Fréttablaðið - 22.04.2020, Blaðsíða 6

Við erum engir
nýgræðingar í
niðursveiflum.
Katrín Jakobsdóttir
forsætisráðherra
n Áætlað er að
heildarumfang að-
gerðanna verði 60
milljarðar króna
n Einkareknir fjöl-
miðlar styrktir um
350 milljónir króna
n 14 þúsund fyrir-
tæki fá stuðnings-
pakka. Allt að 800
þúsund krónur fyrir
hvern starfsmann,
2,4 milljóna króna
styrk að hámarki
n Lítil fyrirtæki með
meira en 40 pró-
senta tekjufall geta
fengið lán upp á
6 milljónir króna
með 100 prósent
ríkisábyrgð
n 600 milljónum
króna veitt í frí-
stundastyrki barna
n 200 milljónir króna
fara í stuðning til
Barnahúss, hjálpar-
símann 1717 auk
félagasamtaka sem
sinna ráðgjöf
n 1,5 milljarðar króna
fara í að bæta að-
gengi fyrir fatlað
fólk og lagfæra
byggingar
n Endurgreiðslur
vegna rannsókna
og þróunar verða
hækkaðar úr 20 í 25
prósent
n 500 milljónir króna
verða settar í Mat-
vælasjóð
n 250 milljónir króna
verða settar í
listamannalaun til
viðbótar, nemur
hækkunin um 40
prósentum
n 1 milljarður króna
fer í launaauka til
framlínustarfs-
manna. Nánari út-
færsla er í höndum
heilbrigðisstofnana
n 200 milljónir fara í
nýjan samning við
garðyrkjubændur
n 2,2 milljarðar króna
fara í sérstakt átak
til að fjölga tíma-
bundnum störfum
fyrir námsmenn hjá
hinu opinbera, eða
sem nemur 3000
störfum
n 800 milljónir króna
verða lagðar í að
bjóða upp á sumar-
nám á framhalds-
og háskólastigi
n Atvinnuleysi mun
ná 17 prósentum
í apríl samkvæmt
áætlun Vinnumála-
stofnunar, sem er
mesta atvinnuleysi
frá því að mælingar
hófust árið 1957.
Mun það minnka í
maí
COVID -19 Annar aðgerðapakki
ríkisstjórnarinnar var kynnt­
ur á blaðamannafundi í Safna­
húsinu í gær af Katrínu Jakobs­
dóttur forsætisráðherra, Bjarna
Benediktssyni fjármála ráðherra
og Sigurði Inga Jóhanns syni,
samgöngu­ og sveit ar stjórn ar­
ráðherra. Heildar kostn aðurinn er
metinn á um 60 milljarða króna og
kemur ofan á fyrsta pakkann, sem
metinn var á um 230 milljarða.
Eins og búist var við verður
komið frekar til móts við fyrirtæki
sem orðið hafa fyrir tekjumissi
vegna faraldursins. Kynnti Bjarni
svokallaða lokunarstyrki til handa
þeim fyrirtækjum sem sóttvarnayf­
irvöld hafa skipað að loka, svo sem
hárgreiðslustofum, nuddstofum,
líkamsræktarstöðvum og fleirum.
Eru þetta 800 þúsund krónur á
hvern starfsmann en 2,4 milljónir
að hámarki til hvers rekstraraðila.
Einnig stuðningslán til smærri
fyrirtækja, sem orðið hafa fyrir 40
prósenta tekjufalli, með fullri rík­
isábyrgð að hámarki sex milljónir
króna. Þá verður fyrirtækjum, sem
rekin voru með hagnaði, heimilað
að fresta skattgreiðslum fyrir árið
2019.
Sigurður Ingi kynnti ýmsar
félagslegar aðgerðir og stuðning
til að koma til móts við ýmsa
hópa. Meðal annars verða 540
milljónir lagðar í geðheilbrigðis­
og f jarheilbrigðisþjónustu, 145
milljóna framlag til að tryggja
hjálp og stuðning við þolendur
heimilisof beldis, 55 milljónir
til styrkingar Barnahúss og 200
milljónir fara til f jölsk yldna
langveikra barna. Þá verða börn
í tekjulægri fjölskyldum styrkt
um 600 milljónir til íþrótta­ og
tómstundastarfs.
Vegna tekjutaps jöfnunarsjóðs
verða sveitarfélög styrkt um 1,5
milljarð til að bæta aðgengi fyrir
fatlaða. Verði staða sveitarfélaganna
greind almennt af Byggðastofnun
og tækniþróun efld. Sagði Sigurður
Ingi að sérstaklega yrði horft til
Suðurnesja þar sem atvinnuleysi er
gríðarlega hátt. „Jafnframt boðum
við að skoða þurfi verkefni annarra
sveitarfélaga þar sem atvinnuleysi
er jafnvel komið yfir 40 prósent þó
þar séu færri íbúar,“ sagði hann.
Þ á k y n n t i S i g u r ð u r a ð
eink a rek nir f jölmiðla r y rðu
styrktir um 350 milljónir, vegna
tapaðrar auglýsingasölu og er það
menntamálaráðherra að útfæra
Formenn kynntu víðtækan stuðning
við fyrirtæki og viðkvæma hópa
Formenn stjórnarflokkanna þriggja kynntu annan hluta aðgerða til að mæta efnahagslegum skakkaföllum vegna COVID-19 far-
aldursins á blaðamannafundi í Safnahúsinu í gær. Lokunarstyrkir fyrirtækja, frestun skatta, geðheilbrigðismál og stuðningur við
nýsköpun og einkarekna fjölmiðla eru hluti af aðgerðunum. Heildarkostnaðurinn við aðgerðirnar er metinn 60 milljarðar króna.
