Morgunblaðið - 20.01.2020, Qupperneq 8

8 FRÉTTIRInnlent
MORGUNBLAÐIÐ MÁNUDAGUR 20. JANÚAR 2020
Erlendar stofnanir reyna í vax-andi mæli að hafa áhrif hér á
landi. Þetta er varhugaverð þróun
en dapurlegt að fylgjast með ein-
staka Íslendingum sem styðja þetta
og taka afstöðu með óeðlilegri
íhlutun og afskiptum af innlendum
málefnum. Þeir vilja jafnvel að
gengið sé enn lengra en þegar hef-
ur verið gert og tala í því skyni
stundum niður til þess sem tíðkast
hér á landi en láta eins og allt sé til
fyrirmyndar hjá
yfirþjóðlegum
valdastofnunum.
  
Ein þeirrastofnana
sem sýna hvað
mesta ásælni og hafa hvað mest af-
skipti af innanlandsmálum ríkja,
langt umfram það sem eðlilegt gæti
talist til að tryggja góð samskipti
og frjáls viðskipti landa á milli, er
Evrópusambandið.
  
Sú stofnun setur sig iðulega á há-an hest og í dómarasæti yfir
einstökum ríkjum (nema þegar það
hentar ekki hagsmunum stofnunar-
innar, eins og til dæmis þegar
Spánn fangelsar stjórnmálamenn í
Katalóníu).
  
Á sama tíma sér þessi stofnunekkert athugavert við það að
stórfyrirtæki séu fengin til að vera
sérstakir „styrktaraðilar“ þegar
ríki taka að sér að vera í forsæti
fyrir ráðherraráðinu.
  
Og nú, mitt í meintri baráttuESB gegn útblæstri kolefnis,
hefur Króatía fengið olíufélag til að
styrkja sig til að taka að sér for-
sætið.
  
Evrópusambandið sjálft sér ekk-ert að þessu – og hið sama á
líklega við stuðningsmenn þess, hér
og annars staðar.
Olíustyrkt forsæti
Evrópusambandsins
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Smiðjuvegi 4C | 200 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt
Kafarar komu á laugardag böndum
á Eið, stærsta bátinn sem varð fyrir
snjóflóðinu á Flateyri í síðustu viku.
Er hann nú bundinn við bryggju, en
ekki var hægt að koma honum á
land í gær vegna veðurs.
„Við höfum ekkert getað gert í
dag (gær) út af vindi. En báturinn
er hér við bryggju og fer ekki
neitt,“ segir Guðmundur Kristjáns-
son hafnarstjóri í samtali við mbl.is.
Sex bátar voru í höfninni er snjó-
flóðið reið yfir og lentu fimm þeirra
undir flóðinu.
Einhver bið enn
Kafarar á vegum fyrirtækisins
Sjótækni unnu að því að koma bátn-
unum að landi. Starfsmenn á varð-
skipinu Þór aðstoðuðu einnig við
verkið og norskur kranabátur sem
hefur verið í þjónustu Arnarlax í
Arnarfirði kom til Flateyrar á laug-
ardag. Einum bátnum, Blossa ÍS,
var komið á land í fyrrakvöld áður
en bætti í vind, og segir Guðmund-
ur að stefnt sé að því að næst verði
stærsta bátnum, Sjávarperlu, komið
á land. Einhver bið gæti þó orðið á
því.
„Það eru ekki góðar líkur á að við
getum athafnað okkur neitt á
mánudag heldur, en þetta ræðst
auðvitað bara af veðri.“
Kafarar komu böndum á Eið
 Vonskuveður kom í veg fyrir björg-
unarstarf í gær  Blossi náðist að landi
Ljósmynd/Páll Önundarson
Dreginn að landi Blossi var dreginn
að landi og er bundinn við bryggju.
Þjóðminjasafn Íslands er í flokki tíu
bestu safna í höfuðborgum Evrópu,
samkvæmt nýlegri úttekt breska
blaðsins The Guardian. Umfjöllun
um þetta er birt á ferðamálasíðum
fjölmiðilsins, bæði í blaðinu og á
vefsetri þess.
Aðrar stofnanir sem komast á
þennan lista eru til dæmis bílasafn-
ið í Malaga á Spáni, risaeðlurnar í
náttúruminjasafninu í Brussel og
listasafnið í Bologna á Ítalíu. Einn-
ig gamli miðbærinn í Árósum í Dan-
mörku, en sá staður var menning-
arborg Evrópu árið 2017.
„Að komast á þennan lista er
óvæntur heiður og mjög skemmti-
legt,“ segir Margrét Hallgríms-
dóttir þjóðminjavörður í samtali við
Morgunblaðið. Hún minnist þess að
árið 2006 hafi Þjóðminjasafn Ís-
lands fengið sérstaka viðurkenn-
ingu Evrópuráðs safna fyrir grunn-
sýninguna sem opnuð var árið
2004, þá eftir miklar endurbætur á
safnahúsinu.
„Ég lít á þetta sem lof til alls
safnastarfsins á Íslandi, þar sem
Þjóðminjasafnið er í aðalhlutverki í
faglegu starfi.“
Blaðamenn The Guardian segja
Þjóðminjasafn Íslands gefa
skemmtilega innsýn í menningar-
söguna með því að stilla saman
forngripum og gagnvirkum skjá-
myndum. Á grunnsýningu safnsins
megi sjá muni frá víkingatímanum,
keltneska skartgripi, kristilegar
helgimyndir, dönsk konungs-
málverk og myndir af verkfalli
kvenna 1975. Einnig sé þar skáli
sem sýni baðstofur íslensku torf-
bæjanna. Þar veki athygli sú forna
íslenskra geymsluaðferð að grafa
mat og geyma – en þetta hafi verið
leið Íslendinga fyrri tíðar til að lifa
af. „Ferðamenn sjá Íslendinga og líf
þeirra í alveg nýju ljósi með því að
skoða grunnsýninguna,“ segir í
The Guardian. sbs@mbl.is
Þjóðminjasafnið í
hópi þeirra bestu
Morgunblaðið/Sigurður Bogi
Óvæntur heiður Margrét Hall-
grímsdóttir þjóðminjavörður.