Feykir - 30.05.2018, Blaðsíða 2

Þrátt fyrir nýafstaðnar sveitarstjórnarkosningar er Feykir
tileinkaður sjómönnum að þessu sinni, enda sjómanna-
dagurinn haldinn hátíðlegur um allt land um næstu helgi.
Undirritaður hefur minna en ekkert að segja af sinni
sjómennsku enda landkrabbi langt aftur í ættir. Þó er
hann eigandi að smá jullu nú
og hefur fært fisk að landi, í
litlu magni þó.
Sem gutti fékk ég að fara
nokkra túra með æskuvini
mínum og nafna, Palla Stefáns,
en pabbi hans, Stebbi Páls var
annálaður sjómaður og hafði
gaman af því að hafa okkur um
borð, líkt og Mannsi og Kalli
Hólm. Ég kýs alla vega að trúa
því. Fyrst man ég eftir að farið
var á Sóleyju SK8 og síðar á
Blátindi.
Ekki man ég eftir neinni frægðarsögu af mér eða
nokkurri hetjulund nema þá helst að hafa ekki orðið sjó-
veikur, öfugt við sjómannssoninn sem spjó reglulega yfir
borðstokkinn.
Einu sinni gubbaði ég þó hressilega eftir að hafa innbyrt
mikið magn af baunasúpu og brimsöltu lambakjöti sem
greinilega hafði gleymst að útvatna. Eftir þann túr gat ég
ekki borðað kjöt og baunir í tvö ár sem var mikill söknuður.
Annar æskuvinur minn, Friggi Pálma, prófaði hins
vegar togaralífið um tíma og lenti hann eitt sinn í miklu
fiskiríi þegar hann var enn blautur á bak við eyrun. Var
verið að veiða grálúðu í gríð og erg og ekkert gefið eftir í
frítíma og Friggi með það hlutverk að henda út slóginu og
því sem ekki átti að hirða. Allt í einu sjá menn að kemur
þessi líka stóri golþorskur inn fyrir borðstokkinn og til að
leyfa þeim nýbyrjaða að sjá eitthvað annað en flatfisk og
groms, ýttu þeir þorskinum til hans. Tók Friggi þorskinn
traustataki og hentir honum útbyrðis. „Hvað ertu að gera
drengur, Hentirðu þorskinum!?“ æptu menn á Frigga sem
spurði sakleysislega á móti: „Nú, erum við ekki á grálúðu?“
Sjómenn, til hamingju með sjómannadaginn!
Páll Friðriksson,
ritstjóri
LEIÐARI
Grálúða og baunasúpa
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Tæp 24 tonn bárust á land í síðustu viku á Skagaströnd með 16 bátum. Á Sauðárkróki
lönduðu tíu skip og bátar rúmum 315 tonnum og á Hofsósi var heildaraflinn tæp þrjú tonn
en þar lönduðu tveir bátar. Einn bátur landaði á Blönduósi tæpu sjö og hálfu tonni og á
Hvammstanga landaði einn bátur sléttum 800 kílóum í tveimur löndunum. Heildarafli
síðustu viku á Norðurlandi vestra var 350.062 kíló. /FE
Aflatölur á Norðurlandi vestra 20. – 26. maí 2018
Heildaraflinn um 350 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Svalur HU 124 Handfæri 701
Sæunn HU 30 Handfæri 1.305
Víðir EA 423 Handfæri 1.016
Alls á Skagaströnd 23.630
SAUÐÁRKRÓKUR
Dagur SK 17 Rækjuvarpa 17.213
Drangey SK 2 Botnvarpa 153.482
Gammur II SK 120 Grásleppunet 1.259
Kristín SK 77 Handfæri 1.590
Maró SK 33 Handfæri 1.575
Málmey SK 1 Botnvarpa 137.112
Steini G SK 14 Grásleppunet 402
Sæfari SK 100 Grásleppunet 1.044
Vinur SK 22 Handfæri 1.104
Ösp SK 135 Handfæri 488
Alls á Sauðárkróki 315.269
