Feykir - 06.06.2018, Síða 5
F ÍÞRÓTTAFRÉTTIR Fleiri íþróttafréttir á Feykir.is
Gervigrasið komið á Sauðárkróksvöll
Langþráðum áfanga náð
Línur eru farnar að skýrast í bókstaflegri
merkingu á nýja gervigrasinu á Sauðárkróki en
lokið var við að leggja það á mánudag. Með
tilkomu vallarins er langþráðum áfanga náð
hjá íþróttafólki og áhugamönnum í Skagafirði.
Í gær, þegar myndin var tekin, var verið að
marka völlinn og komnar útlínur og miðlína.
Teigar og bogar voru eftir sem og að bera í hann
sand og gúmmíkurl en að sögn Sigurbjörns
Árnasonar, vallarstjóra, er stefnt á að völlurinn
verði tilbúinn eftir helgi.
Indriði Þór Einarsson, sviðsstjóri veitu- og
framkvæmdasviðs, segir líklegt að völlurinn
verði vígður formlega á 17. júní. /PF
Stólastúlkur gerðu góða
ferð á Húsavík á fimmtudag
í síðustu viku er þær áttu við
Völsung í 2. deild kvenna í
fótbolta. Eftir að hafa verið
1-0 undir í hálfleik sýndu þær
hvert stefnan er tekin og
eftir mikla baráttu skoruðu
þær tvö mörk og tóku stigin
þrjú með sér á Krókinn.
Með sigrinum tylltu þær
sér á toppinn með 6 stig eftir
tvo sigra en næstar koma
stelpurnar í Gróttu með 4
stig, Agnablik og Völsungur
með 3 og Álftanes með 1 en
Fjarðab/Höttur/Leiknir, Hvíti
riddarinn og Einherji eru án
stiga.
Það var Hafrún Olgeirs-
dóttir sem skoraði mark
heimastúlkna á markamín-
útunni í fyrri hálfleik eða á
þeirri 43. en Guðrún Jenný
Ágústsdóttir setti boltann
tvisvar í netið með stuttu
millibili fyrir Stólana, það
fyrra á 59. mínútu og það
seinna á þeirri 65. Vel gert
og áfram Tindastóll! /PF
Kvennaboltinn
Stelpurnar í
Tindastól á toppnum
Tindastóll hefur á góðu liði að skipa og það hafa stelpurnar sýnt í fyrstu tveimur
leikjum sínum. MYND AF STUÐNINGSMANNASÍÐU TINDASTÓLS
Gervigrasvöllurinn á efalaust eftir að koma knattspyrnufólki vel í framtíðinni. MYND: PF
Körfuboltaskóli Norðurlands vestra
Lítur á Tindastól sem lið
Norðurlands vestra
Körfuboltaskóli Norðurlands
vestra var settur á laggirnar
fyrir skömmu að tilstuðlan
Helga Freys Margeirssonar,
hins margreynda leikmanns
Tindastóls. Skólinn er
sérstaklega miðaður að
krökkum sem búa á svæðinu
frá Skagaströnd að
Hvammstanga. Um helgina
voru námskeið bæði á
Hvammstanga og á Blönduósi
og var þátttaka góð.
„Verkefninu hefur verið tekið
mjög vel af öllum og
eftirspurnin eftir
körfuboltanum er klárlega til
staðar,“ segir Helgi Freyr.
Að sögn Helga Freys hafa
komið um 50 krakkar, stelpur
og strákar á aldrinum 8-16 ára
á þau þrjú námskeið sem
Körfuboltaskóli Norðurlands
vestra hefur haldið. „Fyrst var
haldið prufunámskeið á
Blönduósi og tókst það svo vel
að það var strax skellt í tvö til
viðbótar helgina eftir, annað
fyrir hádegi á Hvammstanga og
hitt eftir hádegi á Blönduósi.
Viðbrögð foreldra og krakk-
anna hafa alls staðar verið
jákvæð og krakkarnir tekið
körfuboltanum vel.“ Helgi segir
mikinn efnivið vera á þessu
svæði og áhuginn leynir sér
ekki hjá krökkunum. „Þessi
blanda með hnitmiðaðri
þjálfun leiðir bara til árangurs.
Nú er verið að skoða hvernig
þetta verkefni getur haldið
áfram til að ýta enn undir
áhuga krakkanna á körfu-
boltanum.“
Helgi segist líta svo á að
lið meistaraflokks Tindastóls í
körfu sé lið Norðurlands vestra.
„Í framtíðinni vil ég sjá krakka
af þessu svæði koma í það lið í
meira mæli,“ segir Helgi Freyr
kampakátur eftir vel heppnaða
körfuboltahelgi.
Fylgjast má með starfsemi
skólans á Facebook, Körfu-
boltaskóli Norðurlands vestra.
/PF
Áhugasamir körfuboltakrakkar á Blönduósi hlusta á þjálfarann, Helga Frey en með
honum í þjálfarateyminu eru þau Hannes Ingi Másson og Linda Þórdís Róbertsdóttir.
MYND AF FB
Tindastólsmenn héldu á
Akranes sl. sunnudag og
spiluðu við sprækt lið Kára
í 2. deildinni í knattspyrnu í
fótboltahöll Skagamanna.
Stólunum hefur gengið illa
það sem af er sumri og áttu
enn eftir að næla í stig en lið
Kára hafði unnið þrjá leiki
í röð eftir að hafa tapað í
fyrstu umferð. Því miður
varð engin breyting á gengi
Stólanna því Káramenn unnu
leikinn 5-2 þrátt fyrir að hafa
verið undir, 0-1, í hálfleik.
Lið Kára var sterkari
aðilinn í fyrri hálfleik en gekk
ekki að skora. Stólarnir nýttu
sér þetta ágætlega því Óskar
Smári Haraldsson gerði eina
mark fyrri hálfleiks á 45.
mínútu. Í síðari hálfleik tóku
heimamenn síðan öll völd á
vellinum og Andri Júlíusson
jafnaði leikinn á 56. mínútu.
Hann kom Kára síðan yfir
fimm mínútum síðar en eftir
ágæta skyndisókn á 69. mín-
útu náði Benjamín Gunn-
laugarson að jafna leikinn
fyrir Stólana. Það dugði ekki
fyrir stigi því Andri full-
komnaði þrennuna þegar
stundarfjórðungur var til
leiksloka og síðan bættu Gylfi
Brynjar Stefánsson og Páll
Sindri Einarsson, við mörk-
um.
Í liði Tindastóls áttu Benni
og Stefan Lamanna ágætan
leik og það jákvæða við leik
Stólanna er að liðið getur
skorað mörk. Verr gengur
hins vegar að verjast mót-
herjunum. Stólarnir voru án
þriggja lykilmanna í gær en
í liðið vantaði þá Konna,
Fannar Kolbeins og Bjarka
Árna.
Næstkomandi laugardag
kemur lið Vestra frá Ísafirði í
heimsókn á Krókinn og hefst
leikurinn kl. 14:00. /ÓAB
Karlaboltinn
Kári hafði betur
í Akraneshöllinni
22/2018 5