Fréttablaðið - 23.07.2020, Page 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Kristjón Kormákur Guðjónsson kristjon@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Æstur lýður
fær reglulega
nánast
taugaáfall
vegna orða
annarra.
Aðrir sjá
síðan ekkert
athugavert
við að hóta
ofbeldi.

Hér er á
ferðinni
kjörið
tækifæri til
efnislegrar
umræðu um
innihald
stjórnar-
skrárinnar.
Hætt er við því að sá einstaklingur sem tekur sér dágóðan tíma á netinu til að skoða helstu frétta- og umræðu-síður verði nokkuð ringlaður því þar eru svo margar fréttir af fólki sem er í uppnámi vegna þess að einhver annar
hefur misboðið því. Ef einstaklingurinn, sem fer á
netið til að leita frétta, er í eðli sínu fremur geðgóður
og lítið fyrir ofstopa, þá verður hann æði dasaður af
að lesa svo margar frásagnir sem lýsa fólki í gríðar-
legu tilfinningauppnámi. Það er eins og það hafi
fátt annað fyrir stafni en að vakta það hvort einhver
hafi ekki örugglega látið út úr sér orð sem það getur
froðufellt yfir.
Í nýlegri frétt mátti lesa að mikil gremja ríkti á
ýmsum bæjum vegna þess að leikkona, Þórdís Björk
Þorfinnsdóttir, lýsti skoðun sinni á Raufarhöfn og
Kópaskeri á Instagram. „Jæja þá erum við búin að
koma á helv.. Kópasker. Keyrðum á Kópasker og
Raufarhöfn bara til að geta krossað það út af listan-
um, mæli alls ekki með að koma hingað, bara alls alls
ekki gera það,“ sagði leikkonan. Það mun hafa verið
tveggja gráðu hiti á þessum slóðum, hvínandi rok
og rigning og orð leikkonunnar áttu víst ekki síst að
beinast að þeirri eymd.
Viðbúið var að þessi Instagram-færsla yrði til þess
að hópur fólks myndi móðgast gríðarlega fyrir hönd
Kópaskers og Raufarhafnar. Leikkonan fékk yfir sig
holskeflu viðbjóðslegra svívirðinga með tilheyrandi
líf látshótunum, og af því að hún er kona bættust
nauðgunarhótanir þar við.
Sú sem þetta skrifar man eftir því að skólasystir
hennar var á sínum tíma ekki hrifin af Djúpavogi,
horfði á staðinn og sagði af sannri fyrirlitningu:
Hver getur eiginlega hugsað sér að búa hér?! Sem var
náttúrlega alls ekki sanngjarnt, enda hefur Djúpi-
vogur löngum verið sjarmerandi. En þar sem þetta
var löngu fyrir tíma Instagram hafði skólasystirin
ekki tök á að lýsa þessari skoðun sinni opinber-
lega og slapp því við holskeflu formælinga. Hún
hefur því aldrei þurft að biðjast afsökunar og iðrast
opinberlega. Sjálfsagt slapp hún þar billega, svona
á nútímamælikvarða. Sjálfur hefur pistlahöfundur
sína skoðun á Garðabæ og skiptir þá engu hvernig
þar viðrar hverju sinni. Þessari skoðun kýs pistlahöf-
undur þó að halda fyrir sig, eins og ýmsu öðru.
Í samtíma okkar er rík hneigð hjá fólki til að láta
aðra vita hvað það er að hugsa og hvað það er að
aðhafast hverju sinni. Þetta borgar sig svo sannarlega
alls ekki alltaf, eins og ótal dæmi sanna. Æstur lýður
fær reglulega nánast taugaáfall vegna orða annarra.
Aðrir sjá síðan ekkert athugavert við að hóta of beldi.
Leikkonan lætur ekki buga sig. Hún sér enga ástæðu
til að sætta sig við þetta, lætur ofstopafólk ekki
stöðva sig og ætlar að kæra hótanirnar til lögreglu.
Hinir þolinmóðu segja gjarnan æsingafólkinu til
afsökunar að það eigi eftir að læra á samskiptamiðla
og þegar það gerist muni það tileinka sér siðaðra
manna framkomu. Ljóst er að biðin eftir því mun
engan enda taka.
Hótanir
Tillögur um breytingar á II. kafla stjórnarskrár-innar hafa nú um nokkurt skeið legið frammi á samráðsgátt stjórnvalda. Þarna er um að ræða
breytingar sem varða handhafa framkvæmdavalds-
ins; forseta, ríkisstjórn og tengd efni.
Umsagnarfrestur rann út í gær en þess má vænta
að talsverð umfjöllun eigi eftir að eiga sér stað um
innihald tillagnanna áður en þær verða lagðar fram á
Alþingi. Full ástæða er til málefnalegrar umræðu um
þessi ákvæði, jafnt þau sem fela í sér raunverulegar
breytingar og þau sem gera ráð fyrir óbreyttri skipan.
Sjálfur er ég þeirrar skoðunar að breytingar á forseta-
kaflanum eigi fyrst og fremst að færa orðalag og fram-
setningu ákvæða til samræmis við framkvæmdina
á lýðveldistímanum. Þannig finnst mér ástæðulaust
að gera ráð fyrir formlegri aðkomu forseta að ákvörð-
unum, sem alfarið eru í höndum ráðherra og á þeirra
ábyrgð. Að þessu leyti hefðu tillögurnar í samráðsgátt-
inni mátt ganga lengra. Eins tel ég þörf á að fjalla nánar
um nýjar tillögur um stjórnarmyndun og þingrof, sem
ég efast um að séu til bóta. Loks verð ég að geta þess að
ég hef ekki enn séð rökin fyrir þeim breytingum, sem
varða lengd og fjölda kjörtímabila forseta.
Ég hef hér nefnt nokkur atriði í frumvarpsdrögun-
um, sem tilefni er til að rökræða frekar. Færa má ágæt
rök fyrir mismunandi sjónarmiðum um hlutverk for-
setaembættisins og valdmörk þess gagnvart öðrum
handhöfum ríkisvaldsins. Skoðanaskipti um þessi
mál eru mikilvæg og ekkert að því að ólík sjónarmið
komi fram. Mestu skiptir hins vegar að sem víðtækust
sátt náist um útkomuna og að breytingar – verði þær
gerðar – skili skýrum og ótvíræðum niðurstöðum.
Hvað sem öðru líður er hér kjörið tækifæri til efnis-
legrar umfjöllunar um innihald stjórnarskrárinnar.
Vonandi munu sem flestir fræðimenn, stjórnmála-
menn og aðrir áhugamenn um stjórnskipunarmál
leggja sitt af mörkum. Það væri kærkomin tilbreyting
frá þeim skotgrafahernaði og stagli, sem einkennt
hefur stjórnarskrárumræðuna, frá því að umdeildar
tillögur stjórnlagaráðs sigldu í strand veturinn 2012
til 2013.
Upp úr skotgröfunum?
Birgir
Ármannsson
þingmaður
Sjálfstæðis-
flokksins
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Gjafir virkjunar
Eitt vinsælasta náttúruundur
landsins þetta sumarið er
Stuðlagil í Jökuldal á Fljótsdals-
héraði. Þangað halda Íslendingar
í hrönnum enda loksins nægt
rými þar sem engir erlendir
ferðamenn sitja um dýrðina.
Áhugi náttúruunnenda á þessum
einstaka stað helgast ekki síst
af því að fegurð hans kom bara
nýlega í ljós að fullu og því hafa
ekki margir upplifað hana. Það
er eiginlega kaldhæðni örlaganna
að þegar Kárahnjúkavirkjun var
tekin í notkun snarminnkaði
vatnsmagnið í Jöklu og perlan
kom í ljós. Stuðlagil gæti því
verið sterkt áróðursvopn virkj-
anasinna. „Drekkjum þessum
dal og uppgötvum næstu perlu“,
gæti slíkt slagorð hljómað.
Fárviðri í netheimum
Nýjasta fárviðrið á samfélags-
miðlum virðist hafa fjarað út.
Oft hafa Íslendingar rifist um
heimskulega hluti en þarna var
líklega sett nýtt landsmet. Net-
verjar með móðgunarþrá rifu
lélegan brandara úr samhengi.
Í einni hendingu helltu Raufar-
hafnarbúar í tjörubað á meðan
þorparar úr Kópaskeri fóru ráns-
hendi um varplönd í leit að fiðri.
Heykvíslarnar námu við himin á
meðan hin opinbera hirting átti
að eiga sér stað. Í öllum æsingnum
duttu þó einhver þorpsfíf l ofan í
pottinn, f lóðalda myndaðist og
eftir stóðu bæjarbúar tjargaðir og
fiðraðir. Enginn kom samt út úr
þessu fárviðri sem sigurvegari.
2 3 . J Ú L Í 2 0 2 0 F I M M T U D A G U R12 S K O Ð U N ∙ F R É T T A B L A Ð I Ð
SKOÐUN