HOFSÓS
Skáley SK 32 Grásleppunet 2.684
Skotta SK 138 Grásleppunet 209
Alls á Hofsósi 2893
HVAMMSTANGI
Mars HU 41 Grásleppunet 800
Alls á Hvammstanga 800
BLÖNDUÓS
Onni HU 36 Dragnót 7.470
Alls á Blönduósi 7.470
SKAGASTRÖND
Alda HU 112 Lína 8.395
Arndís HU 42 Handfæri 870
Beggi á Varmalæk HU 219 Handfæri 825
Bjartur í Vík HU 11 Handfæri 1.291
Blíðfari HU 52 Handfæri 864
Bogga í Vík HU 6 Handfæri 1.301
Geiri HU 69 Handfæri 1.204
Guðrún Ragna HU 162 Handfæri 1.239
Jenný HU 40 Handfæri 1.522
Loftur HU 717 Handfæri 729
Lukka EA 777 Handfæri 1.151
Már HU 545 Handfæri 605
Smári HU 7 Handfæri 612
„Hræðslan við fólkið
sameinar meirihlutann“
„Það er ekki annað hægt en að
vera hrærður yfir glæsilegum
kosningasigri Vg og óháðra,
24,4% og fullur þakklætis fyrir
stuðninginn og traust íbúa á
okkur til að þjónusta og vinna
fyrir Skagfirðinga næsta
kjörtímabil,“ segir Bjarni
Jónsson oddviti V listans.
Ekki vantaði mikið upp á
að listinn næði þremur
fulltrúum í sveitarstjórn og
felldi meirihlutann en sá
stuðningur sem listinn fékk
var jafnframt sá mesti á
landinu sem VG fékk. „Það
var svo sannarlega frábær og
hæfileikaríkur hópur fólks á
listanum og ástæða til að
þakka einnig öllum þeim sem
hafa tekið þátt í vegferðinni
fyrir fólkið í firðinum,“ segir
Bjarni sem bendir á annan
sigurvegara, Byggðalistann
sem hann bindur miklar vonir
við að eigi eftir að gera góða
hluti í sveitarstjórn og fyrir
íbúa alls héraðsins.
„Með þeim eigum við
mesta samleið í dag og það
voru skýr skilaboð kjósenda að
þessi tvö framboð ættu að
verkstýra störfum sveitar-
stjórnar næsta kjörtímabil og
taka þar talsvert til hendinni.
Með þeim viljum við starfa og
var nýju fólki í brúnni hjá
Sjálfstæðisflokknum boðið til
viðræðna um samstarf. Í bili er
það hræðslan við fólkið sem
sameinar meirihlutann og
þessa tvo flokka sem var svo
eftirminnilega hafnað í
kosningunum, en flokkarnir
biðu sameiginlega sitt versta
afhroð frá upphafi í Skagafirði
og töpuðu nálægt 400 at-
kvæðum frá síðustu kosn-
ingum. Hvergi tapaði Fram-
sóknarflokkurinn meiru en í
Skagafirði og Sjálfstæðis-
flokkurinn hlaut hvergi minna
fylgi þar sem hann bauð fram
á landinu. Vonandi vegnar
þessum flokkum betur á
komandi kjörtímabili, og ná
að greiða úr málum sem þau
hafa komið sér og öllum
íbúum í leiðinni. Íbúar hafna
leyndarhyggju, vilja opna
stjórnsýslu, gagnsæi og vönd-
uð vinnubrögð, trausta fjár-
málastjórn, rétta forgangs-
röðun, aukna aðkomu að
ákvarðanatöku og jafnrétti
óháð búsetu. Að því munum
við vinna með öllum þeim í
sveitarstjórn sem vilja taka
upp breytt vinnubrögð,“ segir
Bjarni. /PF
Bjarni Jónsson, oddviti V listans.
MYND AÐSEND
Bjarni Jónsson ánægður með útkomu V listans
Það var Sæfari SK 100
sem sökk á Skagafirði
Leiðrétting
Rangt var farið með í seinasta
Feyki nafn bátsins sem sökk
á Skagafirði.
Var hann sagður heita
Farsæll en rétt nafn er Sæfari
SK 100. Eru hlutaðeigandi
beðnir afsökunar á ruglingn-
um.
2 21/2018