Málfríður - 2016, Blaðsíða 16

Verðlaunaskjalið sem fylgdi með verðlaununum. Allir
nemendur sem hljóta verðlaun Ísbrúar fá slíkt skjal.
Vorið 2016
Kæri útskriftarnemandi
af
Opinni braut Flensborgarskóla í Hafnarfirði
Joniada Dega
Innilega til hamingju með námsárangur þinn og
bestu framtíðaróskir!
Fyrir hönd Ísbrúar - félags kennara sem kenna
íslensku sem annað tungumál
______________________________________
Hulda Karen Daníelsdóttir, formaður
Stjórn Ísbrúar er mjög hreykin af þessu nýjasta verk-
efni félagsins, enda hafa margir skólameistarar og aðrir
fulltrúar framhaldsskólanna hrósað því og þakkað
fyrir framtakið.
Ísbrú hefur á margvíslegan hátt komið að verð-
ugum verkefnum. Við höfum haldið tólf sumarnám-
skeið fyrir kennara sem kenna íslensku sem annað
tungumál á öllum skólastigum og tvo starfsdaga
fyrir starfsfólk leikskóla og þá sem koma að kennslu
nemenda á yngsta stigi grunnskólans. Áherslan hefur
ávallt verið á starfsþróun kennara og þjálfun þeirra í
ýmsum kennsluháttum og leiðum til að kenna nem-
endum með íslensku sem annað tungumál. Á næsta
skólaári mun félagið standa fyrir starfsdegi í samstarfi
við Þjónustumiðstöð Miðborgar og Hlíða sem ber
heitið Hvað er til? Hvar er það? Hvernig nota ég það?
Starfsdagurinn er ætlaður kennurum sem vilja auka
færni sína í að kenna nemendum með íslensku sem
annað tungumál.
Núverandi stjórn Ísbrúar skipa Hulda Karen
Daníelsdóttir formaður, Irma Matchavariani varafor-
maður, Sveindís Valdimarsdóttir gjaldkeri, Ingibjörg
Ferdinandsdóttir ritari og Þorbjörg Guðnadóttir með-
stjórnandi. Varamenn eru þær Erla Bolladóttir og Alma
Guðrún Frímannsdóttir.
Viet Ha Nguyen tekur við verðlaununum Ísbrúar úr hendi Fjölnis
Ásbjörnssonar við útskrift Tækniskólans í Háskólabíó 23. maí 2015.
Anett Ernfelt Andersen útskrifaðist frá Verkmenntaskólanum á
Akureyri 2015
Leu Plesec Jerman útskrifaðist frá Menntaskólanum í Reykjavík 2015.
Hrafnhildur Hallvarðsdóttir þá aðstoðarskólameistari Fjölbrautaskóla
Snæfellinga og verðlaunahafinn Amila Crnac.
16 MÁLFRÍÐUR