Fréttablaðið - 22.04.2020, Side 22

Þorsteinn Friðrik
Halldórsson
tfh@frettabladid.is
Breska fjártækni fyrir­tækið Rapyd, sem hefur undirritað samning um kaup á Korta, áform­ar að fjárfesta veru­leg um f járhæðum í
upp bygg ingu á starf semi íslenska
fær slu hirðinga r f y r ir t æk isins .
Fjár fest ingin miðar að því að tvö­
falda markaðshlutdeild Korta á
næstu þremur árum og að byggja
upp miðstöð vöruþróunar Rapyd í
Evrópu.
„Eitt af því fyrsta sem við hyggj­
umst gera er að ráðast í verulega
fjárfestingu á íslenska markaðin­
um og við munum líklega tvöfalda
starfsmannafjölda Korta,“ segir
Arik Shtilman, forstjóri Rapyd, í
samtali við Markaðinn, en í dag
starfa um 40 manns hjá Korta.
Tilkynnt var um undirritun
kaup samningins, sem er háður
samþykki fjármálaeftirlits Seðla­
banka Íslands, í lok síðustu viku.
Kaupverðið greiðist með reiðufé og
tekur hluti þess mið af rekstri Korta
á þessu ári. Því liggur ekki fyrir
hvert endanlegt kaupverð verður
fyrr en í upphafi næsta árs.
Samkvæmt heimildum Mark­
að ar ins var ráðgjafi Korta Aðal­
steinn Jóhannsson, hlut hafi í Korta
og meðeigandi í f járfest ingar­
bankanum Bryan, Garnier & Co.
Leituðu að kauptækifærum
Rapyd kom inn á greiðslumiðlunar­
markaðinn árið 2016 með tækni­
lausn sem gerir fyrirtækinu kleift
að bjóða viðskiptavinum upp á 900
ólíkar greiðsluleiðir. Breska félag­
ið er meðlimur að VISA Europe og
MasterCard en er hins vegar ekki
með starfsleyfi sem færsluhirðir.
Með kaupunum á Korta fær félagið
slíkt leyfi.
„Framan af hefur fókusinn verið á
að bjóða upp á lausnir sem krefjast
ekki greiðslukorta eða posa. Við­
skipta vinir okkar hafa hins vegar
óskað eftir því að boðið verði upp
á lausnir fyrir greiðslukort og posa,
og þess vegna byrjuðum við að leita
að fyrirtækjum á því sviði,“ segir
Arik.
„Við vorum að skoða ýmis tæki­
færi í Evrópu og Asíu, og okkur datt
ekki í hug að við gætum fundið það
sem við erum að leita að á Íslandi.
Síðan rákumst við á Korta og
okkur þótti mikið til fyrirtækisins
koma,“ bætir hann við. „Við vorum
sérstaklega hrifin af stjórnenda­
teyminu sem er algjört lykilatriði
í yfirtökum sem þessum. Auk þess
er reksturinn stöðugur, vörufram­
boðið er ríkt og það er góð blanda
milli netlausna og posalausna.“
Koma með nýjungar
Rapyd gekk frá 100 milljóna króna
hlutafjáraukningu í október 2019
þar sem fyrirtækið var verðmetið á
meira en milljarð Bandaríkjadala,
jafnvirði 146 milljarða króna. Á
meðal hluthafa er fjártæknirisinn
Stripe, sem er sjálfur metinn á 35
milljarða dali, Oak HC/FT, Tiger
Global Management, General Cata­
lyst og Target Global.
Rapyd rekur nú fjórar stórar
skrifstofur. Vöruþróunin er í höfuð­
stöðvunum í Tel­Aviv en sölustarfið
í Singapúr, San fransisco og London.
„Hugmyndin er að ráða sérhæft
starfsfólk þannig að Korta verði
miðstöð vöruþróunar Rapyd í
Evrópu. Við ætlum einnig að fjár­
festa í sölu­ og markaðssetningu á
íslenska markaðinum vegna þess að
markmiðið er að tvöfalda innlenda
markaðshlutdeild á næstu þremur
árum,“ segir Arik. Aðspurður segir
hann að viðskiptavinir Korta muni
Vilja tvöfalda umsvif Korta á Íslandi
Rapyd, sem hefur undirritað samning um kaup á Korta, áformar að tvöfalda umsvif Korta á Íslandi. Vilja byggja Korta upp sem
miðstöð vöruþróunar. Með kaupunum á Korta fær Rapyd starfsleyfi sem færsluhirðir. Metið á meira en 146 milljarða króna.
Jakob Már Ásmundsson verður áfram forstjóri Korta. Hann hóf störf hjá félaginu í lok árs 2018. FRÉTTABLAÐIÐ/ERNIR
Kaupverðið sagt hlaupa á tugum milljóna dala
Tæknifréttavefurinn CTech
fjallaði um kaup Rapyd á Korta
en heimildarmenn fjölmiðilsins
sögðu kaupverðið hlaupa á
nokkrum tugum milljóna dala.
Arik Shtilman sagði við CTech
í kjölfar undirritunar kaup-
samningsins að efnahagsleg áhrif
kórónafaraldursins hefðu greitt
götuna fyrir yfirtöku.
