Morgunblaðið - 19.05.2020, Page 2

2 FRÉTTIRInnlent
MORGUNBLAÐIÐ ÞRIÐJUDAGUR 19. MAÍ 2020
MorgunblaðiðHádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Samninganefnd Flugfreyjufélags Ís-
lands og Icelandair funduðu enn í
Karphúsinu þegar Morgunblaðið fór
í prentun í gærkvöldi, en formlegur
sáttafundur hafði þá staðið yfir í tíu
klukkutíma. Fundað var í 18 klukku-
tíma á sunnudaginn, en síðasti form-
legi fundurinn í kjaradeilunni fyrir
það fór fram miðvikudaginn 13. maí.
Heimildir blaðsins herma að viðræð-
urnar séu einkar flóknar og erfiðar.
Öllum fundum samninganefnd-
anna tveggja hefur lokið án árang-
urs, en í kjölfarið á fundinum 13. maí
sendi Icelandair frá sér tilkynningu
þar sem fram kom að þau tilboð sem
lögð höfðu verið fram af hálfu félags-
ins hefðu verið til þess fallin að auka
samkeppnishæfni Icelandair og
verja ráðstöfunartekjur starfs-
manna á sama tíma.
Flugfreyjur lögðu fram sitt eigið
tilboð en fengu þau svör að samn-
inganefnd Icelandair sæi sér ekki
fært að ræða við samninganefnd
FFÍ á þeim grundvelli sem tilboðið
hljóðaði upp á.
Óformlegir fundir hafa átt sér stað
síðan þá í smærri hópum og voru
þeir hugsaðir sem vettvangur fyrir
vinnuhópa til að finna sameiginlega
fleti. Sú aðferð virðist hafa skilað til-
ætluðum árangri. liljahrund@mbl.is
Fundað í Karphúsinu fram
á nótt en án árangurs
 Samninganefnd FFÍ og Icelandair funduðu stíft í gær
Morgunblaðið/Árni Sæberg
Sáttafundur Frá sáttafundi FFÍ og Icelandair í síðustu viku.
Leit að skipverja sem er talinn hafa
fallið fyrir borð af fiskiskipi á leið
þess til hafnar í Vopnafirði um
klukkan tvö í gær stóð yfir fram á
kvöld. Leit heldur áfram í dag.
Björgunarsveitin Vopni á Vopnafirði
tekur þátt í leitinni auk þess sem
þyrla Gæslunnar skannaði stórt
svæði í gær. Jón Sigurðsson, formað-
ur björgunarsveitarinnar Vopna,
segir aðstæður til leitar hafa verið
góðar í gær. „Aðstæður hafa verið
ótrúlega góðar. Frekar gott í sjóinn.
Leitarskilyrði voru góð en leit bar
því miður engan árangur,“ segir Jón.
Þegar Morgunblaðið ræddi við Jón í
gærkvöldi var leit að ljúka. „Við ætl-
um að hvíla fólk í nótt og byrja í
fyrramálið með auknu afli frá öllu
Austurlandi. Það verða skip og bátar
á ferðinni og fjörur gengnar áfram
samhliða leit á sjó. Það er gengið út
frá því að hann hafi farið í sjóinn.“
Þyrla Gæslunnar sneri aftur til
Reykjavíkur í gærkvöldi, en fimm
kafarar úr séraðgerðasveit fóru
austur í gær og eru til taks í leitinni í
dag. Veðurspá fyrir Austurland er
góð í dag, bjart og heiðskírt.
liljahrund@mbl.is
Leita skipverja af fiskiskipi
 Leitaraðstæður
góðar í gær en leit
bar engan árangur
Ljósmynd/Jón R. Helgason
Leitin Björgunarsveitin Vopni sér um leitina að manninum.
Sjö Íslendingar
eru í hópi nærri
6.000 manna sem
boðað hafa hóp-
málsókn gegn
stjórnvöldum í
Tíról í Austur-
ríki. Hópurinn
sakar yfirvöld
um að hafa vís-
vitandi haft
hljótt um út-
breiðslu kórónuveirufaraldurs á
skíðasvæðum í sambandslandinu í
febrúar og mars og þar með sett
efnahag svæðisins ofar heilsu gesta
sinna. Um fjórðungur allra starfa í
þessum hluta Austurríkis byggist á
ferðamennsku, en veirusmit hafa
borist vítt og breitt um Evrópu frá
svæðinu. Ráðamenn í Tíról hafa
verið gagnrýndir fyrir að bregðast
of seint við og jafnvel hundsað við-
varanir, meðal annars þær sem ís-
lensk heilbrigðisyfirvöld gáfu út.
Ischgl var skilgreint sem há-
áhættusvæði 5. mars hér á landi
vegna fjölda Íslendinga sem
greindust með kórónuveirusmit eft-
ir að hafa dvalist þar. Yfirvöld í Tí-
ról hafa hins vegar vísað því á bug
að þau hafi virt viðvaranir að vett-
ugi. Þá hefur sakamálarannsókn
verið hafin á því hvort skíðabarinn
Kitzloch í Ischgl hafi reynt að leyna
því að barþjónn staðarins hefði
greinst með veiruna í lok febrúar.
Sjö Íslendingar í
hópmálsókn gegn
stjórnvöldum í Tíról
Ischgl er gríðarlega
vinsæll skíðabær.
Sundlaugar voru opnaðar að nýju í
gær, tæpum tveimur mánuðum eftir
að loka þurfti laugum landsins vegna
kórónuveirufaraldursins. Langar
raðir mynduðust fyrir utan laugar
Reykjavíkur strax á miðnætti.
