkefnisins er að fjölga leikskóla-
plássum og brúa bilið milli fæðing-
arorlofs og leikskóla.
Nýr miðborgarleikskóli mun rísa
í suðvesturhluta reits sem afmark-
ast af Grettisgötu, Njálsgötu, Rauð-
arárstíg og Snorrabraut en þekkist
betur sem Njálsgöturóló.
Skúli segir að hugmyndin um
fjölskyldumiðstöð í sama húsnæði
og leikskólinn hafi þróast í undir-
búningsvinnunni.
„Við höfum mjög spennandi
fyrirmyndir erlendis frá um svona
miðstöðvar. Þær eru hugsaðar sem
fyrsti viðkomustaður foreldra
yngstu barnanna þar sem þau geta
fengið svör við brennandi spurn-
ingum um umönnun, uppeldi,
málþroska, hreyfingu og þjónustu
borgarinnar fyrir barnafjölskyldur .
Við sjáum fyrir okkur að miðstöðin
myndi líka gagnast vel í þjónustu
við nýja íbúa, ekki síst foreldra
barna með annað móðurmál en
íslensku.“
Að sögn Skúla er miðstöðin bæði
hugsuð fyrir foreldra barna sem eru
komin inn á ungbarnaleikskóla og
foreldra ungra barna sem eru ekki
komin inn í leikskólakerfið.
„Þar gætu foreldrar fengið ráð-
leggingar og upplýsingar frá fag-
fólki en líka lært af öðrum foreldr-
um,“ segir Skúli.
Á nýja leikskólanum verður
pláss fyrir 116 börn á aldrinum
eins til sex ára. Leikskólinn er hluti
af leikskólanum Miðborg sem er í
dag rekinn á þremur stöðum. Sam-
hliða byggingu nýja leikskólans
verður starfsemi hætt á Njálsborg
og Lindarborg sem þýðir að leik-
skólaplássum fjölgar um 36 þegar
allt er talið.
Skúli segir að það liggi ekki fyrir
hvað verði gert við hitt húsnæðið.
„Þar erum við með leikskóla sem
eru ekki í húsnæði sem hannað
er fyrir þá starfsemi. En þetta eru
falleg hús á mjög góðum stöðum í
borginni þannig að þau munu að
sjálfsögðu nýtast vel í annars konar
starfsemi ekki síst sem íbúðarhús-
næði.“
Á lóð Njálsgöturólós verður
áfram leikvöllur opinn almenningi
og húsnæði sem dagforeldrar nýta
í dag mun halda sér. Skúli segir að
þarna skapist möguleikar á meira
samstarfi dagforeldra og leikskóla.
„Nú fara menn bara á fullt í þessa
samkeppni sem mun væntanlega
taka megnið af árinu. Vonandi fáum
við niðurstöður fyrir árslok þannig
að það væri hægt að keyra af stað í
útboð og framkvæmdir strax í kjöl-
farið.“
Samkvæmt áætlunum á mið-
borgarleikskólinn að rísa á árunum
2021-2022. Þá segir Skúli að reynt
verði að f lýta hugmyndasam-
keppnum vegna byggingar nýrra
leikskóla í Vogabyggð og Skerja-
firði. „Þar verður um að ræða stóra
leikskóla sem við áætlum að geti
þjónað 150 börnum á hvorum stað.
Þessi uppbygging er líka hluti af
verkefninu „Brúum bilið“ þar sem
við munum innan fárra ára bjóða
börnum allt niður í 12 mánaða
í leikskóla en vegna efnahags-
ástandsins verður reynt að spýta
í lófana og hraða verkefnunum.“
sighvatur@frettabladid.is
Fjölskyldumiðstöð og
leikskóli á Njálsgötu
Borgin mun efna til hönnunar- og framkvæmdasamkeppni um nýjan
miðborgarleikskóla og fjölskyldumiðstöð sem munu rísa á Njálsgöturóló.
Formaður skóla- og frístundaráðs segir þetta vísi að leikskólum framtíðar.
Njálsgöturóló hefur verið á sama stað í áratugi en þar mun rísa fjölskyldumiðstöð og leikskóli. FRÉTTABLAÐIÐ/ANTON
SVÍÞJÓÐ Ríkisstjórn Svíþjóðar hefur
óskað eftir víðtækum lagaheim-
ildum til að bregðast við COVID-19
faraldrinum án samráðs við þingið.
Samkvæmt dagblaðinu Expressen
hefur stjórnarandstaðan efasemdir
og er nú unnið að málinu að tjalda-
baki. Ef af verður væri um að ræða
stærstu valdatilfærslu í landinu frá
lokum síðari heimstyrjaldar. Ríkis-
stjórnin hefði þá vald til að setja á
samkomubann, loka verslunarmið-
stöðvum og hamla samgöngum.
„Lífið heldur ekki sinn vanagang
hér í Svíþjóð,“ sagði Lena Hallen-
gren heilbrigðisráðherra við fjöl-
miðla um helgina. Svíar hafa fengið
nokkra gagnrýni fyrir að setja ekki
á útgöngubann eða hert samkomu-
bann vegna faraldursins. Þess í stað
hefur ríkisstjórnin einungis gefið út
tilmæli um að áhættuhópar ættu að
einangra sig og fólk halda tveggja
metra fjarlægð milli hvert annars.
Þeir sem séu með einkenni skulu þó
halda sig heima í tvær vikur.
Alls hafa 6.830 tilvik COVID-19
verið staðfest í landinu, þá hefur
401 látið lífið.
Karl Gústaf Svíakonungur ávarp-
aði þjóðina í gærkvöldi og minnti
landsmenn á að þeir stæðu ekki
einir. Hvatti hann þegna sína til að
halda sig heima um páskana.
„Þessa páska munum við ekki
geta ferðast og varið tíma með fjöl-
skyldu og vinum. Við þurfum að
sætta okkur við það,“ sagði Karl
Gústaf. „Flestum okkar mun ekki
þykja þetta miklar fórnir, þegar við
berum þetta saman við að veikjast
hastarlega ellegar missa ástvin.“
– ab
Hvetur Svía til að halda sig heima
6 . A P R Í L 2 0 2 0 M Á N U D A G U R6 F R É T T I R ∙ F R É T T A B L A Ð I Ð