„Við leituðum til fjárfest-
ingabanka og spurðum hvaða
fyrirtæki væru í lausafjárvand-
ræðum,“ sagði Arik „Mörg fyrir-
tæki sem áttu til dæmis mikið
undir ferðaþjónustu fengu stórt
högg.“
Arik sagði að þetta væri ekki
eina yfirtakan sem Rapyd mun
ganga frá á tímum kórónaveir-
unnar. Þá væri vel í stakk búið
fyrir niðursveiflu í heimshag-
kerfinu eftir síðustu hlutafjár-
aukningu. „Fyrirtæki sem eru
með minna en 50 milljónir dala í
hirslum sínum munu eiga erfitt
uppdrátt, sérstaklega í fjár-
tækni.“
njóta góðs af vöruframboði Rapyd.
„Með okkar tækni geta posar
til dæmis tekið við greiðslum frá
reikningum á Alipay og WeChat
sem eru helstu greiðslulausnir Kín­
verja. Það er mikil eftirspurn eftir
því að posar geti unnið úr ólíkum
tegundum af greiðslum. Auk þess
munum við bjóða upp á nýjungar
í fjármögnun í kortaviðskiptum (e.
point­of­sale financing),“ segir Arik.
Takmarkanir á ferðalögum vegna
kórónafaraldursins knúðu forsvars­
menn fyrirtækjanna til að klára
viðræðurnar með fjarfundabúnað­
inum Zoom.
„Viðræðurnar hófust í janúar og
þegar stjórnvöld um allan heim
byrjuðu að takmarka ferðalög milli
landa vöknuðu spurningar um
hvort hægt væri að klára kaupin
með fjarfundum. Traustvekjandi
stjórnendateymi Korta og góð sam­
skipti okkar á milli sannfærði okkur
um að þetta væri hægt,“ segir Arik.
Fleiri sýndu áhuga
Jakob Már Ásmundsson, forstjóri
Korta, segir að forsvarsmenn Rapyd
hafi haft samband fljótlega eftir ára­
mót. „Við höfðum ekki verið í form­
legu söluferli en alls konar fyrirtæki
hafa sýnt Korta áhuga á undan­
förnum misserum. Viðræðurnar
tóku þannig ekki mjög langan tíma
þótt þær hafi ekki verið auðveldar,“
segir Jakob.
Spurður hvort að salan hafi verið
í hættu vegna efnahagslegra áhrifa
kórónafaraldursins segist Jakob
ekki telja að svo hafi verið.
„Við þurftum augljóslega að taka
tillit til þess í viðskiptunum að það
ríkir mikil óvissa í efnahagslífinu
og það er tekið á því í samning­
unum,“ segir Jakob, en hluti kaup­
verðsins tekur mið af rekstri Korta
á þessu ári. Aðspurður segir Jakob
að afkoman í fyrra hafi verið í sam­
ræmi við áætlanir. „Árið gekk vel og
grunnreksturinn skilaði hagnaði.“
Dýrmæt störf sköpuð
Þá segir Jakob aðspurður að ekki
verði breytingar á stjórnendateymi
Korta við nýtt eignarhald og að
hann verði áfram forstjóri félags­
ins. Hann segir fyrirhugaða fjár­
festingu Rapyd í starfsemi Korta
afar jákvæða.
„Þetta eru dýrmæt störf, sem
hægt er að gera í reynd hvar sem er í
heiminum, og því er afar jákvætt að
við getum við með slíka starfsemi á
Íslandi,“ segir Jakob.
Sem kunnugt er keypti Kvika
banki og hópur einkaf járfesta
Korta á eina krónu í lok árs 2017
og lögðu félaginu um leið til nærri
1.500 milljónir króna í nýtt hlutafé.
Kortafyrirtækið stóð frammi fyrir
alvarlegum lausafjárvanda í kjöl­
far greiðslustöðvunar Monarch
Airlines.
Hlutafé Korta var aukið um 1.055
milljónir í lok árs 2018 en þar af
greiddi Kvika banki tæplega 664
milljónir króna með því að breyta
kröfum sínum í hlutafé. Jakob Már
kom þá inn í hluthafahópinn en
hann lagði kortafyrirtækinu sjálfur
til um 80 milljónir króna.
Kvika var fyrir söluna stærsti
einstaki hluthafi Korta með ríflega
fjörutíu prósenta hlut. Í tilkynningu
Kviku vegna sölunnar er tekið fram
að núverandi mat bankans á kaup­
verði fyrir hlutnum í Korta sé að það
verði í samræmi við bókfært virði
hlutarins um síðastliðin áramót.
Því hafi salan ekki áhrif á afkomu
bankans á þessu rekstrarári.
Aðrir stórir hluthafar eru meðal
annars Bull Hill Capital, sem er að
mestu í eigu Aðalsteins Jóhanns­
sonar, fjárfestingafélagið Óskabein,
félög á vegum Sigurðar Bollasonar
fjárfestis og Sigurður Valtýsson,
fjárfestir og fyrrverandi forstjóri
Exista.
Hugmyndin er að
ráða sérhæft starfs-
fólk þannig að Korta verði
miðstöð vöruþróunar
Rapyd í Evrópu.
Arik Shtilman,
forstjóri Rapyd
146
milljarðar dala er markaðs-
virði Rapyd miðað við
síðustu hlutafjáraukningu
fjártæknifélagsins.
2 2 . A P R Í L 2 0 2 0 M I Ð V I K U D A G U R6 MARKAÐURINN