Katrín Jakobsdóttir forsætisráðherra kynnti meðal annars stuðning við stúdenta og nýsköpunarfyrirtæki í Safnahúsinu í gær. FRÉTTABLAÐIÐ/ANTON BRINK
Segir hlutabótaleiðina betri og kröftugri leið en að fikta í tryggingargjaldinu
Bjarni Benediktsson fjármálaráð-
herra segir að þær aðgerðir sem
kynntar voru til stuðnings fyrir-
tækjum muni ekki duga fyrir alla
og óumflýjanlega verði gjaldþrot.
Aðgerðirnar séu þó hannaðar til
að ná til breiðs hóps.
„Af þeim 18 þúsund fyrir-
tækjum sem eru með fólk á
launaskrá hjá sér þá sjáum við að
14 þúsund af þeim munu upp-
fylla almennu skilyrðin til að fá
aðgengi að stuðningslánunum,
en þá er aðeins spurningin hvort
þau hafa orðið fyrir því tekjufalli
sem gert er skilyrði um. Sam-
kvæmt grófu mati gætu það verið
um átta þúsund fyrirtæki sem er
gríðarlegur fjöldi fyrirtækja,“ segir
hann.
Aðspurður um eftirlit með
lánum og styrkjum sem nú flæða
úr ríkissjóði segir hann að byggt
sé á sömu meginreglu og fylgdi
brúarlánunum sem kynnt voru
í fyrsta pakkanum. Að lögfesta
öll helstu skilyrði og síðan verði
komið á fót eftirlitsnefnd sem
ber að skila skýrslu til þingsins og
ráðherra um framvinduna.
Lækkun eða afnám tryggingar-
gjalds hefur verið í umræðunni en
er ekki hluti af aðgerðapakkanum.
Bjarni segir að sú leið komi vissu-
lega til móts við atvinnurekendur
hvað launakostnaðinn varðar.
„Það sem við erum að gera með
hlutabótaleiðinni er miklu stærri
og kraftmeiri aðgerð en að fikta
í tryggingargjaldinu, sem er sex
prósent og dugar mjög skammt
gagnvart fyrirtækjum sem eru að
horfa upp á tugprósenta tekju-
hrun.“
Segir hann jafnframt að skoða
þurfi launakostnaðinn í víðara
samhengi. „Nú eru laun að hækka
og lítill vilji til að létta undir með
fyrirtækjunum hvað það snertir.
Eftir því sem launakostnaður
hækkar er eðlilegt, og ég skil það
vel, að fólk fari að horfa á launa-
tengdu gjöldin. Við teljum þó á
þessu stigi máls að við eigum að
vera að horfa til annarra þátta
sem eru skilvirkari,“ segir hann.
Um samráð segir Bjarni að
hagsmunaaðilar hafi haft greiðar
boðleiðir að stjórnvöldum í þessu
ástandi. Margt í félagslega pakk-
anum eigi rætur hjá stéttarfélög-
unum og sumt snýr að fyrirtækj-
um í samtali við atvinnurekendur.
Hvað stjórnarandstöðuna varðar
segir hann að hugmyndirnar hafi
verið kynntar á fundum. „Helsta
tækifæri stjórnarandstöðunnar til
að hafa áhrif á mál eru í gegnum
hina þinglegu meðferð.“
styrkina með reglugerð. Sem og
framlínuálag, eingreiðslu til á þriðja
þúsund heilbrigðisstarfsmanna
vegna ástandsins.
„Við erum engir nýgræðingar í
niðursveif lum,“ sagði Katrín Jak­
obsdóttir og vísaði til efnahags­
hrunsins 2008. „Ég lít svo á að þess­
ar félagslegu aðgerðir endurspegli
þá lærdóma að grípa strax inn í
gagnvart viðkvæmum hópum.“
Sjálf kynnti hún aðgerðir fyrir
námsmenn, að tveimur millj­
örðum yrði varið til tvö til þrjú
þúsund sumarstarfa fyrir stúdenta
og vonast til þess að sveitarfélögin
komi með mótframlag. Einnig verði
námsframboð í sumar aukið og
tveimur milljörðum varið í mennta­
úrræði fyrir atvinnuleitendur.
Stutt verður við nýsköpunarfyrir­
tæki. Rúmlega milljarður króna ferí
stuðning við nýsköpunarsjóðinn
Kríu og hækkaða heimild lífeyris­
sjóða til að fjárfesta í nýsköpun.
„Með þessu erum við að segja að við
ætlum að veðja á þau sóknartæki­
færi sem við teljum að liggi í þekk­
ingargeiranum og nýsköpunargeir­
anum,“ sagði Katrín.
Verður komið á fót nýjum mat­
vælasjóði með 500 milljóna fram­
lagi til þess að tryggja matvælaör­
yggi landsins og að listamannalaun
yrðu aukin um 250 milljónir.
kristinnhaukur@frettabladid.is
✿ Helstu tölur úr öðrum aðgerðarpakka
Bjarni kynnti stuðning við einkafyrirtæki. FRÉTTABLAÐIÐ/ANTON BRINK
2 2 . A P R Í L 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð