Bæjarbót - 01.07.1987, Blaðsíða 4

4 Bæjarbót, óháð fréttablað
Þú færð líka
gjaldeyrínn í
Sparísjóðnuni
Munið!
VISA-kortið
er ómissandi
Grunnskóli Gríndavíkur.
Kennararáðningar
ganga hægt
—nýbyggingin verður tilbúin segir
bæjartæknifræðingur
Blaðið hafði samband við
Margréti Gísladóttur, formann
skólanefndar, og spurði hana
hvernig gengi að ráða kennara
að skólanum. All margir kenn-
arar hættu sl. vor og Gunnlaug-
ur Dan skólastjóri er kominn í
árs orlof.
,,Það er búið að auglýsa þó
nokkuð eftir kennurum, en ár-
angurinn er mjög lítill. Meðal
annars tókum við það til ráðs að
útbúa kynningarbréf og senda
til allra nýútskrifaðra kennara,
milli 70-80 talsins. Við höfum
fengið 2 umsóknir frá réttinda-
fólki og 2 frá fólki án réttinda.
Einn kennara er búið að ráða,
Vilborgu Guðjónsdóttur, sem
hefur ákveðið að koma aftur að
skólanum. Yfirstjórn skólans
verður svo breytt. Halldór
Ingvason verður skólastjóri og
Jón Gröndal yfirkennari, en
þeir eru settir i þessar stöður til
eins árs.“
Hvernig ganga framkvcemdir
við nýbygginguna?
,,Eg varð nú fyrir vonbrigð-
um, síðast þegar ég fór að
skoða. Þá var enn verið að
brjóta á milli hæða fyrir lagnir!
Ég hélt satt að segja að öllu slíku
hefði átt að vera löngu lokið.
Bæjartæknifræðingur hefur
lofað því að allt verði tilbúið
fyrir E september, en mér sýnist
að það muni standa tæpt“ sagði
Margrét að lokum.
Norrænu fulltrúarnir ásamt nokkrum af íslensku gestgjöfunum fyrir utan Hesthúsa hellinn.
Norrœnir gestir í Grindavík:
Norðurkollubúar í heimsókn
Miðvikudaginn 24. júní síðast
liðinn komu Norðurkollubúar í
heimsókn til Grindavíkur á
vegum Norræna félagsins í
Grindavík.
Þetta voru alls 15 manns, 5
frá Noregi, 5 frá Svíþjóð og 5
frá Finnlandi, sem voru hér á
landi til að nema íslensku.
Heimsóknin hófst í félagsheimili
Knattspyrnudeildar UMFG. Þar
tóku fulltrúar Norræna Félags-
ins í Grindavík á móti hópnum
ásamt fulltrúa frá Grindavíkur-
bæ.
Eftir þakkarræðu fararstjóra
hópsins, Ivan Sköldblom þakk-
aði hópurinn fyrir kaffið og
meðlætið 'á góðri íslensku!
Síðan var farið að skoða fisk-
vinnslufyrirtæki að ósk hópsins
og varð Fiskanes fyrir valinu.
Þar var bæði frystihúsið og
saltverkunin skoðuð. Þar vökn-
uðu margar spurningar af hálfu
hópsins, en mesta furðu vakti þó
hve margt ungt fólk starfaði
við vinnsluna.
í frystihúsinu rakst hópurinn
á kar fullt af karfa og vildu þau
endilega kaupa nokkra karfa til
að hafa með sér til Reykjavíkur,
þar sem þau ætluðu að snæða
hann og matreiða í Hússtjórnar-
skólanum í Reykjavík.
Síðan var ekið að stöð Hita-
veitu Suðurnesja í Svartsengi og
hún skoðuð. Eftir það var hald-
ið í Bláa lónið, þar sem allir gest-
irnir böðuðu sig við mikla hrifn-
ingu. Að endingu var ekið að
Hesthúshellinum, þar sem
Grindvíkingarnir skildu við
hópinn.
Þegar hóurinn kom til
Grindavíkur fyrst, eftir Krísu-
víkurferðina, fundum við strax
að hann var kominn í tímaþröng
og vildu þau hespa af kaffi-
drykkjunni og fiskhúsferðinni.
En þegar í Bláa lónið og Hest-
húshellinn var komið þá virtist
tíminn ekki skipta neinu máli
lengur.
í Morgunblaðinu 3. júlí er
viðtal við hópinn og þar lýsa þau
mikilli ánægju með Grindavík-
urferðina og baðið í Bláa
lóninu. NG/SÓ

Sparisjóðurinn
er sjóður
Suðurnesj amanna