Við Laugardalslaug og víðar stóðu
fleiri hundruð manns í röð, sem gerir
opnun sundlauga Reykjavíkur að
langstærstu samkomu hér á landi
frá upphafi samkomutakmarkana í
mars. Laugar og heitir pottar troð-
fylltust á skömmum tíma og tveggja
metra fjarlægðarreglan virðist ekki
hafa verið ofarlega í huga sundgesta.
Víðir Reynisson yfirlögregluþjónn
og Þórólfur Guðnason sóttvarna-
læknir sögðu í gær á upplýsinga-
fundi almannavarna að áskóknin
hefði verið viðbúin, en að þeir hefðu
þó vonast til þess að fólk virti
tveggja metra regluna. Víðir sagðist
þó ekki hafa miklar áhyggjur af
sundlaugum, en benti á að reyndist
einstaklingur smitaður í stórum hópi
gæti hann smitað ansi marga. Hann
vonar að landsmenn nýti sundlaug-
arnar vel, ekki síst á blíðviðrisdög-
um.
Útfærslan liggur ekki fyrir
Næsta mánudag, 25. maí, verða
barir og líkamsræktarstöðvar opnuð
að nýju. Þá er stefnt að því að opna
landamæri að nýju 15. júní. Í gær
hófst vinna sérstakrar verkefna-
stjórnar að útfærslu á opnun landa-
mæra Íslands, en tillögur hópsins
verða kynntar eftir tæpa viku.
Nái hópurinn ekki að komast að
niðurstöðu í tæka tíð gæti það rask-
að áformum um opnunina, en Þór-
ólfur sagði að yrði það raunin væri
það ríkisstjórnarinnar að horfast í
augu við það.
Stjórnvöld tilkynntu um opn-
unina á blaðamannafundi í síðustu
viku, en þá lá framkvæmdin ekki
fyrir. Hefur því ríkt óvissa um ýmis
útfærsluatriði sem Þórólfur vonast
til að hægt verði að greiða úr í vik-
unni.
Ekki ríkir einhugur innan heil-
brigðiskerfisins um þá ákvörðun að
opna landið á ný. Már Kristjánsson,
yfirlæknir á smitsjúkdómadeild
Landspítalans, sagði í samtali við
mbl.is í gær að margir af hans koll-
egum væru jafnvel reiðir yfir áform-
unum. Nú er í vinnslu áhættumat
fyrir spítalann svo hægt sé að
bregðast við breytingunum.
Spurður út í ummæli Más sagðist
Þórólfur ekki vera sammála þessari
skoðun. Hann segir ljóst að margir
séu ósáttir við opnunina, en taka
þurfi tillit til þess að einhvern tíma
þurfi að opna, hvort sem það sé
núna eða eftir ár.
Sundþyrstir biðu í röðum
 Opnun sundlauga í gær var stærsta samkoma hér á landi í margar vikur  Enn
er margt óljóst um opnun landamæra  Starfshópur kynnir tillögur 25. maí
Morgunblaðið/Eggert
Í pottinum Mikil aðsókn var í sundlaugar landsins í gær eftir að laugar voru opnaðar að nýju, tæpum tveimur mán-
uðum eftir að þeim var lokað vegna kórónuveirunnar. Mynduðust biðraðir við nokkrar af laugum borgarinnar.
Á bilinu 70 til 90 manns börðust við
gróðurelda í Norðurárdal í gær.
Þegar Morgunblaðið fór í prentun í
gærkvöldi var slökkvistarf enn í full-
um gangi, en að sögn Bjarna Þor-
steinssonar, slökkviliðsstjóra Borg-
arbyggðar, var erfitt að ráða við
eldinn og vonlaust að koma vatni á
staðinn. Tilkynnt var um eldinn á
sjötta tímanum í gær, en hann var
nokkru neðan við fossinn Glanna á
móti Veiðilæk. Engin mannvirki
voru talin vera í hættu, en talsvert
landsvæði hafði þegar brunnið í gær-
kvöldi. Slökkviliðsmönnum tókst að
hefta útbreiðsluna að miklu leyti en
lögð var áhersla á að eldurinn færi
ekki í áttina að Grábrók. Til stóð að
fá þyrlu Landhelgisgæslunnar til að-
stoðar við slökkvistarf, en eina not-
hæfa þyrla hennar var send austur á
Vopnafjörð þar sem leitað var skip-
verja sem talinn er hafa fallið fyrir
borð af fiskiskipi á leið þess til hafn-
ar í Vopnafirði. Slökkviliðsmenn frá
Akranesi og Suðurnesjum komu til
aðstoðar, en aðstæður eru erfiðar
fyrir slökkvistörf á svæðinu. Svæðið
er grýtt og erfitt yfirferðar. Slökkvi-
liðið beindi því til flugvéla að halda
sig í fimm kílómetra radíus frá eld-
inum þannig að hægt væri að nota
dróna til að meta umfang eldsins. Að
sögn slökkviliðsstjórans í Borgar-
byggð eru sveitarfélög mörg hver
vanbúin til að takast á við gróður-
elda, en talsvert hefur verið um þá á
síðustu dögum. Slökkviliðið á höfuð-
borgarsvæðinu sinnti þremur útköll-
um vegna gróðurelda í fyrradag, í
Mosfellsbæ, í Elliðarárdal og síðast í
Grafarholti.
Miklir gróðureld-
ar í Norðurárdal
 Hátt í 90 manns tóku þátt í slökkvistarfi