Morgunblaðið - 22.05.2020, Page 6

6 FRÉTTIRInnlent
MORGUNBLAÐIÐ FÖSTUDAGUR 22. MAÍ 2020
Dagskrá:
Venjuleg ársfundarstörf
Vakin er athygli á að allir sjóðfélagar eiga rétt til setu
á ársfundinummeð málfrelsi og tillögurétti.
Stjórn Gildis-lífeyrissjóðs
Grand Hótel Reykjavík, þriðjudaginn 16. júní kl. 17:00
Gildi–lífeyrissjóður
Ársfundur 2020
▪
Lífeyrissjóður www.gildi.is
Alexander Gunnar Kristjánsson
alexander@mbl.is
Sunneva Halldórsdóttir læknanemi
hefur ekki setið auðum höndum í
samkomubanninu frá því að háskól-
anum í Slóvakíu var lokað. Nú er hún
komin í stór-
tæka listaverka-
sölu en hún seg-
ir að það hafi
verið fyrir al-
gjöra tilviljun.
„Fyrir nokkrum
vikum bað vin-
kona mín mig
um að græja
fyrir hana sængurgjöf. Ég teiknaði
mynd af fiskum og setti fæðingarupp-
lýsingar um barnið,“ segir Sunneva.
Hún deildi myndinni á Instagram og
viðbrögðin létu ekki á sér standa.
„Ég fékk ótrúlega mörg skilaboð út
frá þessari einu fiskamynd,“ segir
Sunneva. Fjölmargir hafi haft áhuga
á að fá sams konar stjörnumerkja-
mynd til minningar eða gjafar. Svo
mikil er eftirspurnin að Sunneva hef-
ur nú látið prenta öll stjörnumerkin
tólf í fjölriti en bætir inn á þau upp-
lýsingum til að sérsníða hvert og eitt
verk.
Því til viðbótar hefur Sunneva tek-
ið að sér sérpantanir í gegnum Face-
book-síðuna Sunneva Art.
Sunneva segir að hún hafi alltaf
haft gaman af að teikna og meðal
annars verið í myndlistarskóla þegar
hún var yngri. „Ég hef alltaf haft
blað og blýant við höndina og verið
eitthvað að leika mér.“ Hún hafi oft
deilt teikningum á Instagram og
fengið jákvæð viðbrögð en aldrei áð-
ur stundað það að selja listaverk.
Flúði heim undan veirunni
„Það má segja að COVID sé pínu
jákvætt að því leytinu til að ég hafði
nægan tíma til að einbeita mér að
þessu,“ segir hún og viðurkennir að
mikill tími fari í vinnuna, en milli
þess er hún í fullu starfi í apóteki.
Þegar kórónuveirufaraldurinn fór
að láta á sér kræla í febrúar var
Sunneva í læknanámi í Slóvakíu.
Skólanum var þá lokað og Sunneva
flúði heim til Íslands eins og svo
margir námsmenn í útlöndum. Sunn-
eva skráði sig þá í ársleyfi frá námi
og segist ekki sjá eftir því. Með því
hafi hún sloppið við að greiða leigu
fyrir tóma íbúð í Slóvakíu auk þess
sem hún sleppi við fjarkennsluna
sem henni hugnast ekki. Hún verður
því á Íslandi fram í febrúar á næsta
ári.
Aðspurð segist hún ekki vita hvort
hún leggi teikningarnar fyrir sig sem
aðalstarf, en hún útilokar ekki að hún
muni prófa önnur verk en stjörnu-
merkjamyndir.
Ljósmynd/Aðsend
Sérsniðið Á myndirnar skrifar Sunneva inn nafn og upplýsingar um barnið auk stjörnumerkisins.
Stjörnumerki slá í gegn
 Teiknar stjörnumerkjamyndir fyrir nýbura  Átti aldrei
að verða söluvara  Tók sér árshlé frá læknanáminu
Morgunblaðið/Margrét Þóra
Myndlist Sunneva með eina af
stjörnumerkjamyndunum vinsælu.
Alexander Gunnar Kristjánsson
alexander@mbl.is
Samkomutakmarkanir vegna kór-
ónuveirunnar hafa í för með sér að
hólfa þarf niður mörg stór rými til að
tryggja að fjöldi
innan hvers rýmis
sé í samræmi við
reglur. Slíkt
skapar ýmsar
áskoranir fyrir
fyrirtæki, stofn-
anir og viðburða-
haldara. Þetta
segir Böðvar
Tómasson, bygg-
ingar- og bruna-
verkfræðingur
hjá ÖRUGG verkfræðistofu. Hann
segir að þegar rými séu hólfuð niður
virðist stundum gleymast að nauð-
synlegt sé að tryggja að eftir sem áð-
ur séu tvær óháðar flóttaleiðir frá
hverju svæði eins og byggingar-
reglugerðir kveði á um. Ekki er oft
hlaupið að því að koma upp nýjum
flóttaleiðum fyrir rými sem búið er
að skipta upp, en Böðvar segir að
hægt sé að tryggja öryggi með því að
búa svo um að hægt sé að komast frá
einu svæði yfir á annað í neyðartil-
fellum. „Það er til dæmis hægt að
hafa bil í grindum [sem skilja svæði
að] eða hafa starfsfólk á vakt þannig
að hægt sé að fara á milli svæða í
neyðartilvikum.“
Þá þurfi að gera teikningar sem
sýni skiptingu í hólf og flóttaleiðir,
passa upp á aðgengi að handslökkvi-
tækjum á hverju svæði og jafnvel
uppfæra sjálflýsandi merkingar til
viðbótar við hefðbundin gegnumlýst
útljós.
