Víkurfréttir - 23.01.2020, Qupperneq 4

Útgefandi: Víkurfréttir ehf., kt. 710183-0319 // Afgreiðsla og ritstjórn:
Krossmóa  4a, 4. hæð, 260 Reykjanesbæ, sími 421 0000 // Rit-
stjóri og ábm.: Páll Ketilsson, sími 421 0004, pket@vf.is // Frétta-
stjóri: Hilmar Bragi Bárðarson, sími 898 2222, hilmar@vf.is
// Blaðamenn: Marta Eiríksdóttir, sími 857 8445, marta@vf.is // Sólborg
Guðbrandsdóttir, vf@vf.is // Auglýsingastjóri: Andrea Vigdís Theo-
dórsdóttir, sími 421 0001, andrea@vf.is // Útlit & umbrot: Jóhann Páll
Kristbjörnsson, johann@vf.is // Afgreiðsla: Aldís Jónsdóttir, sími 421
0000, aldis@vf.is, Dóróthea Jónsdóttir, dora@vf.is // Prentun: Landsprent
// Upplag: 9000 eintök // Dreifing: Íslandspóstur // Dagleg stafræn
útgáfa: vf.is og kylfingur.is
Tekið er á móti auglýsingum á póstfangið andrea@vf.is. Auglýsingar berist
fyrir kl. 17:00 á mánudegi fyrir útgáfudag, sem er almennt á fimmtu-
dögum. Móttaka smáauglýsinga er á vf.is. Smáauglýsingar berist fyrir
kl. 15:00 á mánudögum. Sé fimmtudagur frídagur þá kemur blaðið út á
miðvikudögum. Dreifing blaðsins tekur að jafnaði tvo daga og er dreift
inn á öll heimili á Suðurnesjum.
Efni til Víkurfrétta skal berast á póstfangið vf@vf.is. Aðsendar greinar
birtast á vef Víkur frétta, vf.is. Það er mat ritstjórnar hvaða greinar birtast
í prentaðri útgáfu Víkurfrétta. Ekki er greitt fyrir aðsent efni, texta eða
myndir, hvort sem það birtist í blaðinu eða á vefsíðum Víkurfrétta.

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Gerirðu eitthvað sérstakt fyrir makann á bóndadaginn?
Guðmunda Kristín
Ásgeirsdóttir:
„Ég dekra við eiginmanninn alla
daga en hann fær sérstakt dekur
á bóndadaginn, þorramat og
koníak.“
Rakel Heiðarsdóttir:
„Ég mun gera það í ár en ann-
ars þarf ég ekki bóndadag til
að dekra við hann. Þorramatur
er ekki í uppáhaldi.“
Rúna Tómasar:
„Ég gleymi oftast bóndadegi en
þegar ég man eftir deginum þá
hef ég eitthvað gott í matinn,
ekki þorramat.“
Vilborg Einarsdóttir:
„Já alltaf. Ég elda góðan mat
handa honum og svo eigum við
kósí kvöld saman. Við borðum
slátur og sviðasultu en ekkert
endilega á bóndadaginn.“
SPURNING VIKUNNAR
Viðræður um sameiningar fiskvinnslufyrirtækjanna
Vísis hf. og Þorbjarnar hf. í Grindavík hefur verið slitið.
„Meginskýringin er sú að við náðum ekki alla leið með
nógu mörg mál til að klára þetta,“ sagði Gunnar Tómasson,
framkvæmdastjóri Þorbjarnar, í viðtali við Morgunblaðið.
„Þetta þarf mikið lengri tíma. Við slitum viðræðum en erum
enn betur tilbúnir að fara í enn meira samstarf. Við rekum
þrjú fyrirtæki saman og það kæmi jafnvel frekari samrekstur
til greina,“ sagði Gunnar en fyrirtækin sem hann nefnir
eru Haustak, Codland og Pytheas sem er framleiðslu- og
markaðsfyrirtæki í Grikklandi.
Gunnar segir að farið hafi verið í ágætis vinnu og báðir
aðilar kynnst fyrirtækjunum betur. „Við sjáum hvaða snerti-
fletir koma helst til greina. Við eigum eftir að útfæra það
aðeins betur,“ sagði Gunnar og útilokaði ekki að viðræður
hæfust aftur síðar.
Viðræðum um sameiningu Grindavíkurrisa slitið
Helga Þórsdóttir
safnstjóri Listasafns
Reykjanesbæjar
Helga Þórsdóttir hefur verið ráðin í
starf safnstjóra Listasafns Reykjanes-
bæjar. Hún mun hefja störf í byrjun
febrúar.
Helga er með brottfararpróf frá
Myndlista- og handíðaskóla Íslands
ásamt því að hafa lokið M.A. í mynd-
list frá De l’ecole Nationale d’Arts de
Cergy-Pontoise Mention og M.A. í
menningarfræði frá Háskóla Íslands.
Þá hefur hún einnig stundað nám í
innanhúsarkitektúr í Frakklandi og
leiðsögu í Leiðsögumannaskólanum
í Kópavogi.
