Morgunblaðið - 20.05.2020, Blaðsíða 2

Lilja Hrund Ava Lúðvíksdóttir
Gunnlaugur Snær Ólafsson
Leitin að sjómanninum sem talið er
að hafi fallið fyrir borð af fiskiskipi
í Vopnafirði í fyrradag bar engan
árangur í gær, en leitað var frá
morgni til kvölds. Um 140 björg-
unarsveitarmenn tóku þátt í leitinni
og er talið að alls hafi um 170 ein-
staklingar leitað sjómannsins í gær.
Leitin var umfangsmikil en
drónakafbátur kannaði sjávarbotn-
inn, gengið var meðfram strand-
lengjunni, björgunarbátar sigldu
um fjörðinn og eftirlits- og björg-
unarflugvél Landhelgisgæslunnar
leitaði úr lofti, en þyrla Gæslunnar
aðstoðaði við leitina í fyrradag.
Allur fjörðurinn innan tanga var
fínkembdur á sjó og landi. Auk þess
var leitað á svæði sem markast af
Selnibbu að norðan og Flös í Kollu-
múla að sunnan.
Jón Sigurðsson, formaður björg-
unarsveitarinnar Vopna, sagði í
gær að aðstæður til leitar væru
góðar og fengust björgunarsveitir
allt vestan frá Húsavík og sunnan
frá Djúpavogi til þess að aðstoða
heimamenn.
Leitinni verður haldið áfram í
dag og mun björgunarsveitin Vopni
annast hana næstu daga og fram að
helgi. Stefnt er þá að fjölgun í leit-
arliði að nýju. Ákvörðun um fram-
hald leitar, hafi hún ekki borið ár-
angur, verður þá tekin.
Skjót og fagmannleg viðbrögð
Maðurinn var á 350 tonna fiski-
skipi sem var á leið til lands eftir
veiðar og er í leigu annars útgerð-
arfélags en þess sem er skráður
eigandi skipsins. Útgerðarstjóri
fyrirtækisins sem á fiskiskipið
hrósaði í samtali við mbl.is leigu-
taka skipsins fyrir skjót og fag-
mannleg viðbrögð sem hafa miðað
að því að veita áhöfninni þá þjón-
ustu sem hún hefur þarfnast í kjöl-
far atviksins. „Það hefur verið al-
veg til fyrirmyndar hvernig
brugðist var við. Þeir hafa komið
alveg rosalega vel fram við áhöfn-
ina,“ sagði útgerðarstjórinn sem
kvaðst ekki vilja tjá sig frekar um
málið.
Leit haldið áfram í dag
 Umfangsmikil leit var frá morgni til kvölds að sjómann-
inum í Vopnafirði  Alls tóku um 170 þátt í leitinni í gær
Leitað í Vopnafirði
Grunnkort: marinetraffi c.com
Fjölmörg björgunar-
skip og bátar taka þátt
í leitinni sem beinist
einkum að svæðinu í
kringum og suður af
Seley. Á kortinu sést
leitarsvæði björgunar-
skipsins Sveinbjarnar
Sveinssonar frá
Vopnafi rði eins og það
leit út síðdegis í gær á
marinetraffi c.com.
Vopnafjörður
Vopnafjörður
2 FRÉTTIRInnlent
MORGUNBLAÐIÐ MIÐVIKUDAGUR 20. MAÍ 2020
Bókhald & ráðgjöf
- Eignaskiptayfirlýsingar
& skráningartöflur
Numerus – bókhald og ráðgjöf / Suðurlandsbraut 22 / S. 896 4040
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Aron Þórður Albertsson
aronthordur@mbl.is
Lögreglan á höfuðborgarsvæðinu
mun frá og með deginum í dag
beita viðurlögum séu ökutæki enn á
negldum dekkjum í umferðinni.
Þetta segir Árni Friðleifsson, aðal-
varðstjóri umferðardeildar.
Nagladekk eru lögum samkvæmt
bönnuð undir bílum frá 15. apríl en
yfirleitt er ekki byrjað að sekta fyrr
en 10. maí. Að sögn Árna er lög-
reglan seinna á ferðinni í ár sökum
ástandsins. „Við erum að byrja
þetta aðeins seinna en venjan hefur
verið. Við erum yfirleitt að byrja í
kringum 10.-15. maí. Seinkunin
skýrist bæði af faraldrinum og svo
voru veðurfarslegar aðstæður um
mánaðamótin þess eðlis. Að auki
var erfitt að fá tíma í dekkjaskipti,“
segir Árni sem hvetur alla öku-
menn, sem enn eru á nagladekkj-
um, til að huga að dekkjaskiptum
sem fyrst. „Við höfum verið í góðu
sambandi við dekkjaverkstæðin síð-
ustu vikur og þau hafa veitt okkur
góðar upplýsingar um bókunar-
stöðu. Nú er það svo að flestir eiga
að geta fengið tíma. Við hvetjum
því alla til að drífa í þessu,“ segir
Árni.
Séu ökumenn enn á nagladekkj-
um geta þeir nú átt von á hárri
sekt, allt að 80 þúsund krónum.
