Málfríður - 2016, Blaðsíða 12

Fyrir mörgum árum síðan sat ég kennarafund þar sem
verið var að fara yfir niðurstöður úr samræmdum
prófum og ritunarþátturinn í ensku í 10. bekk hafði víst
enn einu sinni komið frekar illa út í þeim skóla. Fram
að því hafði ég eingöngu kennt ensku á miðstigi og
því ekki beinlínis tekið þessar dapurlegu, árlegu niður-
stöður samræmdra prófa til mín, þótt ég hefði auðvitað
átt að gera það. Ég vissi að á næsta skólaári ætti ég að
kenna ensku á elsta stigi svo að ég fór að skoða hvernig
ég gæti reynt að snúa þessari þróun við. Ég lagði fyrir
mismunandi ritunarverkefni, s.s. að skrifa texta eftir
myndasögum, umfjöllun um bók, kjörbókarritgerð
o.s.frv. Allt tókst þetta svo sem bærilega hjá mér en mér
fannst samt alltaf eitthvað vanta upp á og þetta „eitt-
hvað“ var í stuttu máli áhugi nemenda.
Það var því sem ég hefði himin höndum tekið
árið 2012 þegar ég kynntist ensku smásagnakeppn-
inni, sem Renata Emilsson Peskova, enskukennari
í Hlíðaskóla, stýrði fyrir hönd FEKÍ (Félag ensku-
kennara á Íslandi) af miklum myndarbrag. Þarna
var komið tæki fyrir mig til að efla ritun nemenda
OG efla áhuga þeirra um leið. Það var ekki ein-
göngu sú hugmynd að hafa ritunarsamkeppni meðal
grunn- og framhaldsskóla í tengslum við evrópska
tungumáladaginn 26. september sem heillaði mig,
heldur var greinilega um mjög metnaðarfullt og vel
skipulagt verkefni að ræða – og gott skipulag er að
mínu mati lykillinn að góðum árangri . Um hálfum
mánuði fyrir keppnina var sent út kynningarbréf þar
sem keppnin var ítarlega kynnt með vefslóðum þar
sem hægt var að lesa eldri verðlaunasögur á rafrænu
formi. Stuttu fyrir evrópska tungumáladaginn var
svo send út auglýsing þar sem reglur keppninnar
voru nánar útlistaðar ásamt orðinu (þemanu) sem
nemendur áttu að skrifa út frá. Þetta er mikilvægt
svo að kennarar geti undirbúið keppnina vel. Allur
undirbúningur fyrir keppnina og úrvinnsla á smá-
sögunum var Renötu og stjórn FEKÍ til mikils sóma,
og ýtti það allt undir áhuga minn á þátttöku.
Metþátttaka
Nemendur í Grunnskólanum í Hveragerði hafa tekið
þátt í keppninni frá árinu 2012 með ágætis- og oft og
tíðum óvæntum árangri. Glæsilegar verðlaunahátíðir
með veglegum bókaverðlaunum sem haldnar voru í
sendiráði Bandaríkjanna fyrir nemendur, foreldra og
kennara, virkuðu mjög hvetjandi og nemendur hafa
sýnt keppninni sífellt meiri áhuga og lagt meiri metnað
í sínar smásögur. Þátttakan hefur líka aukist jafnt og
þétt og árið 2015 bárust okkur yfir 150 smásögur sem
setti okkur í þann ánægjulega vanda að þurfa að velja
einungis þrjár smásögur úr þeim hópi fyrir lands-
keppnina. Fyrir allt þetta erum við afskaplega þakklát.
Skipulag keppninnar hérna í grunnskólanum í
Hveragerði er komið í nokkuð fastar skorður og við
undirbúum kynningu á keppninni sjálfri vandlega.
Reynslan hefur kennt okkur að framhaldið ræðst af
því hvernig okkur tekst að kveikja áhuga nemenda.
Það er í raun og veru aðalatriðið og kannski það sem
mestu máli skiptir, þ.e. hve vel okkur kennurum tekst
að „selja“ nemendum hugmyndina að því að skrifa
smásögu á ensku út frá einu litlu orði. Okkur hefur
tekist það nokkuð vel og þessi skemmtilega keppni í
ritun hefur hingað til hitt í mark hjá nemendum. Ekki
má gleyma því að nemendur sem eiga erfitt með ritun
finnst þetta verkefni líka skemmtilegt því það má
teikna myndasögu og þótt enski textinn sé oft ekki
mikill eru allir að taka þátt á sínum forsendum.
Tungumáladagurinn notaður sem kveikja
Í Hveragerði byrjum við á því að kynna keppnina á
evrópska tungumáladeginum þann 26. september.
Kynningin er byggð á kynningarbréfinu sem okkur
berst frá FEKÍ um tveimur vikum fyrir keppnina og
auglýsingunni sem við fáum senda rétt fyrir hana.
(Þetta miðast við það þegar Renata hélt utan um keppn-
ina til ársins 2015). Áður en við kynnum orðið sem rita
skal út frá, þemað, erum við sjálf búin að kynna okkur
það vandlega og alla mögulega anga þess ef svo má
að orði komast. Í kjölfarið hefst svo hugstormun með
nemendum um innihald smásögunnar og mögulegar
útfærslur, sem í raun er mikilvægasti hluti þess að
kveikja áhuga nemenda.
Áhugi nemenda á ritun á ensku eykst
með smásagnakeppninni
12 MÁLFRÍÐUR
Ólafur Jósefsson, enskukennari við
Grunnskólann í Hveragerði