Hún hefur starfað í Byggðasafni
Vestfjarða frá árinu 2016, m.a. sem
forstöðukona. Þá hefur hún einnig
komið víða við í sýningarstjórn og
textaskrifum um myndlist.
Fasteignasalan Ásberg ehf. hefur lagt fram tillögu að deiliskipulagi fyrir lóðina
Hafnargata 27 í Keflavík með uppdráttum frá Unit ehf. Tillagan hefur verið aug-
lýst og engar athugasemdir bárust á auglýsingatíma sem lauk 30. desember 2019.
Í tillögu felst að fjarlægja núverandi hús að Hafnargötu 27 að hluta eða í heilt
og reisa fimm hæða fjölbýlishús, auk bílgeymslu á einni hæð austan við húsið.
Í nýju húsi er gert ráð fyrir skrifstofu- eða verslunarhúsnæði á jarðhæð og sam-
tals allt að tólf íbúðum á hæðum fyrir ofan.
Á fundi umhverfis- og skipulagsráðs Reykjanesbæjar var samþykkt að senda
tillöguna til Skipulagsstofnunar til endanlegrar afgreiðslu.
Tólf íbúðir í nýju húsi
að Hafnargötu 27
Svona verður Hafnargata 27 ef af áformunum verður.
Mynd úr gögnum umhverfis- og skipulagsráðs Reykjanesbæjar.
Rétturinn
Ljúffengur
heimilismatur
í hádeginu
Opið:
11-14
alla virka daga
Samkvæmt reglum Reykjanesbæjar um
fjárhagsaðstoð skal velferðarráð taka
ákvörðun um hækkun grunnfjárhæðar
fjárhagsaðstoðar ár hvert. Hækkun á
grunnfjárhæð fjárhagsaðstoðar miðast
við framreikning á vísitölu neysluverðs
í desember ár hvert. Á síðasta fundi
velferðarráðs var lagt til, í samræmi
við framreikning, að grunnfjárhæð
fjárhagsaðstoðar fari úr kr. 149.678,-
í kr. 152.717,- pr. mánuð árið 2020.
Velferðarráð samþykkir hækkunina.
Bæjarráð Grindavíkur telur ekki
forsvaranlegt að viðhalda gömlum
vatnstanki við Melhólabraut í
Grindavík. Tankurinn stendur skv.
aðalskipulagi á skipulagðri íbúða-
byggð. Af þeim sökum telur bæjar-
ráð ekki forsvaranlegt að leggja í
kostnað vegna viðhalds.
Bæjarráð samþykkti samhljóða á
fundi sínum á dögunum að gamli
vatnstankurinn verði rifinn í vor.
Árið 1992 stóð til að rífa gamla
vatnstankinn sem stendur ofan við
bæinn austanmegin við Grindavíkur-
veginn. Jón Steinar Sæmundsson
rifjaði málið upp á fésbókarsíðu
sinni á nýliðnu ári. Þar segir að þá
þótti mönnum of dýrt að rífa gripinn
og því var Vilborg Guðjónsdóttir
myndmenntakennari við Grunn-
skóla Grindavíkur fengin til að mála
tankinn til þess að gera úr honum
bæjarprýði.
Það var svo sumarið 1992 sem að
Vilborg gengdi stöðu flokkstjóra í
vinnuskólanum að hún fékk hjálp við
verkið frá unglingunum sem voru í
vinnu hjá henni. Að sögn Vilborgar
tók um hálft sumar að mála tankinn,
oft kom rigning og þá þurfti að hætta
og svo var ansi mikil hæð og misfella
í kring þannig að fara þurfti varlega.
Á þessum tíma sem liðinn er hefur
einu sinni verið farið yfir verkið.
Gamli vatnstankurinn við Melhólabraut verður rifinn í vor.
Ljósmynd: Jón Steinar Sæmundsson
Gamall vatnstankur
verður rifinn í vor
Grunnfjárhæð fjárhagsað-
stoðar Reykjanesbæjar hækkar
Minja- og sögufélag Vatnsleysustrandar
hefur óskað eftir því að umhverfinefnd
Sveitarfélagsins Voga ræði ástand Ara-
hólavörðu og samþykki að unnið verði
að endurbótum á henni. Málið var tekið
fyrir á fundi nefndarinnar í síðustu
viku.
Í afgreiðslu umhverfisnefndar segir
að nefndin taki undir með félaginu að
varðan þarfnast lagfæringar. Hafa þurfi
í huga lög um friðuð mannvirki við
endurbæturnar og leita ráða sérfróðra
svo vel megi fara. Bæjarstjóra Voga er
falið að koma verkinu í réttan farveg.
Arahólsvarða í Vogum
í góðum félagsskap árið 1940.
Mynd af vef Sveitarfélagsins Voga.
Arahólsvarða í Vogum
þarfnast lagfæringa
4 // VÍKURFRÉTTIR Á SUÐURNESJUM Í 40 ÁR fimmtudagur 23. janúar 2020 // 4. tbl. // 41. árg.