Morgunblaðið - 21.01.2020, Síða 12

12 | MORGUNBLAÐIÐ
Jaguar Land Rover hefur hannað og
hafið þróun á bílsætum sem sögð eru
það nýstárleg að fólk standi í þeirri trú
að það sé að æfa sig þegar setið er í
þeim.
Sætið er á stöðugri ferð og sá er í því
situr hefur á tilfinningunni að hann sé á
gönguferð; þannig nuddar sætið gang-
vöðvana. Tilgangurinn er að líkja eftir
hreyfingum og togkröftum gangs til að
minnka hætturnar sem fylgja langvar-
andi kyrrsetu undir stýri.
Svo háþróað er sæti þetta að það
lagar sig að stærð og fyrirferð hvers og
eins, bílstjóra sem farþega.
Samkvæmt gögnum Alþjóða heil-
brigðisstofnunarinnar (WHO) situr
rúmur fjórðungs mannkynsins – um 1,4
milljarðar manns – of lengi dag hvern.
Slík seta stuðlar að vöðvaskemmdum í
fótleggjum, mjöðmum og þjóvöðvum.
Sú hætta ógnar sérstaklega fólki sem
ekur að staðaldri langt og mikið.
agas@mbl.is
Sætið blekkir hugann á meðan ekið er
Nuddsæti JLR kallar fram
hjá fólki tilfinningu eins
og það sé að ganga.
Genfarborg í Sviss hefur ákveðið
að fara sínar eigin leiðir hvað
varðar umferðarskilti meðfram
vegum og víkja alþjóðlega við-
urkenndum leiðbeiningar- og
bannskiltum þegar svo ber undir.
Allt er þetta gert í þágu jafn-
réttis kynjanna, en skiltum með
mynd af karlmanni á verður
skipt út fyrir skilti með konu á.
Þau hafa ekki verið framleidd til
þessa en breyting verður þar á
með ákvörðun borgaryfirvalda í
Genf.
Verða 250 „kvennaskilti“ sett
upp næstu daga, en þau eru í
samtals sex útfærslum. Tvær nýj-
ar útgáfur af gangbraut-
arskiltum liggja nú fyrir, ein af
dansandi ungri stúlku með stert
og hin með mynd af miðaldra
konu að ganga yfir veg á gang-
braut.
Samhliða þessu er nú unnið að
því á borgarkontórnum að breyta
götuheitum á þann veg að þau
verði ögn kvenlegri en áður.
Í Genf í Sviss eru jafnréttisviðhorf komin inn á umferðarskilti borgarinnar.
Jafnrétti á umferðarskiltum
Framtíðin er í Phoenix í Arizona-
ríki, en þar er Google-tengda fyrir-
tækið Waymo að þróa bíltækni til
sjálfaksturs. Taka um 600 bílar þátt
í þeim og í engum þeirra hefur bíl-
stjóri setið undir stýri.
Alls hafa um 1.500 manns notað
bílana til að fara á milli staða.
Panta þeir bíl til sín gegnum eigið
smáforrit Waymo eða gegnum Lyft.
Þá hefur hluti flotans verið nýttur
til að aka bögglum heim til neyt-
enda frá pöntunarfyrirtækjum.
Að sögn forstjóra Waymo, Johns
Krafcik, hafa bílstjóralausir bílar
fyrirtækisins lagt að baki 32 millj-
ónir kílómetra við þróun sjálf-
akstursbúnaðarins. Þetta jafngildir
800 ferðum hringinn um jörðina við
miðbaug, 40 ferðum til tunglsins og
til baka, og 1.400 meðaltals
akstursárum bandarískra öku-
manna.
Við allan þennan akstur hafa að-
eins orðið nokkur minniháttar
óhöpp. Það alvarlegasta varð lík-
lega árekstur í hitteðfyrra, 2018,
við prófanir á hraðbraut í Kali-
forníu. Orsakir hans voru þær að í
bílnum sem klessti sat bílstjóri sem
sofnaði undir stýri á ferð. Steig
hann í leiðinni á bensíngjöfina, sem
aftengdi um leið sjálfakstursbún-
aðinn.
Bílar Waymo sem aka fram og
aftur um Arizona-ríki við próf-
anirnar eru hvítir tvinnbílar af
gerðinni Chrysler Pacifica. Í náinni
framtíð hefjast prófanir á rafbílum
og hefur Waymo samið við Jaguar
um kaup á allt að 20.000 Jaguar I-
Pace.
Waymo er í eigu eins af dóttur-
félögum Google, Alphabet. Búist er
við að það bæti fljótlega við akst-
ursprófunum í öðrum bandarískum
stórborgum. Fyrstu I-Pace eru þeg-
ar komnir í prófanir víða um Kali-
forníu. Þar er þeim þó enn sem
komið er bannað að rukka fyrir
þjónustu sína.
agas@mbl.is
Ljósmynd/Waymo
Waymo hefur samið um kaup á allt að 20.000 Jaguar I-Pace-rafbílum.
Mannlausir í 32 milljónir km