„Við verðum á einhverjum tíma-
punkti að hnippa í ökumenn. Þetta
eru 20 þúsund kr. á hvert dekk sem
samtals gerir auðvitað 80 þúsund
kr. Þetta er sekt sem bítur verulega
þannig að við hvetjum alla sem ekki
eru búnir að skipta til að gera það,“
segir Árni.
Ökumenn sektaðir
fyrir negld dekk
 Lögreglan byrjar að sekta í dag
„Ég hef ekki upp-
lýsingar um
hvaða aðilar eru
að fara í sýna-
töku. Mér þykir
þó líklegast að
þetta sé fólk sem
hefur áhyggjur
eða er sent af
lækni,“ segir Már
Kristjánsson,
yfirlæknir smitsjúkdómalækninga
Landspítalans, um mikinn fjölda
sýna undanfarna daga.
Eins og áður hefur komið fram
hefur ekkert smit greinst í viku hér
á landi. Þrátt fyrir það virðist ekkert
lát á sýnatöku, en í gær voru alls
tekin ríflega 300 sýni á sýkla- og
veirufræðideild Landspítala og hjá
Íslenskri erfðagreiningu. Spurður
hvers vegna svo sé segist Már ekki
vita hvað búi að baki. Hann viður-
kenni jafnframt að fjöldinn komi sér
á óvart. „Mér finnst þetta mjög mik-
ið. Það er erfitt að átta sig á því
hvers vegna þetta er,“ segir Már.
aronthordur@mbl.is
Ekkert lát
á sýnatöku
hér á landi
Már Kristjánsson
 Mikill fjöldi sýna
þó að enginn greinist
20% þeirra sem tóku þátt í könnun
Félagsvísindastofnunar á starfsum-
hverfinu á Alþingi hafa orðið fyrir
einelti, en niðurstöður hennar voru
kynntar þingmönnum og starfsfólki
þingsins í gær. Einelti er algengast
meðal þingmanna, en alls hafa 37,7%
þingmanna orðið fyrir einelti og
18,4% allra þátttakenda í könnuninni
hafa orðið fyrir kynbundinni áreitni.
Þar af höfðu 31,8% þeirra þing-
manna sem tóku þátt í könnuninni
orðið fyrir kynbundinni áreitni.
Forsætisnefnd þingsins skipaði í
janúar síðastliðnum jafnréttisnefnd
Alþingis, en henni er meðal annars
ætlað að fara yfir niðurstöður könn-
unarinnar og fylgja þeim eftir. „Ég
tel afar mikilvægt að þessi könnun
hafi verið gerð sem liður í aðgerðum,
í ferli, til að takast á við og laga það
sem betur má fara,“ segir Stein-
grímur J. Sigfússon, forseti Alþing-
is, í fréttatilkynningu þingsins í gær.
„Við hljótum að taka niðurstöðurnar
alvarlega, sláandi sem þær eru,
fylgja þeim eftir og halda vinnunni
áfram.“
Um 38%
orðið fyrir
einelti
 Steingrímur segir
niðurstöðuna sláandi
Stefán Gunnar Sveinsson
Erla María Markúsdóttir
Allt tiltækt slökkvilið Akureyrar var
kallað út um kvöldmatarleytið í
gærkvöldi þegar tilkynning barst
um að reyk legði frá Hafnarstræti
37 í Innbænum svonefnda. Húsið er
tveggja hæða bárujárnsklætt timb-
urhús með steyptum kjallara, en
það var byggt árið 1903. Reykkaf-
arar fundu einn mann á miðhæð
hússins, en hann var meðvitundar-
laus þegar hann fannst. Maðurinn
var fluttur á Sjúkrahúsið á Akureyri
til aðhlynningar, en engar upplýs-
ingar var að fá um líðan hans í gær-
kvöldi.
Ólafur Stefánsson, slökkviliðs-
stjóri slökkviliðsins á Akureyri,
sagði í samtali við Morgunblaðið um
ellefuleytið í gærkvöldi að slökkvilið
væri enn að rífa veggi hússins og
slökkva í þeim glæðum sem þá
kæmu í ljós. Sagði hann ljóst að hús-
ið væri gjörónýtt eftir eldsvoðann.
Ólafur sagði að greiðlega hefði
gengið að ná tökum á eldinum, en
gerði ráð fyrir því að slökkvistarf
myndi standa eitthvað fram á nótt.
Samkvæmt tilkynningu lögregl-
unnar á Norðurlandi eystra þurfti
að rýma tvö hús í nágrenninu, en
húsið stóð meðal annarra timbur-
húsa í gamalgrónu hverfi. Ekkert lá
fyrir um eldsupptök í gærkvöldi, en
rannsókn gæti hafist í dag.
Morgunblaðið/Sigurður Bogi Sævarsson
Eldsvoði Slökkviliðsmenn sáu sig tilneydda til þess að rífa hluta af þaki hússins svo að slökkva mætti eldinn.
Bjargað úr alelda húsi
 Einn fluttur á Sjúkrahúsið á Akureyri eftir að eldur kom
upp í Hafnarstræti 37  Eitt af eldri húsum bæjarins
Morgunblaðið/Margrét Þóra
Bruni Húsið var tveggja hæða timburhús á steyptum kjallara og var alelda.