ÖRUGG verkfræðistofa sérhæfir
sig í brunavörnum og gerð rýmingar-
áætlana. Þótt stofan sé tiltölulega ný
hafa stofnendur yfir 20 ára reynslu
úr geiranum. Böðvar segir að stof-
unni hafi borist nokkur fjöldi fyrir-
spurna síðustu vikur um hvernig best
sé að útfæra samkomutakmarkanir.
„Við förum yfir teikningar og
skissur og hvernig fyrirtæki hafa
hugsað sér að skipta upp svæðum.
Þetta þarf ekki endilega að vera
flókið,“ segir Böðvar. Verkfræðingar
stofunnar hafi tekið saman helstu at-
riði, sem fyrirtæki geti nálgast hjá
þeim að kostnaðarlausu. „Þetta er
hugsað sem okkar framlag á þessum
óvenjulegu tímum.“
Mikilvægt að
huga að öryggi
 Borið hefur á því að rýmum sé skipt upp
í svæði án þess að hugað sé að flóttaleiðum
Böðvar
Tómasson
Stjórnvöld í Bretlandi eru að innleiða
skyndipróf til að kanna hvort fólk er
sýkt af kórónuveirunni. Niðurstöður
fást innan 20 mínútna. Prófin eru ekki
eins nákvæm og þær greiningar á
sýnum sem gerðar eru hér hjá sýkla-
og veirufræðideild Landspítalans og
Íslenskri erfðagreiningu og telur yfir-
læknir deildarinnar ekki akk í því að
fá þau til notkunar hérlendis.
Innleiðing skyndiprófanna í Bret-
land er tilraun til að koma þjóðinni út
úr þeirri blindgötu sem baráttan
gegn kórónuveirunni hefur verið í þar
í landi. Hefst notkun þeirra í dag.
Karl G. Kristinsson, yfirlæknir
sýkla- og veirufræðideildar Landspít-
alans, segir að eina skyndiprófið sem
byggi á sameindafræðilegri greiningu
sé notað í Bandaríkjunum. Ef sýni
reynist jákvætt koma niðurstöður eft-
ir fimm mínútur en eftir fimmtán
mínútur ef það er neikvætt. Þessi
tækni hefur hins vegar ekki fengist
keypt til annarra landa. Karl segir að
það sé ekki eins næmt og prófin sem
hér eru gerð.
Prófin sem gerð eru í Bretlandi
byggjast á greiningu á mótefna-
vökum, yfirborðspróteini veirunnar,
og eru ekki eins næm og próf sem
byggjast á sameindafræðilegri grein-
ingu. Karl segir að Alþjóða heil-
brigðismálastofnunin hafi ekki viður-
kennt próf af þessu tagi, síðast þegar
hann vissi, en telur ólíklegt að Bretar
noti próf sem ekki hafi hlotið viður-
kenningu. helgi@mbl.is
Skyndiprófin ekki
talin nógu næm
 Niðurstöður fást á 20 mínútum
Leit að skipverja, sem talið er að hafi
fallið fyrir borð af fiskiskipinu Er-
lingi KE-140 í Vopnafirði á mánu-
dag, lauk um klukkan þrjú í gær.
Ekkert nýtt kom út úr leitinni. Skil-
yrði til leitar á landi voru góð framan
af degi en um 25 björgunarsveitar-
menn úr björgunarsveitinni Vopna
og Slysavarnafélaginu Sjöfn leituðu
mannsins. Hefur leitarsvæðið frá
Tangasporði að Sandvík nú verið
yfirfarið tvívegis, sem og sandfjörur
í Sandvík. Ekki var þó hægt að leita
á sjó vegna mikils sjógangs.
Stefnt er að því að halda leit áfram
í dag þótt sú verði minni í sniðum.
Leitarsvæðið verður hið sama og síð-
ustu daga.
Leit að skipverjanum
lauk án árangurs
 Leit verður framhaldið í dag
Ljósmynd/Jón R. Helgason
Vopnafjörður Mannsins hefur verið saknað síðan á mánudag.