Íþróttablaðið - 01.08.1966, Blaðsíða 7
mál argentísku leikmannanna með
tilliti til næstu heimsmeistarakeppni.
V.-Þýskaland—Uruguay 4—0.
Ekki var þessi leikur betri — og
þar var einnig skapofsi Suður-
Ameríkumanna — sem allt setti á
annan endann. Að vísu eiga þeir
nokkra afsökun, því enski dómarinn
Pinney sá ekki augljósa vítaspyrnu
(sjá mynd) Þjóðverjans Schnellingar
fljótlega í leiknum, og það kom þeim
úr jafnvægi — og þegar leið á leikinn
var tveimur leikmönnum liðsins vísað
af leikvelli. Þá fyrst náðu Þjóðverjar
yfirtökunum, en þeir höfðu þó skor-
að mark á 11. mínútu — og í síðari
hálfleik var aðeins spurning hve
mörg mörk Þjóðverjar skoruðu.
Portúgál—N.-Kórea 5—3.
Þetta var skemmtilegasti leikurinn
1 þessari umferð — og enn voru það
hinir smávöxnu Kóreumenn, sem
komu á óvart — þeir skoruðu strax
á fyrstu mínútu leiksins og eftir 25
min. stóð 3—0 fyrir Kóreu! Áhorf-
endur á Goodison Park í Liverpool
vissu ekki sitt rjúkandi ráð - en þetta
setti þó portúgölsku leikmennina
ekki úr jafnvægi — að minnsta kosti
ekki „svörtu perluna“ Eusebió og á
næstu 35 mín. leiksins skoraði hann
fjögur mörk og sneri taflinu alveg
við og 10 mín., fyrir leikslok skoraði
Augusto fimmta mark Portúgal. Það
var greinilegt, að Kóreumenn höfðu
„sprengt sig“ á hinum gífurlega
hraða fyrst í leiknum — og þegar
leið á leikinn dofnaði mjög leikur
liðsins. En í heild var leikurinn þó
mjög skemmtilegur — sennilega
skemtilegasti leikurinn í keppninni
— enda átta mörk í leik ekki dag-
legur viðburður í HM — og auk þess
prúðmannlega leikinn. Kóreumenn
stóðu virkilega fyrir sinu í þessari
keppni og féllu með sóma — og það
er meira en hægt var að segja um
mörg önnur lið í keppninni.
Sovétríkin—Ungverjaland 2—1.
„Bezta liðið i keppninni féll úr
vegna þess, að það átti ekki mark-
verði, sem höfðu getu eða kunnáttu
til að keppa á HM“, sagði hinn frægi
leikmaður, nú blaðamaður hjá Ex-
press, Danny Blanchflower, eftir
þennan leik. Tvívegis urðu markverði
Ungverja á hin herfilegustu mistök í
leiknum, sem sovézku leikmennirnir
notfærðu sér vel og skoruðu. Þó Ung-
verjar ættu miklu meira í leiknum
tókst þeim illa að finna leið gegnum
sovézku vörnina — og þegar það
tókst var Jashin markvörður á sínum
stað og varði frábærlega. Honum
tókst þó ekki að hindra Bene að
skora á 58. mín. og við það komst
spennan í hámark og eins marks
munur. En fleiri urðu mörkin ekki,
þrátt fyrir stöðugar sóknarlotur
Ungverja. Þeir máttu því halda heim
við svo búið — en óhætt er að reikna
með miklu af ungverska liðinu í
framtiðinni, því flestir liðsmenn eru
ungir leikmenn — reyndar það ungir,
að fyrirfram var álitið að liðið hefði
litla möguleika til að ná nokkrum
árangri vegna reynsluleysis.
Og þá var komið að undanúrslit-
um og fjögur Evrópulið eftir.
Þýzki bakvörourinn Scnneumger siær knotunn frá á marklinu í leiknum gegn Uruguay
155