Bæjarbót - 13.11.1987, Blaðsíða 8

8 Bæjarbót, óháð fréttablað
Gos
Léttöl
Samlokur
Snakk
Filmur
Hraðframköllun
ís í vél
Hamborgarar
Dagblöð
Tímarit
Expresso-kaffi
Cappucino-kaffi
SÍMINNER 68722
Ertu með Heimilis-
og Húseigandatryggingu?
FLAKKARINN
Afengiskaup — áfengissala:
Er það sjálfgefið og óbreytanlegt
að fólk þurfi að ferðast um langan
veg til áfengisinnkaupa?
— „Viljum selja sem minnst með sem mestum
hagnaði“ segir forstjóri ATVR, Höskuldur Jónsson
Allir vilja bætta þjónustu,
helst á öllum sviðum auðvitað.
Þó er til þjónusta við borgarana
sem mjög skiptar skoðanir eru
um. Gott dæmi um það er hvort
opna eigi áfengisútsölu í smærri
bæjum eða ekki.
Reglur sem um það gilda eru
skýrar og einfaldar. Útsölustað-
ir ÁTVR mega aðeins vera í
kaupstöðum. Meirihluti at-
kvæðabærra manna í kaup-
staðnum þarf að samþykkja
opnun. Vilji meirihlutinn ,,ríki“
er málið í höndum ÁTVR sem
setur staðina á ,,biðlista“ og
metur þörfina.
Því hefur löngum verið haldið
fram að brennivínsleiðangrar,
t.d. á föstudögum, valdi minni
verslun á stöðunum þar sem
ekki er ríki. Vilja verslunarmenn
hér fá útibú? „Það er stutt til
Keflavíkur ef menn vantar vín.
Ég er ekkert sérstaklega hrifinn
af hugmyndinni, en set mig þó
ekkert á móti henni! Ég hef bara
ekki hugleitt þetta nægilega"
sagði Sigurður Sveinbjörnsson í
Kaupfélaginu. „Sjálfsagt versl-
ar fólk eitthvað annað en áfengi
í svona ferðum“ sagði Ragnar
Ragnarsson í Staðarkjöri. „Ég
vil auðvitað fá sem mesta og
besta þjónustu inn í bæinn.
Þetta væri kannski einn liður í
því“.
Jón Gunnar bæjarstjóri sagði
þetta mál ekki hafa komið neitt
upp á borð bæjarstjórnar og sér
vitanlega aldrei verið neinn
þrýstingur utan úr bæ. Blaðið
hafði samband við Bjarna
Andrésson forseta bæjarstjórn-
ar og spurði hvernie honum litist
á hugmyndina. „Eg er nú ekki
tilbúinn að taka afstöðu með
eða á móti, en það er auðvitað
sjálfsögð þjónusta að menn geti
keypt áfengi og ég hef ekkert á
móti meiri þjónustu hér innan-
bæjar. Ég hef ekki trú á að opn-
un útibús leiði til meiri drykkju,
en veit að það myndi skapa at-
vinnu í þjónustu hér.“
Höskuldur Jónsson forstjóri
ÁTVR sagði að nú væru nokkrir
kaupstaðir að bíða eftir útsölu-
stöðum eftir að hafa samþykkt
slíkt í atkvæðagreiðslu. Hann
nefndi m.a. Neskaupstað,
Hafnarfjörð, Kópavog, Garða-
bæ og Seltjarnarnes.
„Samkvæmt lögum á ríkið að
reka þessar áfengisverslanir og
um þær gilda almenn viðskipta-
lögmál. Sjálfsagt þarf aldrei
færri en 3 starfsmenn á útsölu-
stað. Erlendis, t.d. í Svíþjóð og
Noregi er gert ráð fyrir 20-25
þúsund manns um hvern útsölu-
stað. Ýmsir staðir hafa sam-
þykkt opnun útsölu, en það er
ekki þar með sagt að ÁTVR telji
skynsamlegt að opna á öllum
stöðum sem samþykkja. Með
meirihluta samþykkt er aðeins
verið að skapa forsendur sem
lögin gera ráð fyrir. Það er ekki
óeðlilegt að það taki menn 15-20
mínútur að komast til útsölu-
staðar, a.m.k. ekki miðað við
núgildandi forsendur fyrir þess-
um rekstri.“
„Núgildandi forsendur“
sagði Höskuldur. Þær eru í
hnotskurn að sala áfengis á ís-
landi er í raun skattstofn, en
ekki þjónusta við borgarana.
Álagning er mjög há og verslun-
in því afar arðbær - skattalega
séð fyrir ríkið. Ef ÁTVR hins
vegar fengi að halda meiru eftir -
skila ríkissjóði færri krónum -
væri vafalaust unnt að leggja í
þann kostnað að opna langt um
fleiri útsölur og auka þannig
þjónustuna - og líklega drykkju-
skap um leið. Þetta eru tvær
ólíkar leiðir. Hvora vill neytand-
inn?
BRAIJT
ER RÉTTUR
STAÐUR FYRIR ÞIG!
Athafnir í stað orða!
Snyrtum og fegrum
bæinn okkar!

Ávallt nýtt efm