Harmonikublaðið - 01.05.2017, Page 19

Baldur Geirmundsson
Baldur Geirmundsson fæddist að Látrum í
Aðalvík í október 1937 og ólst upp í sjö
systkina hópi. Fyrstu kynni hans af tónlist
voru á dansleikjum á Sæbóli í Aðalvík, þegar
hann var sex ára gamall (orðið kynslóðabil
varð til „fyrir sunnan“ löngu seinna). Annars
var ekki mikið um hljóðfæri á heimili hans.
Þó hefur verið minnst á greiðu og munnhörpu.
Menn voru ekki kröfuharðir á Hornströndum
á þeim tíma.
Baldur flutti með foreldrum sínum í Hnífsdal
á níunda ári sumarið 1946. Eldri bróðir hans
Gunnar, eignaðist harmoniku fljótlega. Að
sjálfsögðu þurfti litli bróðir að kanna þetta
undratæki og þegar Baldur var búinn að fá
hana lánaða nokkrum sinnum gaf Gunnar
honum nikkuna. Baldur hefur því leikið á
harmoniku frá barnsaldri og hóf fljótlega leika
á dansleikjum fyrir vestan. Hann var ekki
gamall þegar fyrstu tónsmíðarnar hljómuðu
og þær eru orðnar fjölmargar.
Harmonikuunnendur minnast t.d.
Landsmótspolkans á Isafirði 2002, sem
landsmótsgestir léku í hópspili á
Ráðhústorginu í bænum. Þá hefur hann verið
driffjöður í starfi Harmonikufélags Vestfjarða
frá upphafi. Hljómsveit undir stjórn Baldurs
starfaði á ísafirði árum saman og hann komst
inn í þjóðarsálina svo um munaði sem BG og
Ingibjörg á áttunda áratugnum. Margir
minnast Baldurs á aðalfundum SÍHU, þar
sem hann hefur verið ólatur að taka lagið fólki
til ósvikinnar ánægju. Þá má ekki gleyma
samspili þeirra Villa Valla, sem ósjaldan hefur
sett svip á samkomur harmonikuunnenda.
Eiginkona Baldurs er Karítas Pálsdóttir.

Ýdalir 2017
Hátíð harmonikuunnenda
Hin árlega Breiðumýrarhátíð H.F.Þ. og F.H.U.E.
2017 verður nú haldin að Ýdölum í Aðaldal
28.-31
Hátíðirf hefst föstudagskvöldið 28. júlí með dansleik kl I ö:00 - 02:00
Á laugardaginn 29. verða tónleikar kl: 14:00 þar sem fram koma
harmonikuíeikarar víða að. Um kvöldið verður svo sameiginlegt grill
og endað á dansleik frá kl 22:00 til 02:00.
Nýr staður sama fjörið
Stjómir H.F.Þ og F.H.U.E
19